Папка көтөрүп бараткан аял. Архивдик сүрөт

10-май айрым маморгандар үчүн иш күн. Премьер-министрдин чечими

318
(жаңыланган 16:36 09.05.2020)
Документте көрсөтүлгөн мамлекеттик органдардын, мекемелердин жана жергиликтүү өз алдынча башкаруу органдарынын жетекчилерине ишке чыга турчу кызматкерлердин тизмесин аныктоо тапшырмасы берилген.

БИШКЕК, 9-май — Sputnik. 10-май айрым мамлекеттик жана жергиликтүү өз алдынча башкаруу органдары үчүн иш күн. Бул тууралуу өкмөттүн маалымат кызматы кабарлады.

Ага ылайык, тиешелүү чечимге премьер-министр Мухаммедкалый Абылгазиев кол койду.

Бул чечим өлкө аймагына коронавирус инфекциясынын мындан ары жайылышына жол бербөө, экономикалык багыттагы иштерди жүзөгө ашыруу боюнча чараларды ыкчам кабыл алуу максатында кабыл алынды.

Документте көрсөтүлгөн мамлекеттик органдардын, мекемелердин жана жергиликтүү өз алдынча башкаруу органдарынын жетекчилерине ишке чыга турчу кызматкерлердин тизмесин аныктоо тапшырмасы берилген.

Буга чейин 22-марттан 26-апрелге чейин мамлекеттик орган, мамлекеттик мекеме жана жергиликтүү өз алдынча башкаруу органдары дем алышсыз иштээри тууралуу өкмөттүн буйругу чыккан. Бирок коронавирустан улам өзгөчө абал режими 11-майга чейин узартылгандыктан, маморгандар 2-3-4-май майрам күндөрү да иштешкен.

318
Белгилер:
документ, абал, өзгөчө абал, күн, иш, өкмөт
Тема боюнча
Пандемиядан кийин кайсы тармакта айлык көтөрүлөт? Эксперттин пикири
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

45
(жаңыланган 22:06 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Ал 2015-жылы "Бир Бол" партиясынын тизмеси менен депутат болуп шайланган.

Алмазбек Акматов 1964-жылы 18-октябрында Нарын облусундагы Ак-Талаа районундагы Дөрбөлжүн айылында төрөлгөн.

Депутаттыкка чейин СССРдин коргоо министрлигинде аскердик-саясий кызматтарда, президенттин иш башкармалыгында, Эсеп палатасында иштеген.

45
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды
Уктап жаткан кыз. Архив

Дем алуу көнүгүүсүн жасап бир мүнөттө уктап калса болот. Адистин кеңеши

26
Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

26
Белгилер:
кеңеш, көнүгүү, уйку
Тема боюнча
COVID-19дан кийин мээни кантип калыбына келтирүү керек? Неврологдун кеңеши
Рактын этибар албаган беш белгиси аталды