Билим берүү министрлиги окуу жылы качан аяктаарын айтты

© Sputnik / Табылды КадырбековАкыркы коңгуроодогу бүтүрүүчүлөр. Архив
Акыркы коңгуроодогу бүтүрүүчүлөр. Архив - Sputnik Кыргызстан
Жазылуу
Жалпы билим берүү мекемелери март айында каникулга эрте чыккандыгына жана май айындагы майрамдарга байланыштуу быйылкы окуу жылы кеч бүтөрү айтылды.

БИШКЕК, 12-май — Sputnik. Быйылкы окуу жылы 30-майда аяктаарын Билим берүү жана илим министрлигинин маалымат кызматынан кабарлашты.

Адатта мектеп окуучулары каникулга 25-майда тарашчу.

"Жалпы билим берүү мекемелери март айында каникулга эрте чыккандыгына, май айындагы майрамдарга байланыштуу жана окуучулар программаны толук түшүнүп өздөштүрүшү үчүн быйылкы окуу жылы 30-майда аяктайт. 5-6-7-8- жана 10-класстар үчүн быйыл көчүрүү сынактары болбойт. 9-11-класстардагы бүтүрүүчүлөрдүн мамлекеттик аттестациядан өтүү форматы быйыл жылдагыдан айырмаланат. Атайын түзүлгөн предметтик мамлекеттик комиссия экзамендик бааларды алардын жалпы жетишкендиктерин эске алуу менен коёт", — деп айтылат маалыматта.

Ал эми жалпы республикалык тестирлөө 20-25-июнда мурдагыдай эле форматта өтөт. Азыркы тапта каттоо жүрүп жатканын министрликтен кошумчалашты.

Эске салсак, мектеп окуучулары коронавирус эпидемиясынан улам төртүнчү чейректи толугу менен аралыктан окушууда.

Жаңылыктар түрмөгү
0