Киши бетин жабып отуруп жатат. Архив

Орто жаштагы адамдар эмне себептен стресске көп кабылат? Иликтөө

240
"Ортодо калган муун" деп эсептелген бул адамдарды бир жагынан алардын багуусундагы ата-энеси, экинчи жагынан азыркыдай кымгуут жашоодо карьера жасоого жанталашкан балдары тынчсыздандырат.

БИШКЕК, 9-май — Sputnik. Азыр 1990-жылдарга салыштырмалуу стресске кабылган адамдар 20 пайызга көбүрөөк жана алардын басымдуу бөлүгү 45-60 жаштын ортосундагы кишилер. Бул тууралуу Пенсильвания университетинин (АКШ) психологу Дэвид Алмейданын иликтөөсүнө таянып Daily Mail басылмасы жазды.

Адистин айтымында, "ортодо калган муун" деп эсептелген бул адамдарды бир жагынан алардын багуусундагы ата-энеси, экинчи жагынан азыркыдай кымгуут жашоодо карьера жасоого жанталашкан балдары тынчсыздандырат.

"Азыр жаштардын көбү кадыр-барктуу, айлыгы көп иш табууга, карьера жасоого умтулат. Бирок жумуштун аздыгынан иш таппай кыйналган балдарын көргөн ата-эне бушайман болот", — дейт психолог.

Ошондой эле бул курактагы адамдардын көбү жашоону түшүнүп, жумушта, достор арасында белгилүү бир орду бар болуп калгандыктан, кесиптештери жана тааныштары үчүн дагы санаа тарта берет.

Ошондой эле адистер азыр адамдардын стресске көп кабылып жатканына жаңы технологиялардын жетишкендиги таасир этип жатканын айтат. Тагыраагы, интернетке кошулган смартфон дүйнөнүн ар кайсы жагында болуп жаткан негативдүү жаңылыктарды желдей таратып, көпчүлүк адамдардын жанын кейитет.

240
Белгилер:
жоопкерчилик, иликтөө, Окумуштуулар, стресс, психология
Тема боюнча
Жагымдуу эмоциялар баланы гаджет көз карандылыгынан сактайт. Психологдун кеңеши
Россия президентинин маалымат катчысы Дмитрий Песков. Архивдик сүрөт

Путиндин маалымат катчысы коронавирустан айыгып, үйүнө чыкты

27
(жаңыланган 23:18 25.05.2020)
Дмитрий Песков өзү журналисттерге ооруканадан чыкканын жана азырынча үйдө иштей турганын тастыктады.

БИШКЕК, 25-май — Sputnik. Россия президентинин маалымат катчысы Дмитрий Песков коронавирустан сакайып, ооруканадан чыкты. Бул тууралуу РИА Новости жазды. 

Эске салсак, ал 12-май күнү коронавирус жуктуруп алганын билдирген. Ошондой эле анын жубайы, муз бийчиси Татьяна Навкадан дагы вирус аныкталган.

Песков өзү журналисттерге ооруканадан чыкканын жана азырынча үйдө иштей турганын билдирди.

27
Белгилер:
оорукана, коронавирус, Дмитрий Песков, Россия
Тема:
Кытайдагы жаңы типтеги коронавирус
Тема боюнча
Песковдун жубайы Навкадан да COVID-19 табылып, абалы кандай экени айтылды
Шамалга учкан чатыр. Архивдик сүрөт

Бакты омкоруп, чатырды кагаздай учуруп... Екатеринбургдагы шамалдын видеосу

178
(жаңыланган 22:09 25.05.2020)
РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.

БИШКЕК, 25-май — Sputnik. Урал жана анын борбору Екатеринбург шаарында (Россия) дүйшөмбү күнү кечинде катуу бороон-чапкын болду. Ал учурда тартылган видеолорду интернет колдонуучулар социалдык тармактарга жүктөдү.


Кадрларда көрүнүп тургандай, шамал темир такталарды, курулуш таштандыларын асманга сапырып жатат.

Башка видеодо жерге түшүп калган темир чатырдын үстүндө турган кишини шамал алып ыргытып, темирди кагаздай желбиретип учуруп кеткенин көрүүгө болот.

РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.
Материалдык чыгым эсептелип жатат.

178
Белгилер:
Россия, Екатеринбург, шамал, кырсык, аба ырайы
Тема боюнча
Автобусту алып бараткан катуу шамалдын видеосу. Индиядагы окуя
Суу каптаганы аз келгенсип, эми куюн кууратты. Казакстандагы окуянын видеосу