Бишкек шаарындагы Эне жана баланы коргоо улуттук борборунун Жаңы төрөлгөн балдарды жана эрте төрөлгөн балдарды патологиясы бөлүмүндө

Эне жана баланы коргоо борборунда ЛОР менен акушерден коронавирус табылды

229
(жаңыланган 13:34 11.05.2020)
Буга чейин аталган борбордун гематология бөлүмүндө эки бейтап баладан, аларды караган үч энеден жана бир дарыгер менен бир кичи медперсоналдан коронавирус чыккан.

БИШКЕК, 11-май — Sputnik. Эне жана баланы коргоо улуттук борборунда иштеген дагы эки медиктен коронавирус аныкталган. Бул тууралуу аталган оорукананын жетекчиси Камчыбек Узакбаев билдирди.

Буга чейин аталган борбордун гематология бөлүмүндө эки бейтап баладан, аларды караган үч энеден жана бир дарыгер менен бир кичи медперсоналдан коронавирус табылган.

Узакбаевдин айтымында, коронавирус жаңы аныкталган эки медик гематология бөлүмүнүн кызматкерлери эмес. Бири борбордун бейтапканасында иштеген ЛОР-дарыгер болсо, экинчиси төрөтканда орто медкызматкер, акушер.

"Биздин ооруканага өлкөнүн ар аймагынан бейтаптар келип тургандыктан, медиктерден 15 күн сайын коронавируска анализ алып жатабыз. ЛОР-дарыгердин биринчи анализи таза чыккан. 10-майда экинчи ирет кайталап алганда канында вирус бар экени аныкталды. Ал гематология бөлүмүнө консультацияга барганын айтты. Ал эми акушерден коронавирус 5-майда эле аныкталган. Андан COVID-19 үчүнчү ирет скрининг кылганда чыкты", — деди Узакбаев.

Эки медик менен байланышта болгондордун баарына тест жасалып, анализдери таза чыкканын кошумчалады. Ал эми илдетке кабылган эки медик учурда жугуштуу илдеттер ооруканасында дарыланып жатканы маалым болду.

Коронавирустун кесепети

Кыргызстанда коронавируска кабылгандардын саны 1016га жетип, анын ичинен 688и айыгып чыкты. Тилекке каршы, 12 бейтап каза болуп калды.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагына карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

229
Белгилер:
акушер, коронавирус, медик, Кыргызстан
Тема:
Кыргызстандагы коронавирус жуктуруп алгандар (1517)
Тема боюнча
Эркектердин COVID-19 менен көп ооруй турган себеби айтылды
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

57
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

57
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди
Мурдагы вице-премьер Алтынай Өмүрбекова. Архив

Финполго Алтынай Өмүрбекова менен Аида Исмаилова чакырылганы айтылды

136
(жаңыланган 22:46 25.01.2021)
Өкмөттүн пандемия маалындагы иши боюнча буга чейин мурунку премьер-министр Кубатбек Боронов сурак берип, күбө катары чакырылганын айткан.

БИШКЕК, 25-янв. — Sputnik. Мурдагы вице-премьерлер Алтынай Өмүрбекова менен Аида Исмаилова өкмөттүн пандемия маалындагы иши боюнча Экономикалык кылмыштарга каршы күрөшүү кызматына суракка чакырылды. Бул тууралуу укук коргоо органдарындагы ишенимдүү маалымат булагы билдирди.

Вице-премьер-министр Кыргызской Республики Аида Исмаилова на заседании Жогорку Кенеша в государственной резиденции Ала-Арча
© Sputnik / Табылды Кадырбеков
Мурдагы вице-премьер-министр Аида Исмаилова

Алардын айтымында, Исмаилова эртең, 26-январь саат 09:30га, ал эми Өмүрбекова саат 15:00гө чакырылды. Финпол азырынча комментарий бере элек.

Өмүрбекова 2018-жылдан 2020-жылга чейин вице-премьер болуп иштеген. Исмаилова болсо ал кеткенден кийин апрель айынан октябрга чейин бул кызматты аркалаган.

Ушул иш боюнча буга чейин өкмөттүн мурунку башчысы Кубатбек Боронов сурак берип, күбө катары чакырылганын айткан.

Андан мурда Экономикалык кылмыштарга каршы күрөшүү кызматынын жетекчиси Сыймык Жапыкеев пандемия маалында адамдардын массалык түрдө каза болушуна премьер-министрлер жана вице-премьерлер жооп берерин айткан. Ошондой эле ал медикаменттер, жеке коргонуу каражаттары, тез жардам унаалары кымбат баада алынгандыгы териштирилип жатканын кошумчалаган.

136
Белгилер:
сурак, Аида Исмаилова, Алтынай Өмүрбекова, финансы полициясы
Тема боюнча
Жапыкеев: пандемияда иштеген аткаминерлердин баары сурак берип, көбү камалат