Медициналык беткапчан жүргүнчүлөр аэропорттун каттоо зонасында. Архив

Москвада мекенге кайтууну талап кылган кыргызстандыктар. Элчилик үн катты

296
(жаңыланган 17:29 12.05.2020)
Мекендештер Кыргызстандын элчилигинин алдына топтошуп чыгышкан. Алардын айрымдары каражатсыз, баш пааналоочу турак жайсыз калганын айтышты.

БИШКЕК, 12-май — Sputnik. Кыргызстан жарандарынын Россиядан мекенге кайтуусу үчүн 17-майга бир каттам болот, аны менен 400 адам учуп кете алат. Бул тууралуу элчилик билдиргенин РИА Новости агенттиги жазды.

"Бизге бир эле каттамга уруксат беришти, анда 400 орун болот. Кыргызстанга кайтууну каалагандар көп болгондуктан биринчи кезекте бейтаптар, кош бойлуулар, кары-картаңдар жана бир бала менен атасы же энесине учуп кетүүгө мүмкүнчүлүк берилет", — дешти дипөкүлчүлүктөн.

Бул учак Бишкектен кайра Россиянын жарандарын алып кетмекчи.

Эскерте кетсек, бүгүн Москвада кыргыз элчилигинин имаратынын алдына 50дөй кыргызстандык Большая Ордынка көчөсүнө чогулуп, мекенине жөнөтүүнү талап кылган. Алардын айрымдары каражатсыз, баш пааналоочу турак жайсыз калганын айтышты.

Россия пандемиядан улам 27-марттан тарта адаттагы жана чартердик рейстерди башка өлкөлөргө учурууну токтоткон. Сырттан элди ташып келген, жүк салынган, гуманитардык же санитардык гана каттамдар аткарылууда.

Кыргызстан чет жактагы жарандарды алып келүү боюнча иштер мүмкүнчүлүккө жараша жасалып жатканын ТИМ жетекчиси Чыңгыз Айдарбеков бүгүнкү брифингде билдирген. Ал келерки жумаларда сырттан 1000ге чукул кыргызстандык, анын ичинен Москва шаарынан 402 жаран алып келинерин айткан.

296
Белгилер:
учак, жаран, каттам, элчилик, коронавирус
Тема боюнча
Чекесинен сылап... Жээнбеков чек ара чырында жарадар болгон аскерлерди барып көрдү
Баланы карап отурган аял. Архивдик сүрөт

Министрлик: баланы карай турган киши болсо бакчага жибербей турган оң

23
(жаңыланган 12:59 05.06.2020)
Билим берүү жана илим министрлиги COVID-19дан улам ата-энелерге балдарды өтө зарыл шартта гана бала бакчага жөнөтүүнү сунуштап жатат.

БИШКЕК, 5-июн. — Sputnik. Пандемия шартында иштеп жаткан бала бакчаларда усулдук ыкмалар өзгөртүлүп, тарбиячылар окутуудан өтөт. Бул туурасында билим берүү жана илим министринин орун басары Надира Жусупбекова Республикалык штабдын жыйынында айтканын өкмөттүн маалымат кызматы билдирди.

Ал тиешелүү алгоритм иштелип чыккандыгын, санитардык-эпидемиологиялык талаптар бекитилгенин баяндаган.

"Биз усулдук ыкмаларды балдар топтошуп ойнобой тургандай кылып өзгөртүп, социалдык аралыкты сактоо эске алынган оюндарды киргизип жатабыз. Кийинки жумада тарбиячылар үчүн окутуулар өткөрүлөт. Ата-энелерге балдарды өтө зарыл шартта гана бала бакчага жөнөтүүнү сунуштайбыз. Эгерде карай турган адам болсо, анда коопсуздук үчүн баланы үйгө эле калтырган оң болот", — деген ал.

Пандемия башталганы кооптуулуктан улам жабылган бала бакчалар лагоритмге ылайык 5-июндан тарта иштей баштаары айтылган.

Бишкекте 87 муниципалдык, 13 ведомстволук жана 218 жеке менчик бала бакча бар.

23
Белгилер:
пандемия, коронавирус, бала бакча, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бала бакча кызматкерлери COVID вирусуна анализ тапшырат
Антисептик жана медициналык бет каптар. Архив

Өкмөт бет кап, антисептик чыгарууну эртелетүүгө жардамдашмай болду

12
(жаңыланган 12:32 05.06.2020)
Өкмөт мамлекеттик органдарга компаниялардын вирустан коргой турчу каражаттарды чыгаруусуна жардамдашканга тапшырма берген.

БИШКЕК, 5-июн. — Sputnik. Ата мекендик компанияларга бет кап жана антисептиктерди чыгарууну эртерээк баштоого көмөктөшүү зарыл. Бул тууралуу Республикалык ыкчам штабдын жыйынында айтылганын өкмөт кабарлады.

Ага ылайык, тиешелүү тапшырма мамлекеттик органдар менен жергиликтүү бийлик органдарына берилген.

Ошондой эле үй карантинин сактоо, коомдук жайларда дезинфекция иштерин жүргүзүү маселелери талкууланган.

"COVID-19 илдети аныкталган бир бейтап инфекцияны шаардын үч ири базарынын биринен жуктурушу божомолдонуп жатканы маалым. Буга байланыштуу муниципалитетке бардык санитардык-эпидемиологиялык чараларды күчөтүү сунушталды. Базарларда вирусту жуктуруунун жогорку тобокелдиги байкалууда, көпчүлүк жарандар бет кап тагынбай, аралыкты сактабай жатышат", — деп айтылат маалыматта.

Бишкек мэриясы калаанын бардык базарларында бирдиктүү стандарт киргизилгенин билдирген. Ага ылайык, мекеменин жетекчилиги санитардык талаптардын сакталышы үчүн жоопкерчилик алат.

12
Белгилер:
жардам, компания, антисептик, бет кап, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бала бакча кызматкерлери COVID вирусуна анализ тапшырат