Тажикстан менен чектешкен жердеги чек ара. Архивдик сүрөт

Кыргыз-тажик чек арасында түн тынч өттү, кырдаал салыштырмалуу туруктуу

107
(жаңыланган 10:04 09.05.2020)
Кыргыз-тажик чек арасындагы ок атышууда үч жоокер жаракат алган. Бүгүн Баткен облусуна Чек ара кызматынын төрагасы, полковник Уларбек Шаршеев жөнөп кетти.

БИШКЕК, 9-май — Sputnik. Бүгүн, 9-май, саат 8.30га карата кыргыз-тажик мамлекеттик чек ара аймагындагы кырдаал салыштырмалуу туруктуу. Бул тууралуу Чек ара кызматынан билдиришти.

Маалыматка ылайык, түн тынч өткөн. Эки тараптан тең чыр-чатак чыккан аймактагы кошумча күчтөрү алынды.

Баткен облусуна Чек ара кызматынын төрагасы, полковник Уларбек Шаршеев жөнөп кеткен.

Баткендеги окуя

Эске сала кетсек, кечээ, 8-майда, кечке жуук Кыргызстан менен Тажикстандын чектешкен аймагындагы жергиликтүү жашоочулар Баткен районунун Чек айылында 50 сотых жерди талашып, жаңжалдаша кетишкен.

Анда тургундар бири-бирине таш ыргытып, мергенчилик куралдан ок чыгарышкан. Чек арадагы чыр-чатактын күчөп кетпеши үчүн эки өлкөнүн чек ара кезметтери эскертүү иретинде асманга ок атып, элди тынчтандырышкан. Бирок ошол эле учурда Тажикстандын УКМКсынын чек ара аскерлери күтүүсүздөн кыргыз чек арачыларын жана Кыргызстандын жарандарын көздөй гранатомёттон ок чыгарган.

Көп өтпөй эки өлкөнүн мамлекеттик чек ара кызматынын башкы штабынын жетекчилери телефондон сүйлөшүп, натыйжада ок атышууну токтотуу жөнүндө макулдашышкан. Анын кесепетинен кыргызстандык үч чек арачы жаракат алган.

Окуя боюнча эки өлкөнүн ТИМ башчылары, вице-премьерлери, облустагы өкүлдөрү, Чек ара кызматынын өкүлдөрү сүйлөшүү жүргүзүп, бир пикирге келишкен. 10-майда бир катар жооптуу кызматтын жетекчилери кайрадан жолукмай болушту.

107
Белгилер:
абал, чек ара, Тажикстан, Кыргызстан
Тема боюнча
Вице-премьер Мадумаров: Баткендеги кырдаал өкмөттүн өзгөчө көзөмөлүндө
Баткен жана Согди облусунун башчылары кезигип, чек арадагы абалды талкуулашат
Жогорку Кеңештин төрагасы Дастан Жумабеков. Архивдик сүрөт

Дастан Жумабеков көк бөрүчү Кушчубай Илис уулуна автоунаа белек кылды. Видео

11
(жаңыланган 16:39 06.06.2020)
Спикер 2019-жылдагы мыкты көк бөрүчүлөрдүн бирине Volkswagen Vento үлгүсүндөгү автоунаа тартуулаган.

БИШКЕК, 6-июн. — Sputnik. Жогорку Кеңештин төрагасы Дастан Жумабеков "Ынтымак" командасынын улакчысы Кушчубай Илис уулуна автоунаа белек кылды. Бул туурасында спикер Instagram баракчасына жарыялады.

Посмотреть эту публикацию в Instagram

Публикация от Дастанбек Джумабеков (@dastanbek_djumabekov_official)

Анда төрага 2019-жылдагы мыкты көк бөрүчүлөрдүн бири Илис уулуна Volkswagen Vento үлгүсүндөгү автоунаа тартуулаганы айтылат.

"Төрага Дастан Жумабеков эл аралык класстагы спорт чебери, жаш улакчыга ийгиликтерди жана жаңы жеңиштерди каалады", — деп жазылган.

Автокөлүктүн ачкычын Бишкекте Жогорку Кеңештин имаратынын жанында тапшырганын көрүүгө болот.

11
Белгилер:
белек, автоунаа, улакчы, Дастанбек Жумабеков
Тема боюнча
Германияга чейин барган. Төрага Жумабеков чоң атасы тууралуу айтып берген видео
Президент Аалы Туткучев баштаган сыймыктуу уул-кыздардын энелерин сыйлады. Сүрөт
Гвоздика гүлү. Архивдик сүрөт

Профессор, физика-математика илимдеринин доктору Арапбай Марипов дүйнөдөн кайтты

13
(жаңыланган 16:31 06.06.2020)
Марипов физика-математика илимдеринин доктору, Нью-Йорк илимдер академиясынын академиги, Эл аралык оптика коомунун мүчөсү болгон.

БИШКЕК, 6-июн. — Sputnik. 5-июнь күнү белгилүү илимпоз, профессор Арапбай Марипов 81 жаш курагында дүйнөдөн кайтты. Бул тууралуу анын жакындары кабарлады.

Марипов физика-математика илимдеринин доктору, Нью-Йорк илимдер академиясынын академиги, Эл аралык оптика коомунун мүчөсү болгон. 

Заслуженный деятель науки, профессор Арапбай Марипов
© Фото / из семейного архива Мариповых
Илимпоз, профессор Арапбай Марипов

Профессор Арапбай Марипов 1939-жылы Ош облусунун Ноокат районундагы Кыргыз-Ата айылында жарык дүйнөгө келген. Москва мамлекеттик университетин 1964-жылы аяктаган. 1994-жылы "Кубулуп турган голографиясынын жаңы аспектилери" ("Новые аспекты радужной голографии") темасында докторлук диссертациясын жактаган. Жетимиштен ашык илимий макалаларды жарыялаган, анын ичинен бир монографиясы бар.

Арапбай Мариповдун сөөгү эртең, 7-июнда, "Ала-Арча" көрүстөнүндө жерге берилет.

13
Белгилер:
өлүм, профессор
Тема боюнча
Улуттук сүрөт өнөрүн көтөргөн Кыргыз эл сүрөтчүсү Баатыр Жалиев дүйнө салды