Коопсуз бет кап кийген киши велосипед тээп баратат. Архив

Айыпка жыгылып калба! Велосипедчен адам биле жүрчү негизги 8 эреже

475
(жаңыланган 13:55 16.07.2020)
Sputnik Кыргызстан агенттиги айдоочуларга пайдасы тие турган рубрика ачкан. Бул ирет инспекторлор менен биргеликте велосипедчендерге керектүү маалыматтарды топтодук.

БИШКЕК, 12-май — Sputnik. Жылдан-жылга калаада веложолдор көбөйүп, веложүргүнчүлөргө жакшы шарт түзүлүүдө. Муну менен катар велосипед менен жүргөндөрдүн саны да акырындап арбып баратат.

Адистердин айтымында, велосипед тебүү, биринчиден, адамдын ден соолугуна пайдалуу болсо, экинчиден, көчөлөрдө унаа азайып, шаардын абасы тазарат.

Велосипед дагы транспорт болуп эсептелгендиктен, аны башкаргандар үчүн атайын жазылган жол эрежелери бар. Коопсуздук үчүн аларды биле жүрүү ашыкча болбойт.

Sputnik Кыргызстан айдоочуларга пайдалуу маалыматтарды, суроо жараткан жол эрежелерин аныктап, зарыл болгон кеп-кеңештерди берип туруу максатында атайын рубрика ачкан. Анын алкагында бул ирет шаарда велосипед менен жүрүүнүн эрежелери тууралуу сөз болот. Эрежелер Жол кыймылынын коопсуздугун камсыздоо башкы башкармалыгынын сайтынан алынып, айрымдарына жол инспекторлору жооп берди.

Эрежелер

  • Автоунаалар жүргөн чоң жолго велосипед менен чыкчу адамдын жашы 14 жаштан өйдө болушу керек;
  • Велосипед жолдун оң тарабындагы тилкеде жүрүүгө тийиш. Мүмкүн болушунча оң тарапка, четке жакын жүрүшү шарт;
  • Эгерде жөө адамдарга тоскоолдук кылбаса, жолдун чети менен жүрүүгө уруксат;
  • Велосипед айдоочуларына рулду бир кол менен башкарууга тыюу салынат;
  • Жүргүнчүлөрдү ташууга да тыюу салынат. Бирок бул тыюуга 7 жашка чейинки курактагы балдарды бекем бекитилген бут койгуч менен жабдылган кошумча отургучта ташуу кирбейт.
  • Узун-туурасы 0,5 метрден ашкан жүктү же башкарууга тоскоолдук кылган жүктү ташууга да болбойт;
  • Веложол турса чоң жол менен жүрүүгө уруксат берилген эмес.

Жол белгиси жок кесилиштерде велосипед айдоочусу башка транспорт каражаттарына (жеңил, жүк ташуучу унаа, автобус, троллейбус) жол бошотууга тийиш.

Бул эрежелерди сактабагандар Эреже бузуулар кодексинин 125-беренеси боюнча айыпка жыгылат. Анда жөө жүргөн киши, велосипедчен, мал айдоочу жол кыймылынын эрежелерин бузса, 1-категориядагы айып пул төлөйт. 

ИИМдин Жол коопсуздугун камсыздоо башкы башкармалыгынын үгүт-насаат иштери боюнча тескөөчүсү Тилек Оторов жөө адамдар өтүүчү өткөөлдөн велосипедчен кантип өтүшү керектигин да түшүндүрүп берди.

"Велосипедчен жөө адамдар өтүүчү өткөөлдөн өтөрдө транспортунан түшүп өтүүсү кажет. Бул жол кыймылы эрежелеринин 24-беренесинин 2-бөлүмүндө жазылган. Айдап өтсө, жол кыймылынын эрежесин бузган болуп эсептелет", — деди Оторов.

Сунуштар

Велосипед менен жолго чыгуунун алдында анын рулу жана тормозун текшерип коюу керек. Мындан сырткары сөзсүз башка шлем кийүү сунушталат. Кокустан жол кырсыгына кабылса, шлем өмүрдү сактап калышы толук ыктымал. Мындан сырткары чыканакка жана тизеге атайын тагылчу жабдууларды да тагынып алган оң.

Жолдо кетип бара жатканда дароо рулду бурбаш керек. Кечкисин жана түнкүсүн жарыкка чагылышып турган кийим кийүү же кандайдыр бир элемент тагынуу сунушталат.

475
Белгилер:
кеңеш, транспорт, велосипед, жол эрежеси
Тема:
Өзүн алып жүрүүнүн эрежеси (42)
Тема боюнча
Жигитине көз артпа. Курбу кыздар ортосундагы этикет
Дарыгер-офтальмолог Өмүрбек Жолдошев. Архив

Жолдошев: көз гимнастикасын жасап, көрүүнү жакшыртууга болбойт

9
(жаңыланган 15:09 02.12.2020)
Дарыгер-офтальмолог Өмүрбек Жолдошев көз булчуңдарынын гимнастикасын жасоо менен көрүүнү жакшыртууга болбой турганын айтты.
Жолдошев: көз гимнастикасын жасап, көрүүнү жакшыртууга болбойт

Азыркы заманда көпчүлүк компьютер менен иштеп, гаджет, телефон тиктеп калышты. Андыктан бир саат сайын 10 мүнөткө стулдан туруп, алысты карап көздү эс алдырып турган оң. Ошол эле маалда көздүн көнүгүүлөрүн жасап туруу абдан пайдалуу. Бул тууралуу Өмүрбек Жолдошев Sputnik Кыргызстан радиосунун эфиринде маек куруп жатып билдирди.

Анын айтымында, компьютер, телефондун жарыгын, экрандын өңүн көздү чарчатпай тургандай кылып аярлап алуу керек.

"Көз ооруларынын ичинен эң көп кездешкени катаракта же көз чечекейинин тунарышы. Бул оору тубаса жана кийин пайда болушу мүмкүн. 65-70 жаштагы кишилердин көбү эле бул илдетке кабылат. Андан тышкары, биздин өлкөдө глаукома — көздүн ички басымынын жогорулашы жана көрүүнүн начарлашы менен мүнөздөлгөн оору менен жабыркаган адамдар өтө эле көп. Ошону менен бирге макулодистрофия — көз торчосу бузулуп, борбордук көрүүнүн начарлашы менен жабыркап келишет. Ал эми көрүүсү начарлап бараткан адамга дарыгер көз айнек тагын десе сөзсүз аны аткарышы керек. Ал эч качан көрүүнү начарлатпайт. Мен бейтаптарыма дайыма көз айнекти угуу аппаратына салыштырып айтып келем. Ал жөн гана көрүүнү жакшыртуучу аспап. Көрүү начарлаганда көз айнек тагынбаса, көздүн булчуңдары чыңалып, мына ошондо көрүү бузулушу мүмкүн", — деди Жолдошев.

Дарыгер көздү нымдандыруучу тамчылатмалардын зыяны жоктугун жана көздүн көрүүсү жакшы болсо витаминдердин кереги жоктугун, туура тамактануу эле жетиштүү экенин кошумчалады.

9
Белгилер:
оору, көз
Тема боюнча
Жолдошев: коронавирус көз аркылуу жугат деген божомолдор бар
Кыргызстандын мурдагы президенти Алмазбек Атамбаев. Архив

Атамбаев ооруп калып бүгүнкү сот отуруму болбой калды

36
(жаңыланган 15:04 02.12.2020)
Бүгүн Биринчи май райондук сотунда Кой-Таш окуясы боюнча мурдагы президенттин иши каралмак. Бирок өзү келбей койду.

БИШКЕК, 2-дек. — Sputnik. Мурдагы президент Алмазбек Атамбаевдин саламаттыгы начарлаганына байланыштуу сотко келген жок.

Бүгүн Биринчи май райондук сотунда Кой-Таш окуясы боюнча Атамабевдин иши каралмак. Сот залына Фарид Ниязов менен Канат Сагынбаев гана алып келинди. Ал эми Алмазбек Атамбаевдин сот отурумун бир жумага жылдырууну өтүнгөн арызы судьяга берилди.

Анда Алмазбек Атамбаев саламаттыгы начарлаганын айтып, сотко келе албай турганын билдирген. Арызга медициналык маалым кат тиркелген. Ал кагазда Атамбаевдин башы айланып, ооруп, жөтөлүп, алсырап жана бели да ооруп жатканы жазылганын судья окуду.

Мурдагы президент жана башка айыпкерлер келбегенине байланыштуу сот отуруму 9-декбарь саат 14:00гө жылдырылды.

36
Белгилер:
Кой-Таш, сот, Алмазбек Атамбаев
Тема:
Алмазбек Атамбаевдин кармалышы
Тема боюнча
Жогорку сот Атамбаев кандай шартта абактан бошотуларын маалымдады
Жактоочу: Алмазбек Атамбаев жакында эркиндикке чыгышы мүмкүн