Өрт өчүргүчтөр базардын айланасындагы көчөлөргө дезинфекциялоочу каражаттарды чачып жатышат. Архив

Борбор калаада коронавирустун 98 очогу бар

504
(жаңыланган 16:35 11.05.2020)
Борбор калаада 272 адам коронавирус жуктурганы аныкталган. Анын ичинен 37си башка жактан келгендер.

БИШКЕК, 11-май — Sputnik. Бишкек шаарында коронавирустун 98 очогу бар экенин мэр Азиз Суракматов билдирди.

Ал эми 272 адам коронавирус жуктурганы аныкталган. Анын ичинен башка жактан келгендер 37 болсо, жергиликтүү тургундар 235 болду. Булардын арасында 79 медик, 56 ИИМ кызматкери бар.

“Вирустун симптомдору байкалса, 118 номерине телефон аркылуу кайрылууну суранабыз. Шаарда медиктердин жана санитардык врачтардын 40 мобилдик тобу иштейт. Алар чакыруу боюнча барып, анализ алышат”, — деди Суракматов.

Ошондой эле ал муктаждарга азык-түлүк жардамын берүү улантыла турганын кошумчалады. Азык-түлүк коопсуздугу боюнча райондук акимдер, мэриядан аппарат жетекчи Балбак Түлөбаев жооп берет.

Жалпысынан 10-майга карата азык-түлүк топтомдору 93 миң үй-бүлөгө же 250 миң жаранга берилген.

504
Белгилер:
Азиз Суракматов, очок, азык-түлүк, мэрия, Бишкек
Тема:
Кыргызстандагы коронавирус жуктуруп алгандар (1371)
Тема боюнча
Бишкекте иштөөсүнө тыюу салынган 8 тармак тизмектелди
Мэр Суракматов: Бишкекте бет кап тагынбагандарга 5000 сомго чейин айып салынат
Суракматов кызматтык күбөлүгү менен кимдер эркин жүрө аларын айтты
Кыз парктта кол чатыр менен бара жатат. Архив

Жумага карата аба ырайы

13
23-октябрга караган түнү кээ бир өрөөндөрдө жана тоо этектеринде жаан, тоолуу райондордо кар жаашы күтүлөт.

БИШКЕК, 22-окт. — Sputnik. Жума күнү, 23-октябрда, көпчүлүк аймактарда жаан жаап, тоо этектеринде жана тоолуу райондорго кар түшөт. Бул тууралуу Кыргызгидромет билдирди.

Маалыматка ылайык, Чүй, Талас өрөөндөрүндө, Ысык-Көл, Нарын облустарынын дыйканчылык аймактарында жаан карга айланышы мүмкүн. Ысык-Көл облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы күтүлөт.

Абанын температурасы Чүй өрөөнүндө +3…+8 градус, Таласта +2…+7 градус, Ош, Жалал-Абад, Баткен облустарында +5…+10 градус, Ысык-Көл жана Нарын аймактарында 0…+5 градус болору айтылды.

Бишкек жана Ош шаарларында мезгил-мезгили менен жамгыр жаап, борбор калаада карга айланышы ыктымал. Күндүн табы Бишкекте +6…+8 градус, Ош шаарында +13…+15 градуска чейин жетет.

Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.

13
Белгилер:
Кыргызстан, октябрь, аба ырайы
Тема боюнча
Жалал-Абад облусунун аймагында кайрадан жер титиреди
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

105
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

105
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео