Бишкектин тегерегиндеги 16 жерге карантиндик пост коюлду
(жаңыланган 16:30 11.05.2020)
11-майдан тарта Кыргызстандын айрым аймактарына киргизилген өзгөчө абал режими аяктап, жаңы эрежелер ишке кирди.БИШКЕК, 11-май — Sputnik. Республикалык штаб Бишкектин тегерек-четине коюлган карантиндик посттордун тизмесин жарыялады.
Алар:
- "Азамат" унаа базары — Айланма жол;
- Айланма жол/ "Фрунзе" чарбасы;
- Васильевский тракт көчөсү/ Айланма жол ("Ак-Жол");
- Пригородное айылы — Айланма жол;
- Айланма жол — Маевка айылы (тегеренме жол);
- Айланма жол — Тендик жаңы конушу;
- Айланма жол — Киргизия көчөсү (Ала-Арча);
- Айланма жол — Келечек жаңы конушу;
- Айланма жол — "Дордой";
- Айланма жол — Ибраимов көчөсү;
- Айланма жол — Алма-Ата көчөсү;
- Айланма жол — ГЭС-5 (тегеренме жол);
- Жибек Жолу проспектиси — Киргшелк;
- Кара-Жыгач жана Сары-Жон айылдарынын ортосундагы жол;
- Горная Маевка айылына карай жол;
- Кызыл-Туу жана Маловодное айылдарынын ортосундагы жол.
Эске салсак, Кыргызстанда коронавируска кабылгандардын саны 1016га жетип, анын ичинен 688и айыгып чыкты. Тилекке каршы, 12 бейтап каза болуп калды.
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагына карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.
Пневмония болгон хирург Талант Өмүрбековдун абалы айтылды
(жаңыланган 13:08 25.01.2021)
Өмүрбеков өткөн жумада эки тараптуу пневмония менен ооруканага түшкөн. Абалы оор болгондуктан дароо жандандыруу бөлүмүнө жаткырылган.БИШКЕК, 25-янв. — Sputnik. Республикалык жугуштуу илдеттер ооруканасына түшкөн белгилүү балдар хирургу Талант Өмүрбековдун абалы тууралуу Sputnik агенттигине аталган медициналык жайдын жетекчиси Гүлжигит Аалиев маалымат берди.
Эске салсак, Өмүрбеков 19-январда эки тараптуу пневмония менен оор абалда ооруканага жаткырылган.
"Акыбалы турукташып калды. Бирок дагы деле жандандыруу бөлүмүнөн чыга элек", — деди Аалиев.
Талант Өмүрбеков Кыргызстанга таанымал дарыгер. Ал Бишкек шаардык Тез жардам балдар клиникалык ооруканасынын мурдагы дарыгери, Иса Ахунбаев атындагы медициналык академиянын балдар хирургиясы кафедрасынын жетекчиси, профессор, медицина илимдеринин доктору.
Белгилер:
Хан сарай, бодо мал... Министрликтин өкүлү мыйзамсыз байыган деп кармалды
(жаңыланган 12:57 25.01.2021)
Кармалган жетекчи мамлекеттик кызматта иштеп жүрүп кымбат баалуу кыймылдуу жана кыймылсыз мүлктөргө жана көптөгөн бодо малдарга ээлик кылганы айтылды.БИШКЕК, 25-янв. — Sputnik. Транспорт жана жолдор министрлигинин алдындагы Жол чарба департаментинин директору И.Ш.М. мыйзамсыз байыганы аныкталып, кылмыш иши козголду. Бул тууралуу УКМКнын маалымат кызматы кабарлады.
Ага ылайык, кармалган жетекчи мамлекеттик кызматта иштеп жүрүп кымбат баалуу кыймылдуу жана кыймылсыз мүлктөргө, көптөгөн бодо малга ээлик кылган. Булардын наркы тапкан кирешесине дал келбейт.
Транспорт жана жолдор министрлигинин алдындагы Жол чарба департаментинин директору И.Ш.М. мыйзамсыз байыганы аныкталып, кылмыш иши козголду© Фото / пресс-служба ГКНБ КР
Бул тууралуу УКМКнын маалымат кызматы кабарлады© Фото / пресс-служба ГКНБ КР
Ага ылайык, кармалган жетекчи мамлекеттик кызматта иштеп жүрүп кымбат баалуу кыймылдуу жана кыймылсыз мүлктөргө, көптөгөн бодо малга ээлик кылган© Фото / пресс-служба ГКНБ КР
Булардын наркы тапкан кирешесине дал келбейт© Фото / пресс-служба ГКНБ КР
УКМКнын билдиришинче, Жол чарба департаментинин директору ири жолдорду куруу үчүн жыл сайын өткөрүлчү мамлекеттик сатып алуулар аркылуу активдерин көбөйткөнү болжолдонууда© Фото / пресс-служба ГКНБ КР
Республикалык маанидеги курулуштар үчүн мамлекеттик бюджеттен үч миллиарддан ашык каражат бөлүнөрү белгиленет© Фото / пресс-служба ГКНБ КР
Учурда Транспорт жана жолдор министрлигинин бюджеттик каражаттарга жооптуу жана жемкорлукка тиешеси бар башка кызмат адамдары аныкталып жатканы кошумчаланды© Фото / пресс-служба ГКНБ КР
©
Фото / пресс-служба ГКНБ КР
"Мыйзамсыз мүлктөрүн жашыруу максатында жакын туугандарына жана аффилирленген жактарга көмүскө түрдө каттаткан. Атап айтканда, үч особнягы, шаардын чок ортосунан 20 батирлүү дагы бир особнягы жана кымбат баадагы автоунаалары болгон. Ошондой эле туугандары менен чет мамлекетке эс алууга байма-бай барып турганы аныкталды", — деп айтылат маалыматта.
УКМКнын билдиришинче, Жол чарба департаментинин директору ири жолдорду куруу үчүн жыл сайын өткөрүлчү мамлекеттик сатып алуулар аркылуу активдерин көбөйткөнү болжолдонууда. Республикалык маанидеги курулуштар үчүн мамлекеттик бюджеттен үч миллиарддан ашык каражат бөлүнөрү белгиленет.
Учурда Транспорт жана жолдор министрлигинин бюджеттик каражаттарга жооптуу жана жемкорлукка тиешеси бар башка кызмат адамдары аныкталып жатканы кошумчаланды.
Белгилер: