ИИМдин кызматкери блокпостто айдоочунун документтерин текшерип жатат. Архив

Ишин жанданткан ишкана кызматкерлери өткөрмө кагазын алууга милдеттүү болот

411
(жаңыланган 12:08 29.04.2020)
Учурда өткөрмө кагаздарын кечиктирбей берүү үчүн комендатуранын операторлоруна дагы мамлекеттик органдардан адистер тартылды.

БИШКЕК, 29-апр. — Sputnik. 1-майдан тарта ишин жанданта турган мекеме, уюмдардын кызматкерлери өткөрмө кагазын алууга милдеттүү. Бул туурасында экономикалык блок боюнча вице-премьер Эркин Асрандиев брифинг учурунда билдирди.

Белгилей кетсек, 1-майдан тарта бизнестин жети түрүнө ишин баштоого уруксат берилген.

“Аз убакытта ишканалардын баарына өткөрмө кагазы менен камсыздоо маселеси турат. Бизге абдан көп, 10-20 миң кайрылуу түшөрүн түшүнүп турабыз. Өткөрмө кагаздары кагаз менен эмес, электрондук түрдө гана берилет. Бул системаны учурда комендатурада 10 оператор тейлейт, кошумча дагы Салык инспекциясынан, Архитектура, курулуш жана турак жай-коммуналдык чарба мамлекеттик агенттигинен, Өнөр жай, энергетика жана жер казынасын пайдалануу мамлекеттик комитетинен сегиз адис тартылды”, — деди Асрандиев.

Ошондой эле вице-премьер кайрылуулар көпкө кармалып калса туура түшүнүү керектигин эскертип, мындан улам ишин жандантууга уруксат бербеген тараптар арыз калтырып операторлорду убара кылбоого чакырды.

“Өткөрмө кагазын болушунча эртерээк бериш үчүн операторлор керек болсо күнү-түнү майрам күндөргө да карабай иштөөгө даяр. Тармактык мамлекеттик органдар арыздарды иргеп, керектүү тараптарга өз маалында уруксат берүүдө комендатурага жардам берет”, — деди вице-премьер.

Бишкек комендатурасынан өткөрмө кагазын алуу үчүн 1312.tunduk.kg сайты аркылуу арыз калтырууга болот.

Коронавирустун кесепети

Кыргызстанда COVID-19 жуктуруп алгандардын саны 729га жетип, анын жарымынан көбү, 437си, айыкты. Тилекке каршы, вирус сегиз кишинин өмүрүн алды.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган. 
Кабарларды ыкчам, ыңгайлуу шартта окуу үчүн Telegram каналыбызга баш багыңыз.

411
Белгилер:
уруксат, өткөрмө, Эркин Асрандиев
Тема:
Коронавируска байланыштуу Кыргызстандагы кырдаал (2317)
Тема боюнча
Асрандиев: 1-майдан тарта такси кызматы иштей баштайт. Шарты
Коронавирустан 21 бейтап сакайып, 437 кыргызстандык үйгө чыкты
Саргарган дарактар. Архив

Бейшембиге карата аба ырайы

38
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

38
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

276
(жаңыланган 23:47 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда, Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

276
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот