Кыргызстандын тышкы иштер министри Чыңгыз Айдарбеков

Чек арадагы чыр. Кыргызстан менен Тажикстандын ТИМ башчылары сүйлөштү

417
(жаңыланган 03:05 09.05.2020)
Эки өлкөнүн тышкы иштер министрлери кыргыз-тажик чек арасындагы кырдаалды талкуулап, окуяны жөнгө салууга багытталган аракеттерди координациялоо зарылдыгын белгилешкен.

БИШКЕК, 8-май — Sputnik. Кыргызстан менен Тажикстандын тышкы иштер министрлери Чыңгыз Айдарбеков менен Сироджиддин Мухриддин эки өлкөнүн чек арасында ок атуу менен коштолгон окуядан улам телефондон сүйлөшүштү. Бул тууралуу ТИМдин маалымат кызматы билдирди.

Эки өлкөнүн тышкы иштер министрлери кыргыз-тажик мамлекеттик чек арасындагы кырдаалды талкуулап, окуяны жөнгө салууга багытталган биргелешкен аракеттерди координациялоо зарылдыгын белгилешкен.

"Министрлер чек арадагы чыңалууну басаңдатуу жана кырдаалдын курчушун алдын алуу максатында жергиликтүү калктын арасында түшүндүрүү иштерин жүргүзүүнүн маанилүүлүгү жөнүндө бир пикирге келишти. Абалды турукташтыруу максатында тараптардын ортосунда ыкчам байланыш түзүү макулдашылды", — деп айтылат маалыматта.

Баткендеги окуя

Эске сала кетсек, бүгүн, 8-майда, кечке жуук Кыргызстан менен Тажикстандын чектешкен аймагындагы жергиликтүү жашоочулар Баткен районунун Чек айылында 50 сотых жерди талашып, жаңжалдаша кетишкен.

Анда тургундар бири-бирине таш ыргытып, мергенчилик куралдан ок чыгарышкан. Чек арадагы чыр-чатактын күчөп кетпеши үчүн эки өлкөнүн чек ара кезметтери эскертүү иретинде асманга ок атып, элди тынчтандырышкан. Бирок ошол эле учурда Тажикстандын УКМКсынын чек ара аскерлери күтүүсүздөн кыргыз чек арачыларын жана Кыргызстандын жарандарын көздөй гранатомёттон ок чыгарган.

Кийинчерээк чек ара кызматы ок атышуу токтогонун билдирди. Анын кесепетинен кыргызстандык үч чек арачы жаракат алган.

417
Белгилер:
сүйлөшүүлөр, министр, Чыр-чатак, ок атуу, чек ара, ТИМ, Тажикстан, Кыргызстан
Тема боюнча
Тажикстанда бир жумага жетпей коронавирус 293 кишиден чыкты. Коңшулардагы абал
Жайлоодо мал кайтарып жүргөн киши. Архивдик сүрөт

Ишембиге карата аба ырайы

49
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

49
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

86
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

86
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды