Обсервацияда отурган киши. Архив

Карантиндегилердин дарыгерден качканы акмакчылык! Бишкек комендантынын билдирүүсү

597
(жаңыланган 12:56 10.05.2020)
Комендант санитардык-карантиндик тартипти сактабай жаткандар өлкөдө коронавирустун экинчи толкунун жаратышы мүмкүндүгүн кошумчалады.

БИШКЕК, 10-май – Sputnik. Соль-Илецкиден алып келингендердин арасында карантиндик режимге баш ийбей жаткандар бар. Бул – акмакчылык. Мындай билдирүүнү Бишкек шаарынын коменданты Алмазбек Орозалиев социалдык тармактагы баракчасына жазды.

"Соль-Илецкиден алып келинген мигранттардын ичинен карантиндик режимге баш ийбей жаткандар бар. Эреже бузулуп, ал тургай качканга арекеттер болгон. Тартипти сактоо үчүн милиция тартылды. Дүрбөлөңгө түшпөгүлө. Мигранттар өзүнүн ата-энесин, туугандарын, тааныштарын кооптуулукка кептегенин түшүнбөй жатышат", - деди Орозалиев.

Ал санитардык-карантиндик тартипти сактабай жаткандар өлкөдө оорунун экинчи толкунун жаратышы мүмкүндүгүн кошумчалады.

"Биз аны каалабайбыз", - деген комендант.

Эске салсак, акыркы суткада дагы 71 адамдан коронавирус табылды. Алардын ичинен 16сы өлкө аймагында жүрүп жуктургандар болсо, 55и — Соль-Илецкиден келгендер. 10-майга карата Кыргызстанда COVID-19 вирусун жуктуруунун учуру 1002ге жетти. Ооруканадан сакайып чыккандардын саны – 675, каза болгондор — 12.

Sputnik Кыргызстан агенттиги өлкө аймагындагы абалга саресеп салып, тексттик баяндама берип жатат.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

597
Белгилер:
Мигрант, Соль-Илецк, Алмаз Орозалиев, комендант, Бишкек, Кыргызстан
Тема:
Кыргызстандагы коронавирус жуктуруп алгандар (1650)
Тема боюнча
Бир үй-бүлөнүн өмүрүн алган киши 2,5 жылга кесилди. Соттук чечимдер
Аялдар кол чатырлар менен жаан учурунда. Архив

Жамгыр жаайбы? Бир жумага карата аба ырайы

8
(жаңыланган 10:27 13.06.2021)
Синоптиктер апта ичинде кээ бир аймактарда гана өткүн өтүп, калган учурда күн ачык болорун божомолдоп жатат.

БИШКЕК, 13-июн. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.

Ага ылайык, борбор калаада дүйшөмбүдөн жекшембиге чейин күн чайыттай ачык болуп турат. Батыштан соккон шамалдын ылдамдыгы секундасына 4-9 метрге жетиши күтүлөт.

Чүй облусу

14-18-июнь күндөрү тоолуу райондордо өткүн өтөт, дыйканчылык аймактарда жаан жаабайт. Ал эми 19-июнда күн ачык болот.

Талас облусу

14-15-июнь күндөрү түнкүсүн жаан-чачын күтүлбөйт, күндүз тоолуу райондордо өткүн өтөт, бирок дыйканчылык аймактарда жаан-чачын болбойт. 16-17-июнда күн чайыттай ачылат. Ал эми 18-июнда асманды ала булут каптап, өткүн өтөт. 19-июнда кайра эле ачык болот.

Ош, Жалал-Абад облустары

14-июнда көпчүлүк аймактарда өткүн өтүп, бийик тоолорго кар түшөт. Кээ бир райондордо жамгыр катуу жаашы күтүлөт.

15-16-июнда кээ бир райондордо өткүн өтүп, өрөөндөрдө жамгыр жаабайт.

17-18-июнда тоолуу жерлерде өткүн өтүп, бирок дыйканчылык аймактарда жаан-чачын болбойт. 19-июнда күн толугу менен ачылат.

Баткен облусу

14-15-16-июнда кээ бир райондордо өткүн өтөт. 17-19-июнь күндөрү жаан-чачын күтүлбөйт.

Ысык-Көл облусу

Дүйшөмбүдөн жумага чейин кээ бир райондордо өткүн өтүп, ал эми дыйканчылык аймактарда күн ачык болот. Апта аягында күндүн көзү бузулбайт.

Нарын облусу

14-июнда көпчүлүк аймактарда өткүн өтүп, кээ бир райондордо жаан-чачын жаайт. 15-17-июнда күн ачык болот, кээ бир райондордо гана өткүн өтөт.

18-июнда тоолуу райондордо өткүн өтөт, бирок дыйканчылык аймактарда жаан-чачын күтүлбөйт. 19-июнда күн ачык болот.

8
Белгилер:
күн, жамгыр, аймак, апта, Кыргызстан, аба ырайы
Тема боюнча
Катуу шамал үч адамды жабыркатып, Чүйдөгү мектептин чатырын учуруп кетти. Видео
Күн 37 градуска чейин ысыйт. Июнга карата аба ырайы
Кыз талиясын ченеп жатат. Иллюстративдик сүрөт

Дарыгер диетасыз, залга барбай эле арыктоонун жолун айтты

32
Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт.

БИШКЕК, 13-июн. — Sputnik. Диетолог Тамила Арсеньева тез жана ден соолукка зыян келтирбей, диетасы жок, машыгуу залына барып оор көнүгүү жасабай эле арыктоонун сырлары менен бөлүшкөнүн РИА Новости жазды.

Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт. Рациондо сөзсүз түрдө курамында клетчаткасы көп азыктардын болушу керек. Анткени клетчатка ичегинин иштөөсүн жакшыртып, адамды ток алып жүрөт.

Организмге белокко бай азыктар, жалбырактуу жашылча, чөп-чар, мөмө-жемиштер да керек.

Диетолог кумшекерди, кофе, газдалган суусундук жана ичимдикти азайтуу керектигин да белгилеген.

"Жок дегенде ушуларды тизмеден чийип салсаңар бир айда беш килограммга чейин салмак таштоого болот. Арыктоону каалагандар суу ичкенди да билиши керек. Таттуу суусундук тууралуу айтканым жок. Кадимки сууну басып-туруп ичсе, ал зат алмашууну 20 пайызга чейин ылдамдатат", — деди адис.

Арсеньева зат алмашууну ылдамдатууга спорт да жакшы жардамчы экенин айтып, ага кыймылдын бардык түрү, ал тургай жөө басуу да кирерин белгилеген.

Адис стресстен оолак болууну эскертип, кыйын учурда кызыктуу ишке алаксып кетүүнү сунуштаган. Мисалы, фитнес, йога же китеп окуп алаксып, достор менен баарлашууга кеңеш берген.

32
Белгилер:
рацион, тамак, машыгуу, диета, арыктоо, диетолог
Тема боюнча
Дарыгер: майы жок азык менен арыктоо тукумсуздукка алып келиши мүмкүн
Диетолог жумуртканы эртең мененки тамакка колдонбой эле коюуга чакырды