Россиядагы мигранттар. Архив

Элчилик: Соль-Илецкидеги кыргызстандыктар лагерге барбагандыктан чатыр тигип бердик

809
(жаңыланган 14:29 10.05.2020)
Кыргызстандыктардын айрым бир тобу Оренбург бийлиги даярдап берген лагерге баруудан баш тартканы айтылат. Мындан улам алар жайгашкан талаага 240 орундуу чатыр тигип, биоажаткана коюп беришкен.

БИШКЕК, 10-май — Sputnik. Россия менен Казакстандын чегиндеги Соль-Илецк шаарында турган кыргызстандыктар жатаканага баруудан баш тартты. Бул туурасында Кыргызстандын Россиядагы элчилигинин штабы билдирди.

Штаб талаада жаткан видеодогу жарандар аба каттамдары токтотулганына байланыштуу Москвадан кете албай калгандар экенин билдирди. Алар элчилик жана кыргыз диаспораларынын көмөгү менен Москвадагы Купавна хостелине акысыз жайгаштырылып, тамак-аш, медициналык кызматтар менен камсыздалганы айтылат. Ал жакта бир ай жатышкан, мындай шарттар майдын аягына чейин түзүлгөн.

"Мекендештер штабдын расмий маалыматын укпай, айрым саясатчы, укук коргоочу сөрөйлөрдүн "орус-казак чек арасынан өткөрөм" дегенине ишенип алышкан. Айтканга көнбөй өз алдынча автобус жалдап, Москвадан чыгып чек арага барып алышкан. Бирок автобус менен таксинин айдоочулары Бузулук районуна чейин жеткирип таштап койгон. Андан ары жөө кетишкен", — деп айтылат маалыматта.

Элчиликтин штабынан кырдаалды билип туруп социалдык тармакка алардын видеолорун чыгарып, өзүнүн кылыгына кыргыз өкмөтүн күнөөлөп жаткандарына өкүнүп турганын белгилешти. Аны менен катар оорулуулардын, кош бойлуу аялдардын саламаттыгына ошол топту уюштурган лидерлер жооптуу болору эскертилди.

"Мындай аракеттер бүт кыргыз элинин бетине көө жабарын түшүнбөй, өздөрүн ушундай жагдайга кептеп алганын белгилейбиз. Ошентсе да элчилик Оренбург облусунун өкмөтүнө кайрылып, жарандарга убактылуу жатакана, тамак-аш менен камсыздап берүүнү суранган. Буга макул болуп, Бузулук районундагы балдар эс алуу лагерине Казакстан менен чек ара ачылганга чейин жайгаштырууга макулдугун берген", — деп белгилейт элчиликтин штабы.

Бирок мекендештердин айрым бир тобу ал лагерге да баруудан баш тартканы айтылат. Мындан улам талаага 240 орундуу чатыр тигилип (керебети менен), биоажаткана коюлган. Бул да Оренбург бийлиги тарабынын акысыз  жасалган. Учурда тамак-аш менен камсыздоо маселеси чечилүүдө.

"Тилекке каршы, Москвадан барып талаада жаткан 70 жарандын жатаканадан баш тартканына байланыштуу Соль-Илецкиден Бузулуктагы лагерге алып келинген жарандарды (автоунааларын калтыруудан баш тартып автобус менен кетпей койгондор) дагы чатырга жайгаштырууга туура келди. Мунун натыйжасында 170 кыргызстандык учурда  чатырда ", — деп жазылган маалыматта.

Соңунда элчилик жана кыргыз диаспораларынын кызматкерлери санынын аздыгына, каражаттын ченелүү болгонуна карабай күнү-түнү иштеп, мекендештердин көйгөйлөрүн чечүүгө аракет кылып жатканы белгиленди. Ошол эле учурда элчилик мекендештерге кайрылып, бүт эрежелерди сактоого жана өз алдынча чек арага барып албоого чакырды.

Белгилей кетсек, 7-майда бир айдан ашык убакыттан бери Соль-Илецкиде турган 541 кыргызстандык автобус менен Бишкекке алып келинген. Автоунаасын калтыруудан баш тарткан 100гө чукул жаран ошол жерде кала берген. Ал жактан келгендердин ичинен 55 адамдан коронавирус аныкталды. Муну менен катар эле алардын бир нечеси карантин тартибине баш ийбей, качып чыгууга аракет кылганы айтылды.

809
Белгилер:
элчилик, чатыр, баш тартуу, тамак-аш, жатакана, мекендештер, Соль-Илецк
Тема:
Кыргызстандагы коронавирус жуктуруп алгандар (1664)
Тема боюнча
Саламаттык сактоо министрлиги "коронавирус жок" дегендерге жооп берди
Оренбургдан келген 55 жарандан COVID-19 чыкты. Алар жаңжал чыгарганы айтылды
Алтын сертификаттар тапшыруу аземинде мектеп бүтүрүүчүлөр. Архив

ЖРТдан жогорку баллга кайсы облустун бүтүрүүчүлөрү ээ болду? Рейтинг

18
(жаңыланган 16:51 24.06.2021)
Жалпы республикалык тестирлөөнүн алгачкы жыйынтыктары чыгып, эң жогорку балл алган мектеп бүтүрүүчүлөрдүн аты-жөнү белгилүү болду. Sputnik Кыргызстан агенттиги кайсы облустун окуучулары жакшы көрсөткүчкө жетишкендигине кызыгып көрдү.

Билим берүү жана илим министрлигинин маалыматына ылайык, тестирлөөнүн алгачкы жыйынтыктары боюнча тестирлөөдө 58 өспүрүм жогорку баллга ээ болду. Анда биринчи орунду 232 балл менен Каракол шаарынын окуучусу Жайдар Нургазиев алса, экинчи орунга 231 балл менен бишкектик Алия Сарыгулова жана үчүнчү орунга 230 балл менен Талас облусунан Сымбат Касымбекова татыды.

Өлкө боюнча ЖРТда жогорку көрсөткүчкө жеткендердин ону орто мектепти бүтүрсө, калгандары лицей, жеке мектеп жана гимназияларды аяктагандар. Жылдагыдай эле алтын сертификатка татыгандардын көпчүлүгү борбор калаадагы жалпы билим берүүчү мекемелерде окугандар.

Үстүбүздөгү жылы жалпы республикалык тестирлөөдө 44 миң 416 кыз-улан ат салышты. 22-23-июнда уюштурулган үчүнчү этапка 500 бүтүрүүчү катышты, анын жыйынтыгы июль айынын башында белгилүү болот.

Эске сала кетсек, быйыл 103 миң 414 өспүрүм 9-классты, 61 миң 546 окуучу 11-классты аяктады.

18
Белгилер:
жогорку балл, ЖРТ, бүтүрүүчү, Кыргызстан
Тема боюнча
ЖРТнын жыйынтыгы менен алтын сертификат алгандар. Тизме
ЖРТдан эң көп баллга татыган Жайдар: Гонконгдогу окуу жайга тапшырып койгом

"Россия сегодня" 80 жылдык мааракесин белгилеп жатат. Видео

20
"Россия сегодня" эл аралык маалымат агенттиги бүгүн 80 жылдыгын белгилеп жатат. Эл аралык алдыңкы медиагруппанын тарыхы 80 жыл мурда, Совинформбюро түзүлгөндө башталган.

Ондогон жылдардан берки убакыт аралыгында агенттиктин аталышы "Новости", РИА "Новости", "Россия сегодня" болуп өзгөрдү. Бирок журналистиканын жогорку деңгээли менен ишке болгон жоопкерчилик ошол бойдон калды.

"Россия сегодня" 200 шаарда иш алып барып, 32 тилде, күнү-түнү Россияда жана дүйнөдө болуп жаткан жаңылыктар менен кабардар кылат.

20
Белгилер:
маалымат агенттиги, "Россия Сегодня" ЭМА
Тема боюнча
"Өздүгүн жашырууга аракет кылган". Facebook кимдин цензурасынан өтөт?
Уйлар. Архив

Кыргызстанда тышка мал сатууга коюлган чектөө алынды

0
(жаңыланган 17:02 24.06.2021)
Улукбек Марипов жыйында өлкөгө кант, өсүмдүк майы менен эт ташып келгендерди кошумча салыктан бошотуу чечими кабыл алынганын билдирди.

БИШКЕК, 24-июн. — Sputnik. Кыргызстанда бодо мал менен майда жандыктарды экспорттоого чектөө алынганын өкмөт кабарлады.

Министрлер кабинетинин төрагасы Улукбек Марипов өкмөттүн кезексиз жыйынын өткөрүп, анда өлкөнүн азык-түлүк коопсуздугу каралган.

Марипов Айыл чарба министрлиги маалында чара көрсө, азык-түлүк коопсуздугун камсыз кылууда көйгөйлөр жаралмак эместигин айткан. Ошондуктан бир катар чечимдерди кабыл алуу маанилүү болуп жатканын билдирген.

"Евразия экономикалык биримдигинин өлкөлөрүнөн тышкары аймакка кээ бир айыл чарба азыктарын экспорттоого тыюу салынат. Кеп буудай, буудай уну, шекер, күрүч, өсүмдүк майы жана жумуртка тууралуу болуп жатат. Ошондой эле тоютка болгон баанын өсүшү байкалууда. Буга байланыштуу чөптү, аралаш тоютту, жүгөрүнү, арпаны толугу менен тышка сатууга тыюу салынат. Ал эми 8-июлдан тарта Кыргызстанда бодо мал менен майда жандыктарды экспорттоого чектөө алынат", — деп айтылат маалыматта.

Мындан тышкары, үч миң тонна кумшекер жана өсүмдүк майы сатып алынганын билдирген. Ошондой эле өлкөгө кант, өсүмдүк майы менен эт ташып келгендерди кошумча салыктан бошотуу чечими кабыл алынган.

Марипов бюджетке болжол менен 200 миллион сом түшпөй каларын, бирок элди азык-түлүк менен камсыз кылуу үчүн туура чечим кабыл алынганын кошумчалаган.

0
Белгилер:
азык-түлүк, чектөө, чечим, экспорт, мал, Кыргызстан
Тема боюнча
Керимбаев: эми Казакстандан өткөн товарлар мурдагыдай текшерилбейт
Июлда күйүүчү майдын баасы дагы 4-6%га кымбаттаары айтылды