БИШКЕК, 8-май – Sputnik. Жалал-Абад шаарында эртең, 9-май күнү, Улуу Жеңиштин 75 жылдыгынын урматына көп кабаттуу үйлөрдүн балкондоруна ардагерлердин портреттери илинет. Бул тууралуу шаардык мэриядан билдиришти.

Маалыматка караганда, калаада Улуу Ата Мекендик согуштун эки ардагери, концлагердин бир туткуну жана ооруктун эки ардагери бар. Буга чейин согуштун катышуучуларына республикалык бюджеттен 75 миң сомдон берилген.

“Ал эми шаардык бюджеттен согуш ардагерлерине 20 миң сом, концлагердин туткунуна 15 миң сом, ооруктун ардагерлерине 10 миң сомдон бөлүнгөн. Бул каражат эртең тапшырылат”, — дешти мэриядан.

Мындан сырткары, жергиликтүү бийлик тарабынан ардагерлерге бир мүшөктөн ун жана башка азык-түлүктөр берилген.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.