Бишкек шаарынын коменданты Алмазбек Орозалиев. Архив

Оору жугузасыңар! Комендант такси, чач тарачтар тартип сактабай жатканын эскертти

372
(жаңыланган 12:02 04.05.2020)
Орозалиев ишкердик жайлардын кожоюндарына кайрылып, санитардык-эпидемиологиялык талаптарды катуу сактоону өтүндү.

БИШКЕК, 4-май – Sputnik. Бир катар такси айдагандар санитардык-эпидемиологиялык эрежени сактабай, сулуулук салондору, чач тарачтар бет капсыз иштеп жатышат. Андыктан юридикалык, жеке тараптар жоопко тартылат. Бул туурасында Бишкек шаарынын коменданты Алмазбек Орозалиев маалымат жыйында билдирди.

Ал ишкердик жайлардын кожоюндарына кайрылып, санитардык-эпидемиологиялык талаптарды катуу сактоону өтүндү.

"Такси кызматтарынын бир эмес, экиден киши ташып бара жатканын көрүп жатабыз. Мындай болбойт, башкаларга оору жугузасыңар. Абал бизден ушуну талап кылып жатат. Жоопкерчиликсиз мамиле менен инфекциянын экинчи толкунун жаратып алабыз", - деди Орозалиев.

Ал шаардыктардан карантиндин талаптарын сактоону суранып, тартип бузулса мыйзам чегинде чара көрүлөрүн эскертти.

Коронавирустун кесепети

Кыргызстандан коронавируска кабылгандардын саны 830га жетип, анын ичинен 575и айыгып чыкты. Тилекке каршы, 10 бейтап каза болуп калды.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

372
Белгилер:
Аскер кызматкери, оору, коронавирус, Кыргызстан
Тема:
Коронавируска байланыштуу Кыргызстандагы кырдаал (2437)
Тема боюнча
Жеңишке жакындадык! Бишкек коменданты кубануу менен жакшы жаңылык айтты
Аскер кызматкерлеринин арасында COVID-19 жуктуруп, ооруканада жаткандар бар
Гумжардам деп алдагандар бар. Комендант Бишкектеги кылмыштын түрлөрүн атады
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

34
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

34
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал (2437)
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

60
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

60
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео