Бишкектин опера жана балет театрын залы. Архив

Таланттуу опера ырчысы Сагибжамал Ходжибекова көз жумду. Некролог

223
(жаңыланган 12:19 06.05.2020)
Сагибжамал Ходжибекованын жаркын элеси замандаштарынын жана музыка күйөрмандарынын эсинде түбөлүккө сакталат.

БИШКЕК, 6-май — Sputnik. Кечээ, 5-майда, Абдылас Малдыбаев атындагы Кыргыз улуттук академиялык опера жана балет театрынын таланттуу опера ырчысы Сагибжамал Ходжибекова дүйнөдөн өттү. Бул тууралуу президенттин маалымат кызматы кабарлап, ага жазылган некрологду жарыялады.

Оперная певица Сагибжамал Ходжибекова
© Фото / Пресс-служба МКИТ КР
Абдылас Малдыбаев атындагы кыргыз улуттук академиялык опера жана балет театрынын таланттуу опера ырчысы Сагибжамал Ходжибекова

Маалыматка ылайык, опера ырчысы 68 жашында көз жумган.

"Сагибжамал Ходжибекованын ысымы кыргыз опера ырчыларынын арасында жогорку кадыр-баркка ээ болуп, эл сүймөнчүлүгүнө арзыган", — деп айтылат билдирүүдө.

Сагибжамал Ходжибекова 1952-жылы 29-февралда туулган. 1980-жылы Бүбүсара Бейшеналиева атындагы Кыргыз мамлекеттик искусство институтун аяктап, Абдылас Малдыбаев атындагы Кыргыз улуттук академиялык опера жана балет театрынын алдыңкы солисти болуп иштеп баштаган.

Ал мыкты опера ырчысы гана болбостон, образ жаратуу жагында өзүн мыкты көрсөтө алган. Ходжибекова чыгармачылыгында чоң "партияларды" гана аткарбастан, мыкты роль жаратып, ар бир чыгармада таанылгыс болуп өзгөчөлөнгөн.

Чыгармачылык жолунда ал "Саманчынын жолунда" Толгонайдын, "Русалкада" Наташанын, "Манаста" Каныкейдин, "Паяцыда" Недданын, "Тоскада" Тосканын, "Евгений Онегинде" Ларинанын, "Севилдик чач-тарачта" Бертанын, "Курманбекте" Канышайдын, жана "Аршин мал ланда" Веллинин ролун жогорку чеберчиликте аткарган.

Таланттуу ырчы 40 жылдан ашык өмүрүн чыгармачылыкка арнап, улуттук опера искусствосунун өсүп-өнүгүшүнө эбегейсиз салым кошту.

Сагибжамал Ходжибекованын жаркын элеси замандаштарынын жана музыка күйөрмандарынын эсинде түбөлүккө сакталат.

Маркумдун өмүрлүк жары КР Эл артисти Керим Орузбаевге жана уул-кыздарына терең кайгыруу менен көңүл айтып, азасын тең бөлүшөбүз.

223
Белгилер:
ырчы, опера, некролог
Тема боюнча
Булбул жана торгой. Ээрчишип кеткен эгиз акын Элмирбек менен Зайырбек
Караколдо тамтыгы чыккан имаратта рентгенге тартат

Караколдо тамтыгы чыккан имаратта рентгенге тартат. Дарыгердин түшүндүрмөсү

66
(жаңыланган 19:55 12.07.2020)
Эски үйгө окшош имаратта 1967-жылы чыгарылган рентген-томография иштетилет. Бул облус боюнча жападан жалгыз аппарат.

БИШКЕК, 12-июл. — Sputnik. Каракол шаардык кургак учук диспансеринин директору Жаңыл Акунова эмне себептен рентген-аппарат авариялык абалдагы имаратта жайгашканын айтып берди. Анын билдирүүсүн өкмөттүн Ысык-Көл облусундагы өкүлчүлүгүнүн маалымат кызматы жарыялады. 

Аварийное здание, где находится единственный рентген-аппарат в Караколе Иссык-Кульской области.
© Фото / Жаныбек Кожоев
Караколдо тамтыгы чыккан имаратта рентгенге тартат

Буга чейин социалдык тармактарда дубалдары көчкөн эски үйгө окшогон имаратта рентген тартып жатканы туурасында жазышкан.

Ысык-Атанын ооруканасында эртеден бери дарыгерлер жокпу? Министрликтин жообу

Акунова ал аппарат кургак учук менен ооруган бейтаптарга гана колдонула турганын жана жабдыктын иштөө убактысы чектелүү экенин билдирди.

“Бул 1967-жылы чыгарылган эски рентген-томограф, муну эчак эле колдонуудан чыгарыш керек болчу. Бирок облус боюнча бир эле ушул аппарат болгондуктан иштетүүгө туура келет. Учурда томографияга гана тартып жатабыз, рентген иштебей калды. Биз кургак учук менен ооруган бейтаптарды гана тейлейбиз. Бул аппаратты эч качан ордунан жылдырбаш керек, болбосо таптакыр эле  жарактан чыгып калат”, — деди дарыгер.

Ошондой эле ал каражаттын жоктугунан имарат оңдолбой турганын кошумчалады.

66
Белгилер:
оңдоо, дарыгер, имарат, рентген, Каракол
Тема боюнча
Көлдөгү кургак учукту дарылаган борбор COVID жуктургандарга берилеби? Расмий жооп
Ысык-Атанын ооруканасында жарык өчүп, аппараттагы бейтап көз жумду
№1 шаардык оорукананын медигинин кайрылуусу боюнча башкы дарыгер текшерилет
Чоң Чүй каналына түшүп кеткен кичи автобус

Кечээ Чоң Чүй каналына түшүп кеткен кичи автобустун айдоочусу табылды

138
(жаңыланган 19:27 12.07.2020)
Кечээ, 11-июлда, каналда калкып турган Mercedes-Benz Sprinter үлгүсүндөгү автоунаанын видеосу жарыяланган.

БИШКЕК, 12-июл. — Sputnik. Милиционерлер Кара жыгач токоюнда Чоң Чүй каналына түшүп кеткен кичи автобустун айдоочусун тапты. Бул тууралуу Кайгуул милициянын маалымат кызматы билдирди.

Кечээ, 11-июлда, каналда калкып турган Mercedes-Benz Sprinter үлгүсүндөгү автоунаанын видеосу жарыяланып, анын айдоочусу изделип жатканы айтылган

Талкаланыптыр! Бишкекте жеңил унаа тосмону сүзүп, чуңкурга түшүп кетти. Сүрөт, видео

Бүгүн автоунаа жана анын айдоочусу дагы табылды. Ал жол кырсыгынан эмес, кокустан сууга түшүп кеткени белгилүү болду.

"Кичи автобус Чоң Чүй каналынын чекесине токтотулган. Бирок анын кол менен тартылчу тормозу иштебей калып, машина каналга түшүп кеткен. Жабыркагандар жок", — деп билдирди Кайгуул милициясы.

Милиционерлер айдоочуга түшүндүрүү иштерин жүргүзгөн.

138
Белгилер:
айдоочу, Чоң Чүй каналы, Бишкек
Тема боюнча
Тез жардам унаасы Бишкектин чок ортосунда кырсыктан ала салды. Видео