Үй-бүлөбүздө 9 ардагер болгон! ЕЭК департаментинин башчысы Турусбековдун баяны

181
(жаңыланган 00:57 12.05.2020)
Евразия экономикалык комиссиясынын протокол жана уюштурууну камсыздоо департаментинин директору Данияр Турусбеков Sputnik агенттигинин "Фронт жаңырыгы" долбооруна катышты.

"Фронт жаңырыгы" — Sputnik агенттигинин пресс-борборлорунун салттуу долбоору. Улуу Жеңиш күнүн утурлай Sputnik редакциясынын Кыргызстандагы, Казакстан, Белоруссия, Абхазия, Армения, Молдова, Грузия, Азербайжан жана Түштүк Осетиядагы агенттиктери согуштун каармандарынын тарыхын жарыялайт. Алар тууралуу урпактары же жакындары баяндамакчы.

"Менин чоң атам Сагындык Турусбеков тылдын эмгек сиңирген жумушчусу болгон. Партия аны фронтко кетирген эмес, себеби согуш башталганда Араван райондук партия комитетинин биринчи катчысы болгон. Бирок ал өзү Сталинградга азык-түлүк, кийим-кечек жүгүн эки жолу коштоп барып, кайтканда жарадар болгондорду Кыргыз ССРине ала келген. Улуу Ата Мекендик согуш мезгилиндеги эмгеги үчүн орден жана медалдар менен сыйланган", — деди башчы.

Анын чоң атасынын агасы Жунуш Турусбеков Берлинге чейин барып согушуп, жарадар болгон. Ал 167-аткычтар полкунда кызмат өтөп, бир катар медалдарга ээ болгон.

"Мукан Турусбеков биздин үй-бүлөнүн гана эмес, бүтүндөй кыргыз элинин сыймыгы. Ал Батыш фронттун Ростовдогу 10-согуштук авиациялык корпусунда кызмат өтөгөн. Ал станцияны техникалык жактан мыкты коштогону үчүн душмандын төрт учагы атып түшүрүлүп, аскердик даярдыгы үчүн медалга татыган. Ошондой эле Кавказды коргогондугу үчүн да медалга ээ болгон", — деп эскерди.

Кийинчерээк Мукан Турусбеков физика-математика багытына тереңирээк көңүл коюп, физика-математика илимдери боюнча кандидаттык даражасын коргогон биринчи кыргыз болгон. Ал көптөгөн илимий макалалардын автору болуп, беш жыл бою Кыргыз ССР Илимдер академиясынын Физика-математика институтунун директору кызматын аркалаган.

"Чоң атамдын эң кичүү иниси — Жусуп Турусбеков. Ал учкуч болуптур. Бирок бул биздин үй-бүлөбүз үчүн табышмак, анткени ал жөнүндө маалымат аз жана анын бардык документтери ачык булактарда жарыяланган эмес", — деди департаменттин директору.

Белгилүүсү, ал 722-согуштук авиация корпусунда кызмат өтөп, авиация техниги болгон. Кийинки жылдары биринчи класстагы учкуч, топтун командири, аскерий учкуч милдеттерин аркалаган. Аскердик эмгеги үчүн медаль тагынып, эки жолу Кызыл Туу ордени менен сыйланган.

Турусбековдун апасы тарабында согуштун беш ардагери бар. Баары эркек бир туугандар. Улуусу Юрий Закинов Калинин фронтунда салгылашып, башынан жаракат алган. Каармандыгы үчүн медалга ээ болгон.

Кийинки тууганы Илья Закинов медицина кызматынын капитаны, бир нече жоокер менен офицерлердин өмүрүн сактаган. Алардын катарында Советтер Союзунун Баатыры, капитан Александр Бабаев да бар. Кенигсбергди басып алгандыгы үчүн медаль тагынып, эки жолу Кызыл Туу ордени жана каармандыгы үчүн дагы бир медаль тапшырылган.

Михаил Закинов Батыш Буг дарыясындагы салгылашуудагы эрдиги жана кайраттуулугу үчүн Кызыл жылдыз ордени менен сыйланган. Өзү беш аскерди жана фашисттик аскерлердин бир офицерин жок кылган.

"Менин чоң таятам Алексей Закинов Советтик-Финляндиялык согушка катышкан. Бутунан катуу жаракат алып, ак билет алган. Анын бир тууганы Закинов Евдо Ленинград курчоосун баштан кечирген. Биздин баатырларга таазим. Фронттун жоокерлерине жана тылдын жумушчуларына түбөлүк даңк, эмгегиңерди унутпайбыз", — деп сөзүн жыйынтыктады Турусбеков.

Жакынкы чет өлкөлөрдүн "Фронт жаңырыгы" долбоору үй-бүлөлүк окуяларды баяндоо менен бейпил жашоонун баасы канчалык экендигин эске салып турат.

181
Белгилер:
долбоорлор, ардагер, Улуу Ата Мекендик согуш, Кыргызстан
Тема:
Sputnik баштаган "Фронт жаңырыгы" долбоору (8)
Тема боюнча
Чоң атам 25 фашистти жок кылыптыр. КРдин футбол боюнча машыктыруучусунун баяны
Чоң атамдан 6 жыл кат келбептир. Министр Жаманкулов ардагер бабаларын эскерди
Бутакта конуп турган чымчык. Архив

Жаздын биринчи күнүнө карата аба ырайы

8
Дүйшөмбүгө караган түнү жаан-чачын күтүлбөйт. Өлкө аймагында жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-фев. — Sputnik. 1-мартта күндүз республика боюнча күн ачык болот. Бул тууралуу Кыргызгидромет маалымдады.

Абанын температурасы Чүй, Талас, Ош, Жалал-Абад жана Баткен облустарында +8..+13, Ысык-Көлдө +2...+7, Нарын жергесинде -3...+2 градус болот.

Бул күнү термометр Бишкекте +8...+10, Ошто +10...+12 градуска көтөрүлөт.

8
Белгилер:
Кыргызстан, аба ырайы
Тема боюнча
Күн качан жылыйт? Жаздын алгачкы жумасына карата аба ырайы
Ырчы  Алтынай Асанбекова

Ырлары миллион көрүүчү топтогон Алтынай: мамлекеттик кызматта экениме сүйүндүм

275
(жаңыланган 19:48 28.02.2021)
Кыргыз эли таланттардан уучу кур эмес. Акыркы кезде интернет айдыңында миллиондон ашык көрөрман топтогон Алтынай Асанбекованын ырлары көпчүлүктүн көңүл чордонунда болууда.

Sputnik Кыргызстан агенттиги гитаранын ыргагында жүрөк кылдарын терметкен чыгармаларды чеберчилик менен аткара билген Алтынай Асанбекованы студияга чакырып маек курду.

Ырчы кыз чыгармачылыкка жаңыча стиль менен кошулууда.

— Негизи Бек Борбиевдин ырларын кыздар көп аткара бербейт. Интернетте элдин сүймөнчүлүгүнө татыган "Эсиңдеби" аттуу ырды кандайча ырдап калдыңыз?

— Кичине кезимде эле гитара ойногонду байкемден үйрөнгөм. Ал негедир Бек агабыздын (Борбиев — ред.) ырларына көп басым жасачу. Мен да анын таасири менен ошондой ырларды өздөштүрдүм. Негизи менин аткаруумда Бек Борбиевдин ырлары көп. Мурда "Эсиңдеби" аттуу ырды шаңдуу вариантта угуп жүрчүмүн. Бирок негедир мага жай ыргакта аткаруу жакты, ошол себептен өзүмдүн вариантымда алып чыктым.

— Чыгармачылыкка өз стилиңиз менен аралашып жатасыз. Бул ойлонуштурулган кадамбы?

— Жок, болгон өнөрүм жана жөндөмүм болсо керек деп ойлойм. Эч кандай деле атайын стиль караштырган эмесмин. Өзгөчөлүк экени өзүмө деле билинбейт (күлүп). Бирөөлөр эле сырттан карап айтып калбаса жаратылышымдан мүнөзүм да ушундай.

— Күйөрмандарга өзүңүз тууралуу айтып берсеңиз?

— Толук аты-жөнүм Асанбек кызы Алтынай, бирок сахнага Алтынай Асанбекова деген ат менен чыгып жатам. Өзүм Нарын облусуна караштуу Кочкор районунун Семиз-Бел айылынан болом. Орто мектепти аяктаган соң борбордогу Кыргыз улуттук консерваториясынын алдындагы эки жылдык Опералык хор ырдоо бөлүмүнө тапшырып, музыкалык билим алгам. Андан тышкары, Кыргыз улуттук агрардык университетинин жерге жайгаштыруу факультетин бүтүргөм. Азыркы учурда мамлекеттик картография кызматында иштейм.

Кыргызская эстрадная певица Алтынай Асанбекова
© Фото / Сахаб Орозов
Алтынай Асанбекова: Кочкор районунун Семиз-Бел айылынан болом. Мектепти аяктаган соң Кыргыз улуттук консерваториясынын алдындагы эки жылдык Опералык хор ырдоо бөлүмүнө тапшырып, музыкалык билим алгам. Андан тышкары, Кыргыз улуттук агрардык университетинин жерге жайгаштыруу факультетин бүтүргөм. Азыр мамлекеттик картография кызматында иштейм.

— Көбүнчө кандай чыгармаларга басым жасайсыз?

— Учурда аткарып жаткан чыгармаларымдын көбү эле сүйүү жөнүндө. Бир тууган агам дагы чыгармачылыкка жакын, өзү ыр жазат. Азыр сөзү, обону агам Бакыт Илиясовго таандык "Жамгыр" аттуу ыр да элге жакшы алынууда. Бул менин коомчулукка алып чыккан алгачкы, тушоо кесүүчү чыгармам болуп калды. Негизи көбүнчө байкемдин ырларын аткарып жүрөм. Андан тышкары, дагы бир катар ырларды жаздыруудамын.

— Азыр ырчылар үчүн тойлордо ырдоо кадыресе эле көрүнүш. Сиз да тойлорго чакыруу алып турасызбы?

— Тойлорго акырындык менен чакыруулар тушүп жатат. Бирок көп эмес. Ырларымды уккусу келген адамдар үчүн тойдобу же кечедеби, айырмасы жок экен. Көбүнчө "Эсиңдебини" жана "Жамгыр" аттуу ырларды аткарып берүүмдү сурашат. Тойлордо шаңдуу ырларды угууну жактырышат эмеспи.

Кыргызская эстрадная певица Алтынай Асанбекова на радио Sputnik Кыргызстан
© Фото / Асель Сыдыкова
Алтынай Асанбекова: Учурда аткарып жаткан чыгармаларымдын көбү эле сүйүү жөнүндө. Азыр сөзү, обону агам Бакыт Илиясовго таандык "Жамгыр" аттуу ыр да элге жакшы алынууда.

— Келечекте музыкалык билимиңизди жогорулатуу оюңуз барбы?

— Алгач шаарга келип, Улуттук консерваторияга тапшырганда музыкант болом, консерваториядан жогорку билим алам деген аруу тилегим бар болчу. Бирок турмуш шартка байланыштуу билимимди андан ары уланта алган жокмун. Азыркы учурда андай план коё элекмин. Кийинчерээк кайрылып калармын.

— Чыгармачылыкта жол көрсөткөн адам барбы?

— Башында өзүмдүн аракетим менен эле ырдай баштагам. Бирок Сүймөнкул Чокморов атындагы Аламүдүн маданият үйүнүн директору алдыга сүрөп, көп жардам берди. Андан кийин "Жамгыр" аттуу ырыма клип тарттырдым. Ошентип шоу дүйнөсүнө аралашууда профессионал устат күткүм келип, Канат Кадыржан продюсердик борборуна кайрылдым. Жаңыдан иштешип баштаганда пандемия болуп калып, ишибиз бир аз солгун тартып калды. Азыр кайрадан бирге иштешүүгө белсенип турабыз. Сыр сандыгымда катылып турган жакшы чыгармаларымды элге тартуулайлы деген максаттар бар.

Акыркы учурда апама, ата-энеге, мекенге арналган ырларды аткаргым келип жүрөт. Өзүмө төп келген ырларды издеп жатам. Ылайыктуу чыгарма таба элекмин. Шаңдуу ырларды ырдасам деле кайгылуу аткарып салгандай сезиле берет. Ар бир тыбышты баса белгилеп, жан дүйнөмдү жеткире ачып бере албай, бат эле бүтүп калгандай сезим болот. Бирок шаңдуу ырларды да репертуарга кошуш керек экен. Ошол себептен Бек Борбиевдин "Бүгүн майрам, бүгүн той" аттуу ырын тар чөйрөдө аткарып жүрөм.

Кыргызская эстрадная певица Алтынай Асанбекова
© Фото / Сахаб Орозов
Алтынай Асанбекова: Кичинемде комуз ийримине барып, күү черткенди үйрөнчүмүн. Кийин 6-классымда байкем шаарда студент болуп жүрүп айылга гитара көтөрүп барып калды. Ошондон кийин комузду таштап, гитарага өтүп кеттим.

— Бек Борбиевдин ырларын ырдоодо уруксат сурадыңыз беле, негизи ал киши менен байланышыңыз барбы?

— Ал кишинин ырларын кавер түрүндө аткарып жүргөндүктөн уруксат сураган деле эмесмин. Чынында "Эсиңдеби" аттуу ыр Кудайберген Кутуевдики го деп эле жүрчүмүн. Ырдап чыгар алдында гана авторун билдим. Негизинен дүйнөлүк практикада деле кавер түрүндөгү ырларга уруксат суралбайт. Бирок улууну, авторду сыйлоо түшүнүгүнөн улам Бек агабызга бир ооз кайрылып, уруксат суроо оюмда бар. Бек Борбиев өзүнүн ырларын аткарып чыккан жаштарга түз эле көз карашта экенин угуп жүрөм. Карап көрсөм, буга чейин "Эсиңдеби" аттуу ырын бир топ жаш ырчылар аткарган экен.

Жакында эле Байел аттуу ырчы жигит экөөбүз дуэт кылып ырдап чыгуу үчүн Султан Садыралиевдин "Кош айтам сага" ырына уруксат сурадык.

— Ата-энеңиз кандай карап жатат?

— Алгач консерваториянын алдындагы эки жылдык студияда окуп жатканда ата-энем ырдоомо каршы болгон эмес. Кийин жакындарымдын "музыкадан башка жаатта деле билим алып албайсыңбы" деген кеңештеринен улам агрардык тармакта окугам. Ата-энем чыгармачылыгыма "жок" дешкен эмес, бирок колдоп беришти деп да айта албайм. Бирок акыркы убактарда ырдап чыккандарымды көрүп жакшы кеп-кеңештерин айтып, уруксатын, батасын беришти. Кээде сыймыктанып кеп кылып калышат. Үйдө кандайдыр бир чыгармачылык атмосфера бар. Ата-энем да ырдайт. Атам жаш кезинде актёр болууну самаптыр. Бирок ал кезде колдоп, жол көрсөткөн адам болгон эмес окшойт. Өзүнүн айтымында, жети атамдын бири чөлкөмгө белгилүү кыл кыякчы болуптур. Чоң атам жамактап ырдачу. Каныбызда, генибизде чыгармачылыктын данеги бар окшойт. Ал эми ырчы Акбар Сүйүнбаев экөөбүз бир тууган эки атанын балдарыбыз.

Кыргызская эстрадная певица Алтынай Асанбекова
© Фото / Сахаб Орозов
Алтынай Асанбекова: Ата-энем чыгармачылыгыма "жок" дешкен эмес, бирок колдоп беришти деп да айта албайм. Бирок акыркы убактарда ырдап чыккандарымды көрүп жакшы кеп-кеңештерин айтып, уруксатын, батасын беришти. Кээде сыймыктанып кеп кылып калышат.

— Гитарадан тышкары кайсы аспапта ойной аласыз?

— Кичинемде комуз ийримине барып, күү черткенди үйрөнчүмүн. Кийин 6-классымда байкем шаарда студент болуп жүрүп айылга гитара көтөрүп барып калды. Ошондон кийин комузду таштап, гитарага өтүп кеттим.

— Азыр мамлекеттик кызматта иштейт экенсиз, кесибиңиз жагабы? Биротоло сахнага аттанып, чыгармачылыкка кетүү планыңызда барбы?

— Чыгармачылыкка жан дүйнөм жакын. Сахнага чыгуу, ырдоо менин кичинекейимден бери келе жаткан кыялым. Бирок мамлекеттик кызматта иштеп калганыма кээде сүйүнөм. Адам ар тараптуу болушу керек экен. Каалоо болсо баарына жетишүүгө болот. Пандемия учурунда да мамлекеттик кызматта иштегенимдин пайдасы тийди. Тойлор токтоп, дээрлик ырчылардын баары жумуш жок отуруп калганда мен иштеп, каражат жагынан көйгөй жаралган жок. Жашоодо ар кандай кырдаал болот. Ошондо экинчи кесибимди окуп алганыма сүйүндүм.

275
Белгилер:
маек, гитара, ыр, ырчы
Тема боюнча
Аскат Мусабеков, Миргүл Асаналиева: бир ырдын арты менен сезимибиз бекемделди
Музыка менен АКШны багынткан кыргыз кызы: ыйлаган күндөрүм көп болду