Эстафету Победы встретили в городе Ош. 06 мая 2020 года

Россия менен Белоруссиядан чыккан Жеңиш эстафетасы Ош шаарына жетти

354
(жаңыланган 15:01 06.05.2020)
Иш-чаранын максаты Улуу Ата Мекендик согуштагы фашизмге каршы элдин баатырдык күрөшүн даңазалоо, КМШ өлкөлөрүнүн элинин биримдигин жана достугун бекемдөө болуп саналат.

ОШ, 6-май — Sputnik. Ош шаарында Улуу Жеңиштин 75 жылдыгына арналган эл аралык Жеңиш эстафетасын тосуп алуу салтанаты өттү. Бул тууралуу Мамлекеттик чек ара кызматы билдирди.

  • Эстафету Победы встретили в городе Ош. 06 мая 2020 года
    Ош шаарында Улуу Жеңиштин 75 жылдыгына арналган эл аралык Жеңиш эстафетасын тосуп алуу салтанаты өттү
    © Sputnik / Зульфия Тургунова
  • Эстафету Победы встретили в городе Ош. 06 мая 2020 года
    Бул тууралуу Мамлекеттик чек ара кызматы билдирди
    © Sputnik / Зульфия Тургунова
  • Эстафету Победы встретили в городе Ош. 06 мая 2020 года
    Ага ылайык, акция 2020-жылдын 5-февралында Белоруссиянын Брест жана Россиянын Мурманск шаарларынан эки багыт боюнча старт алган
    © Sputnik / Зульфия Тургунова
  • Эстафету Победы встретили в городе Ош. 06 мая 2020 года
    Иш-чаранын катышуучулары КМШ өлкөлөрүнүн тышкы чек араларын бойлоп өтүүдө
    © Sputnik / Зульфия Тургунова
1 / 4
© Sputnik / Зульфия Тургунова
Ош шаарында Улуу Жеңиштин 75 жылдыгына арналган эл аралык Жеңиш эстафетасын тосуп алуу салтанаты өттү

Ага ылайык, акция 2020-жылдын 5-февралында Белоруссиянын Брест жана Россиянын Мурманск шаарларынан эки багыт боюнча старт алган. Иш-чаранын катышуучулары КМШ өлкөлөрүнүн тышкы чек араларын бойлоп өтүүдө.

Жеңиш эстафетасы Казакстандан Кыргызстандын аймагына 2-май күнү өткөрүп берилген.

Эми 7-майда "Бордөбө-автожол" көзөмөл өткөрүү жайында Жеңиш эстафетасын Кыргызстандын чек арачылары Тажикстанга өткөрүп беришет.

Эстафета Тажикстандан Өзбекстанга, андан ары Түркмөнстанга жана Азербайжанга өтөт.

Масштабдуу аскердик-патриоттук Жеңиш эстафетасы 28-майда Москва шаарында "Белгисиз жоокерлердин күмбөзү" мемориалдык комплексинин жанында жыйынтыкталат.

Иш-чаранын максаты Улуу Ата Мекендик согуштагы фашизмге каршы элдин баатырдык күрөшүн даңазалоо, КМШ өлкөлөрүнүн элинин биримдигин жана достугун бекемдөө болуп саналат.

354
Белгилер:
Улуу Ата Мекендик согуш, Улуу Жеңиш, эстафета
Тема:
Улуу Ата Мекендик согуштагы Жеңиштин 75 жылдыгы (107)
Жогорку Кеңештеги депутаттын орун жайы. Архивдик сүрөт

Үч депутаттын кол тийбестигин карачу комиссия түзүлдү. Курамы

12
(жаңыланган 12:32 01.12.2021)
Комиссиянын чечимине карап парламент кылмыш жоопкерчилигине тартууга макулдук берүү же бербөө маселеси добуш берүү менен чечилет.

БИШКЕК, 1-дек. — Sputnik. Жогорку Кеңештин депутаттары Асылбек Жээнбеков, Төрөбай Зулпукаров жана Бакыт Жетигеновдун кол тийбестигин ажыратуу сунушун иликтөөчү депутаттык комиссия түзүлдү.

Башкы прокурор Курманкул Зулушев аталган эл өкүлдөрүн кылмыш жоопкерчилигине тартууга макулдук берүүнү сураган. Анын сунуштамасын кароо үчүн комиссиянын курамына жети депутат кирди. Алар төмөнкүлөр:

  • КСДПдан Евгения Строкова;
  • "Республика Ата-Журт" фракциясынан Авазбек Абдугапаров;
  • "Кыргызстан" фракциясынан Алмаз Токторов;
  • "Кыргызстан" фракциясынан Канат Исаев;
  • "Өнүгүү" фракциясынан Тазабек Икрамов;
  • "Бир бол" фракциясынан Мамасадык Бакиров;
  • "Ата Мекен" фракциясынан Эмил Токтошев.

Комиссиянын курамына кирген эл өкүлдөрү бир айлык мөөнөттүн ичинде иликтеп, парламентке баяндама жасашы керек. Андан соң кылмыш жоопкерчилигине тартууга макулдук берүү же бербөө маселеси добуш берүү менен чечилет.

Буга чейин да 27-ноябрда эл өкүлдөрүнүн кол тийбестигин алуу боюнча ЖКнын кезексиз жыйыны пландалып, кворум жоктугунан өтпөй калган.

Белгилей кетсек, Жээнбеков менен Зулпукаров үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Алар учурда УКМКнын тергөө абагында

Ал эми Бакыт Жетигенов бийликти басып алууга белсенген деген шек менен шайлоонун алдында кармалган.

12
Белгилер:
Жогорку Кеңеш, депутат, Асылбек Жээнбеков, кол тийбестик, комиссия
Тема боюнча
Беш депутат келди. Парламенттин кезексиз жыйыны кворум жок өтпөй калды
Сом монеталары. Архив

Улуттук банк медиктер менен ыктыярчыларга арналган монетаны жүгүртүүгө чыгарды

4
(жаңыланган 12:34 01.12.2021)
Улуттук банк "Көз карандысыз мамлекеттердин шериктештигине 30 жыл" жана "Өмүр сакчыларына таазим" деген тыйындарды чыгарды.

БИШКЕК, 1-дек. — Sputnik. Бүгүндөн тарта Улуттук банк эки коллекциялык монетаны жүгүртүүгө киргизди.

"1-декабрда "Көз карандысыз мамлекеттердин шериктештигине 30 жыл" аталышындагы күмүш монета менен, саламаттык сактоо тармагынын кызматкерлерине, укук коргоо органдарына, ыктыярчыларга жана башка бардык COVID-19га каршы күрөшкөндөргө ыраазычылык иретинде "Өмүр сакчыларына таазим" тыйыны чыгарылды", — деп айтылат маалыматта.

Монеталардын сүрөттөлүшү

КМШнын эмблемасы "Көз карандысыз мамлекеттердин шериктештигине 30 жыл" коллекциялык күмүш монетасынын алдыңкы бетинин негизги сюжети болуп эсептелет. Монетанын төмөн жагында номиналы "10 сом" көрсөтүлгөн. "Көз карандысыз мамлекеттердин шериктештигине 30 жыл / Содружеству Независимых Государств – 30 лет" деген жазуу монетанын четине тегерете жайгаштырылган.

© Фото / пресс-служба НБКР
КМШнын эмблемасы "Көз карандысыз мамлекеттердин шериктештигине 30 жыл" коллекциялык күмүш монетасынын алдыңкы бетинин негизги сюжети болуп эсептелет

Тыйындын арткы бетинин негизги сюжети катары кызматташуу, өз ара иш алып баруу жана өнүгүү жолдорунун символу катары чиеленген сызыктардын сүрөтү берилген. Монетанын борборунда Кыргызстандын герби түшүрүлгөн. Төмөн жагында металлдын сапат белгиси (Ag 925), салмагы (28,28 g) жана чыгарылган жылы (2021) көрсөтүлгөн. "Кыргыз Республикасынын Улуттук банкы/Национальный банк Кыргызской Республики" деген жазуу монетанын четине тегерете жайгаштырылган.

© Фото / пресс-служба НБКР
Тыйындын арткы бетинин негизги сюжети катары кызматташуу, өз ара иш алып баруу жана өнүгүү жолдорунун символу катары чиеленген сызыктардын сүрөтү берилген

"Өмүр сакчыларына таазим!" коллекциялык жез-никель монетасынын алдыңкы бетинин негизги сюжети катары коронавирус инфекциясынын пандемиясын жеңүү үчүн өз жанын аябастан эмгектенген ар кандай кесиптин ээлери менен ыктыярчылардын өкүлдөрүнүн элестери берилген. Монетанын жогору жагында табияттын ойгонуп келе жаткандыгын көрсөткөн таңкы шүүдүрүм менен жаңы жашоону түшүндүргөн таңдын жаңыдан атышын элестеткен абстрактуу сүрөт чагылдырылган. "Өмүр сакчыларына таазим! / Спасибо за жизнь!" деген жазуу тыйындын четине тегерете жайгаштырылган. Төмөн жагында номиналы "1 с" көрсөтүлгөн.

© Фото / пресс-служба НБКР
"Өмүр сакчыларына таазим!" коллекциялык жез-никель монетасынын алдыңкы бетинин негизги сюжети катары коронавирус инфекциясынын пандемиясын жеңүү үчүн өз жанын аябастан эмгектенген ар кандай кесиптин ээлери менен ыктыярчылардын өкүлдөрүнүн элестери берилген

Жаратылыш мыйзамы менен адам өмүрү бир бүтүн жашоо булагы экендигин билдирген, адамдардын биримдигин өсүп турган дарак катары чагылдырган сүрөт монетанын арткы бетинин негизги сюжети болуп саналат. Тыйындын борборунда Кыргызстандын герби түшүрүлгөн. "Кыргыз Республикасынын Улуттук банкы / Национальный банк Кыргызской Республики" деген жазуу монетанын четине тегерете жайгаштырылган. Төмөн жагында чыгарылган жылы (2021) көрсөтүлгөн.

© Фото / пресс-служба НБКР
Жаратылыш мыйзамы менен адам өмүрү бир бүтүн жашоо булагы экендигин билдирген, адамдардын биримдигин өсүп турган дарак катары чагылдырган сүрөт монетанын арткы бетинин негизги сюжети болуп саналат

Коллекциялык монеталарды Улуттук банктын мекемелеринин кассаларынан иш күндөрү эртең мененки саат 9:00дөн түшкү 15:00гө чейин жана www.numizmat.nbkr.kg веб-сайтынан алууга болот.

4
Белгилер:
Кыргызстан, Улуттук банк, монета, ыктыярчылар, дарыгер, КМШ
Тема боюнча
Эгемендүүлүккө 30 жыл: жүгүртүүгө чыкчу алтын жана күмүш монеталардын сүрөтү
Эмдиги жылы Кыргызстанда 8 миң даана коллекциялык монета чыгарылат