Улуу Ата Мекендик согуш. Окопто отурган советтик аскер. Архивдик сүрөт

"Кан болгон сүрөтүңдү кайра таап алдым". Фронттон келген катты барактап

198
(жаңыланган 18:03 09.05.2020)
Бүгүн Улуу Жеңишке 75 жыл болот. 9-май — аалам элинин көпчүлүгү өх-хх... деген, кубанычтын, өкүнүчтүн жашы аккан Жеңиш күнү.

Бул датага чейин канча жоокердин каны төгүлдү, канчасы белгисиз калды. Ал эми Кыргызстандан Улуу Ата Мекендик согушта 152 миңден ашуун жоокер каза болгон.

Sputnik Кыргызстан бул улуу датага арнап Кыргыз ССРинен апаатка аттанган жоокерлердин каттарын мамлекеттик архивден, эл арасынан чогултуп жарыялап баштады.

Бүгүнкү каттын автору ким экенин, Улуу Ата Мекендик согуштан кайткан же кайтпай калгандыгын билбейбиз.

Архивден фамилиясы көрсөтүлбөгөн, Галя аттуу айымга жазылган катты таптык. Каттын өзөгүндө бир салмактуулук, ар башта бир өлүм, бирок жеңиш Совет эли тарапта болот деген өзөк турат. Жоокер согушка жиберилген сүрөттү кайра, Кыргызстанга, Галяга салганы, майданда кыргыз жоокерлердин курман болгону, каармандыгы айтылыптыр.

Каттын орфографиясы ошол боюнча берилди.

Кат

 Письмо из фронта отправленный во время Великой Отечественной войны кыргызстанцем девушке по имени Галя
© Фото / Нургуль Максутова
Архивден фамилиясы көрсөтүлбөгөн, Галя аттуу айымга жазылган катты таптык. Каттын өзөгүндө бир салмактуулук, ар башта бир өлүм, бирок жеңиш Совет эли тарапта болот деген өзөк турат.

...Галочка сенин 4/II деги катыңды алып окудум. Мен болсо азырынча аман есен. Немистер менен согушуп жатам. "Кан көөкөрдө, баш канжыгада".

Менин мурунку катымды алгандырсын. Оморкул Егембердиев өлдү (өлгөнү анык болуп турат). Бирок кана сөөгү табылбай жатат. Башка дагы кыргыздын славный азаматтары бар. Ак жана Родина үчүн жакшы иштеп кеткендер.

Галя! Сенин карточкаңды кайра жибердим. Сени көрсүн жана кокусунан мен болбой калсам, отечественная войнадан эстелик болсун деп. (Жоокер соңку сүйлөмдүн астын негедир сызып коюптур...)

Сенин карточкаңды кандай болгонун билбейм, жоготуп жибергем. Жакында өлгөн адамдардын документтерин текшерип отурсам, карточкаң (кан болуп) өлгөн, ордендүү бир кыргыз жигит – Алдикеевдин документтеринин арасынан чыкты. Ал адам Ташкөмүр районунан еле.

Вообщем ты уже была на войне на битве и эта карточка является интересной поэтому и высылаю.

Биздин аскерлердин наступлениелеринин натыйжасы жаман эмес. Башка айтар сөз жок. Кош, аман тур. Жду письмо. Целую крепко. Твой А..... (калган тамгаларды айрып окууга мүмкүн болбоду)

От меня знакомым привет.

3/III 43 

 Письмо из фронта отправленный во время Великой Отечественной войны кыргызстанцем девушке по имени Галя
© Sputnik / Нургуль Максутова
Кыргызстандан Улуу Ата Мекендик согушта 152 миңден ашуун жоокер каза болгон.

Фронттон жазылган каттарды жарыялайбыз, бизге жибергиле

Sputnik Кыргызстан Кыргызстандын булуң-бурчуна ошол кезде фронттон жазылган каттар сакталып калса, алардын көчүрмөсүн редакцияга жиберишиңиздерди өтүнөт. Ошол мезгилдин добушун азыркыларга жеткирип, жарыялайбыз. Кат менен кошо ал адам туурасында маалымат тиркелиши керек. Сүрөтү болсо ашыктык кылбайт. Электрондук дарек: news@sputnik.kg, тел.: +996 (312) 986 933, 986 943

Жоокердин каттары КРдин Мамлекеттик архивинен алынды.

198
Белгилер:
архив, кат, фронт, өлүм, Улуу Жеңиш, Улуу Ата Мекендик согуш, Кыргызстан
Тема:
Улуу Ата Мекендик согуштагы Жеңиштин 75 жылдыгы (107)
Тема боюнча
Ок чачкан пулемётко секирип... Чолпонбай Түлөбердиев тууралуу 7 факты
Сооронбай акындын жааган октун алдындагы өмүрү
Фашисттер кыргыздын чебер аткычын жок кылышкан. Согуш тууралуу 10 факт
Үйлөнүү үлпөтү. Архив

"Бактылуу" датада баш кошкон жубайлар. Статистика

13
Бишкек шаарындагы Бакыт үйүндө 2020-жылдын 10-октябрында 75 түгөй никесин каттаткан. Ушул эле жылдын 20-октябрында 41 жубай никеге турганы айтылды.

БИШКЕК, 22-окт. — Sputnik. Мамлекеттик каттоо кызматы "бактылуу" датада баш кошкон жубайлардын статистикасын жарыялады.

Ага ылайык, 2020-жылдын 10-октябрында (10.10.2020) Кыргызстанда 92 жубай баш кошкон. Ал эми 20-октябрда (20.10.2020) 222 түгөй никеге турган.

2019-жылдын 19-октябрында (19.10.2019) 62 жубай бирге түтүн булатып баштаганы маалым болду.

Бишкек шаарындагы Бакыт үйүндө 2020-жылдын 10-октябрында 75 түгөй никесин каттаткан. Ушул эле жылдын 20-октябрында 41 жубай никеге турганы айтылды.

Ал эми Тоголок Молдо — Фрунзе көчөсүндө жайгашкан Бакыт үйүндө 10 түгөй расмий никеге турган.

Шаарга караганда айылда ажырашкандардын саны аз. Нике статистикасы

Бакыт үйү 53 жылдын ичинде 1 миллион 832 миң 379 жубайдын никесин каттоого алган.

13
Белгилер:
жубайлар, каттоо, нике, Бакыт үйү
Тема боюнча
Үйлөнгөндөрдүн саны ажырашкандарга караганда көбөйдү. Ош биринчи орунда
Очогун сактай албай калгандар. Кыргызстандагы ажырашуу статистикасы
Рим папасы Франциск. Архив

Рим папасы Франциск бир жыныстуу никени мыйзамдаштырып берүүгө чакырууда

16
(жаңыланган 12:39 22.10.2020)
Дин өкүлүнүн айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Демек, бул нерсени мыйзам деңгээлинде ишке ашыруу керек.

БИШКЕК, 22-окт. — Sputnik. Рим папасы Франциск бир жыныстагы адамдарга мыйзамдуу түрдө никеге турууга уруксат берүү керектигин айтып чыкты. Бул тууралуу The Washington Post басылмасы жазды.

Анын айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Андыктан бул нерсени мыйзам деңгээлинде ишке ашыруу зарыл.

"Бул үчүн бир дагы адам коомдон куулуп же бактысыз болбошу керек. Биз бул дүйнөгө душмандашуу үчүн эмес, үй-бүлөлүү болуу үчүн келгенбиз", — деди Рим папасы.

Эске салсак, ал башынан эле бир жыныстагы адамдардын баш кошуусун колдоп келет.

16
Белгилер:
мыйзам, нике, үй-бүлө, Рим папасы Франциск
Тема боюнча
Рим папасы төшөк кумары тууралуу оюн билдирип, аны башкача баалады