Биринчи вице-премьер Кубатбек Боронов

Боронов Ысык-Көлгө кирип-чыгууну чектөөнү аша чапкандык катары баалады

1452
(жаңыланган 15:50 05.05.2020)
Биринчи вице-премьер баары Саламаттык сактоо министрлиги бекиткен текшерүү алгоритмине ылайык иш алып барышы зарыл экенин айткан.

БИШКЕК, 5-май — Sputnik. Өкмөттүн облустардагы ыйгарым укуктуу өкүлдөрүнүн регионго кирүүгө тыюу салуу жана коронавирус менен оорубагандыгы тууралуу жарандардан маалым кат талап кылуу боюнча өз алдынча кабыл алган чечимдерин өзгөртүү керек. Бул туурасында биринчи вице-премьер Кубатбек Боронов Республикалык штабдын отурумунда билдирди.

Анын айтымында, аймакка кирүүчү жердеги санитардык-карантиндик посттордо автоунаалар менен адамдарды Саламаттык сактоо министрлиги бекиткен текшерүү алгоритмине ылайык көзөмөлдү күчөтүү улантылышы шарт.

“Жаранда COVID-19 инфекциясынын жоктугу тууралуу маалым катты талап кылуу ашыкча. Бул тиешелүү алгоритминде каралбаган шарттан тышкары иш-аракет”, — деди Боронов.

Белгилей кетсек, Ысык-Көл облустук штабы 4-майдан баштап өз аймагына кирип-чыгууга тыюу салуу чечимин кабыл алган. Ага ылайык, облустан жүйөлүү себеп менен гана чыгууга уруксат берилет. Ал эми сырттан келгендерден экспресс-тест, ПЦР анализинин жыйынтыгы боюнча маалым кат талап кылынат. 14 күндүк үй карантинине алынат.

Коронавирустун кесепети

Кыргызстанда коронавируска кабылгандардын саны 843кө жетип, анын ичинен 600ү айыгып чыкты. Тилекке каршы, 11 бейтап каза болуп калды.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

1452
Белгилер:
өзгөртүүлөр, чечим, Кубатбек Боронов, кат, маалымат, чектөө, Ысык-Көл
Тема:
Коронавируска байланыштуу Кыргызстандагы кырдаал (2317)
Тема боюнча
Ысык-Көлгө кирип-чыгууга салынган тыюу кайра каралмай болду. Себеби
Жалал-Абаддын Чаткал районуна кирип-чыгууга тыюу салынды
ИИМ кызматкери. Архив

Милиция БШК мүчөлөрүн эмнеге суракка чакырды? ИИМдин жообу

42
(жаңыланган 18:12 21.10.2020)
Учурда ИИМдин тергөө кызматы 5-6-октябрь күндөрү Бишкектеги массалык башаламандык фактысы боюнча сотко чейинки өндүрүштү иликтеп жатат.

БИШКЕК, 21-окт. — Sputnik. Ички иштер министрлигинин маалымат кызматы Борбордук шайлоо комиссиясындагы абал тууралуу билдирүү таратып, сотко чейинки өндүрүштүн алкагында милиция күбөлөрдү суракка алып келүүгө милдеттүү экенин маалымдады.

Ага ылайык, учурда ИИМдин тергөө кызматы 5-6-октябрь күндөрү Бишкектеги массалык башаламандык фактысы боюнча сотко чейинки өндүрүштү иликтеп жатат. Бул иш Жазык кодексинин 264-беренесинин 1-бөлүмү ("Массалык башаламандык") боюнча Кылмыш жана жоруктардын бирдиктүү реестрине катталган.

"Массалык башаламандыкка түрткү болгон себептерди аныктоо максатында ИИМдин криминалдык милиция кызматы Борбордук шайлоо комиссиясынын бардык мүчөлөрүн күбө катары суракка алуу үчүн кабарлама берүүнү тапшырган", — деп айтылат маалыматта.

Бийлик кантип алмашты? Соңку окуялардагы урунттуу учурлар

Буга чейин ИИМдин кызматкерлери Борбордук шайлоо комиссиясынын мүчөлөрүн суракка алып кетүүгө аракет кылып жатканы кабарланган.

42
Белгилер:
күбө, митинг, сурак, БШК, ИИМ
Тема боюнча
БШК бул жолку шайлоого канча каражат кетерин кабарлады
БШК: милиция биздин мүчөлөрдү суракка алып кеткени жатат
Улуттук кийим кийген бала. Архивдик сүрөт

Максемус, Акбалбан, Девора... КРде балдарга кандай ысымдар берилүүдө

26
Өлкөдө ушул жылдын тогуз айында 114 миң 823 бала төрөлгөн. Ата-энелер балдарына кандай өзгөчө жана популярдуу ысымдарды беришери айтылды.

БИШКЕК, 21-окт. — Sputnik. Мамлекетти каттоо кызматы кыргызстандыктар балдарына ыйгарган өзгөчө, сейрек жана эң көп коюлган ысымдар тууралуу айтып берди.

Ага ылайык, өлкөдө ушул жылдын тогуз айында 114 миң 823 бала төрөлгөн. Ата-энелер көбүнчө уул-кыздарына Умар, Алинур, Раяна жана Амина деген аттарды беришкен.

Таанышканда кайталап сурашат. Олимпиада аттуу кыргызстандыктар менен маек

Жаңы төрөлгөндөрдүн арасында бөтөнчө ысымдарга ээ болгондор жок эмес. Маселен, эркек балдарга быйыл Артыкалы, Жасулан, Жайсаң, Элал, Тенгис, Алистер Белек, Добрыня, Акбалбан, Лелин жана Максемус деген ысымдарды ыйгарышкан.

Ал эми наристе кыздар Доминика, Марсиана Нури, Девора, Николина, Атика, Айсенэм, Белек-Айым, Элтаазим, Акылыйман жана Балкыял деген атка ээ болушту.

26
Белгилер:
ысым, бала, кыз, Мамлекеттик каттоо кызматы, Кыргызстан
Тема боюнча
Клеопатра, Семирамида... Байыркы канышалардын атын алып жүргөн кыргызстандыктар
Башкы прокурор кызматына дыйындалган Курманкул Зулушев. Архив

Парламент Курманкул Зулушевди башкы прокурор кылып бекитти

0
(жаңыланган 18:44 21.10.2020)
Буга чейин мурдагы башкы прокурор Өткүрбек Жамшитов кызматтан кетүү боюнча арызын жазып, Жогорку Кеңештин депутаттары анын отставкасын кабыл алган.

БИШКЕК, 21-окт. — Sputnik. Жогорку Кеңештин депутаттары башкы прокурор кызматына Курманкул Зулушевдин талапкерлигин жактырды. 84 депутат макул десе, бил эл өкүлү каршы деген добушун берди.

Ушул тапта "Ала-Арча" мамлекеттик резиденциясында Жогорку Кеңештин жыйыны өтүп жатат.

Буга чейин мурдагы башкы прокурор Өткүрбек Жамшитов кызматтан кетүү боюнча арызын жазып, Жогорку Кеңештин депутаттары анын отставкасын кабыл алган.

Пирназаров "Унаа" ишканасынын башчылыгынан кетип, ордун Түмөнбаев ээледи

Эми Зулушев президенттин милдетин аткаруучу Садыр Жапаров жарлыкка кол койгондон кийин расмий түрдө кызматка киришет.

Зулушев Жогорку Кеңештин VI чакырылышына "Республика — Ата-Журт" партиясынан депутат болуп келген. Ага чейин прокуратура жана сот органдарында эмгектенген. 2013-жылы бийликти басып алууга аракет кылган деп кармалган саясатчылар Камчыбек Ташиев, Садыр Жапаров жана Талант Мамытовдун ишин карап актаган. Андан көп өтпөй эле кызматтан алынган болчу.

0
Белгилер:
кызмат, Башкы прокурор, Курманкул Зулушев