Оренбургда турган кыргызстандыктар Бишкекке алып келинди

Оренбургда турган 541 кыргызстандык Бишкекке алып келинди. Сүрөт

634
(жаңыланган 12:53 07.05.2020)
Мекендештерди алып келген автобустар Казакстандын аймагынан жол полициясынын коштоосунда колонна болуп өткөнү айтылат.

БИШКЕК, 7-май — Sputnik. Оренбург облусунун Соль-Илецк районунда кармалып турган кыргызстандыктар Бишкекке келишти. Бул туурасында Тышкы иштер министрлиги билдирди.

  • Выехавшие из Оренбургской области кыргызстанцы прибыли на родину
    Мекендештердин баары медициналык процедурадан өтүү үчүн обсервацияга жаткырылат
    © Фото / Республиканский штаб КР по борьбе с COVID-19
  • Выехавшие из Оренбургской области кыргызстанцы прибыли на родину
    Маалыматка караганда, 541 жаран мекенине кайткан
    © Фото / Республиканский штаб КР по борьбе с COVID-19
  • Выехавшие из Оренбургской области кыргызстанцы прибыли на родину
    Алар жеке автоунааларын калтырып, атайын уюштурулган 10 автобус менен келишкен
    © Фото / Республиканский штаб КР по борьбе с COVID-19
  • Выехавшие из Оренбургской области кыргызстанцы прибыли на родину
    Транспорттор Казакстандын аймагынан жол полициясынын коштоосунда колонна болуп өткөнү айтылат
    © Фото / Республиканский штаб КР по борьбе с COVID-19
1 / 4
© Фото / Республиканский штаб КР по борьбе с COVID-19
Мекендештердин баары медициналык процедурадан өтүү үчүн обсервацияга жаткырылат


Мекендештердин баары медициналык процедурадан өтүү үчүн обсервацияга жаткырылат.Маалыматка караганда, 541 жаран мекенине кайткан. Алар жеке автоунааларын калтырып, атайын уюштурулган 10 автобус менен келишкен. Транспорттор Казакстандын аймагынан жол полициясынын коштоосунда колонна болуп өткөнү айтылат.

ТИМ Казакстан бир жолку өтүүгө гана уруксат бергенин айтып, мындан ары чек ара жабык болорун эскертти. Мындан улам кыргызстандыктарды кайра Соль-Илецктеги чек арага келип албоого чакырды.

“Кээ бир абийирсиз адамдардын чагымчыл аракеттерине алдырып ультиматумдук талаптарды коюудан алыс болуп, сабырдуулук жана түшүнүү менен чыдап турушуңуздарды суранабыз. Коронавируска каршы көрүлүп жаткан иш-чаралар биринчи кезекте жарандардын саламаттыгын сактоого жана өлкөнүн улуттук коопсуздугун коргоого багытталган”, — деп айтылат маалыматта.

Белгилей кетсек, кыргыз-казак өкмөттөрүнүн ортосунда жетишилген келишимге ылайык, мекендештердин бир жолу өтүүсүнө уруксат берилген. Алар Соль-Илецк районунда бир айдан ашык убакыттан бери кармалып турган.

Коронавирустун кесепети

Кыргызстанда коронавируска кабылгандардын саны 895ке жетип, анын ичинен 637си айыгып чыкты. Тилекке каршы, 12 бейтап каза болуп калды.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

634
Белгилер:
Соль-Илецк, Кыргызстан, мекендештер, Оренбург
Тема:
Коронавируска байланыштуу Кыргызстандагы кырдаал (2740)
Тема боюнча
Оренбургда калып калган 400дөн ашуун кыргызстандык 9 автобус менен жолго чыкты
Бишкекке дагы төрт мамлекеттен мекендештер алып келинди
Өкмөт чет өлкөдөн 4300 кыргызстандыкты алып келүүнү пландоодо
Кыргызстандын президенти Садыр Жапаров. Архив

Азыр тигүүчү, бычмачы, модельер эң керектүү кесип. Жапаровдун куттуктоосу

13
(жаңыланган 10:50 13.06.2021)
Бүгүн — жеңил өнөр жай кызматкерлеринин күнү. Өлкө башчы өндүрүштүн жаңы талаптарына жооп берген квалификациялуу кадрларды даярдоо пландалганын айтты.

БИШКЕК, 13-июн. — Sputnik. Президент Садыр Жапаров бүгүн, 13-июнда, жеңил өнөр жай тармагынын кызматкерлерин кесиптик майрамы менен куттуктады. Бул тууралуу өлкө башчынын маалымат кызматы кабарлады.

Жапаров жеңил өнөр жайы өлкөнүн экономикалык өнүгүүсүнүн артыкчылыктуу жана стратегиялык маанилүү багыттарынын бири болуп саналарын белгилеген.

"Текстиль, кийим тигүү, бут кийим өндүрүү жана булгаары иштетүү ишканаларынын жетекчилеринин жана жумушчуларынын күжүрмөн эмгегинин аркасында өлкөнүн социалдык-экономикалык потенциалы жогорулап жатат. Ата мекендик жеңил өнөр жай продукцияларынын кеңири, сапаттуу жана жеткиликтүү ассортименти республиканын экспортундагы алдыңкы позицияларды кармап калууга, экспорттук негизги рыноктордогу суроо-талаптарды жана муктаждыктарды канааттандырууга мүмкүндүк берет", — деп айтылат маалыматта.

Президент аталган тармакта мурунку муундун салтын сактап келген, жаңы технологияларды ийгиликтүү өздөштүргөн адистер эмгектенерин жана бул жеңил өнөр жайдын туруктуу өнүгүүсүнө өбөлгө түзөрүн кошумчалаган.

Жеңил өнөр жай ишканалары республиканын эмгек рыногунда калкты олуттуу деңгээлде иш менен камсыз кылып, жарандардын жашоо сапатына оң таасирин тийгизүүдө деген.

"Тигүүчүлөрдүн, бычмачылардын, модельерлердин кесиби республикада эң көп талап кылынган адистиктердин катарына кирет. Ошону менен жакынкы мезгилде мамлекет тарабынан өндүрүштүн жаңы талаптарына жооп берген квалификациялуу кадрларды даярдоо боюнча иштерди жүргүзүү каралууда. Мамлекет тарабынан ушул артыкчылыктуу тармакты колдоо боюнча иштер улантылат, ири долбоорлорду ишке ашырууга көмөк көрсөтүлөт, анын сапаттуу уюштурулушу он миңдеген жумуш орундарын түзүүгө жана анын өнүгүү деңгээлинин жаңы масштабдарына өтүүгө мүмкүнчүлүк берет", — деди президент.

Өлкө башчы Садыр Жапаров жеңил өнөр жайдын ар бир кызматкерине жана ардагерине ак ниет эмгеги, жалпы республиканын экономикасынын өнүгүшүнө кошкон баа жеткис салымы үчүн зор ыраазычылык билдирген.

13
Белгилер:
экономика, куттуктоо, Жеңил өнөр жайы, Садыр Жапаров, Кыргызстан
Тема боюнча
Акылбек Жапаров: Түркия менен соода жүгүртүү 1 млрд. долларга жеткирилет
Кыргызстан Түркияга Таласта төө буурчакты кайра иштеткен завод ачууну сунуштады
Кыргызстандын футбол боюнча улуттук курама командасынын чабуулчусу Абай Боколеев. Архив

Абай Боколеевдин атасы көз жумуп, футболчу Япониядан мекенине учуп кетти

28
(жаңыланган 10:47 13.06.2021)
Футболчу улуттук команданын курамында дүйнө чемпионатына тандоо турунун алкагында Япониянын Осака шаарында мелдештерге катышып жүргөн.

БИШКЕК, 13-июн. — Sputnik. Кечээ, 12-июнь күнү, Кыргызстандын футбол боюнча улуттук курама командасынын чабуулчусу Абай Боколеевдин атасы көз жумду. Бул тууралуу Кыргызстан футбол союзунан кабарлашты.

"Мындан улам футболчу биринчи каттам менен мекенине учуп кетти", — деп айтылат билдирүүдө.

Бегилей кетсек, улуттук команда дүйнө чемпионатына тандоо турунун алкагында Япониянын Осака шаарында мелдештерге катышып жүргөн. Буга чейин эки оюн көрсөткөн команданын алдыда дагы бир оюну бар. Кыргызстандык футболчулар 15-июнь күнү Япониянын курама командасы менен беттешет.

28
Белгилер:
Абай Боколеев, өлүм, ата, футбол, Япония, Кыргызстан
Тема боюнча
Ырчы Жамиля Муратованын атасы, музыкант Эдил Муратов көз жумду