Аэропорттогу учак. Архивдик сүрөт

Россиядагы мекендештерди кайтаруу үчүн бийлик кандай аракет көрүүдө

172
(жаңыланган 00:06 13.05.2020)
Кыргызстандын Россиядагы элчилигинин берген маалыматы боюнча, ушу тапта 1500дөй КР жараны мекенге кайтууну көздөп жатат.

БИШКЕК, 12-май — Sputnik, Лев Рыжков. 17-майга 400 кыргызстандык учуп келчү Москва — Бишкек каттамы пландаштырылып жатат.

Бүгүн, шейшемби күнү, Кыргызстандын Россиядагы элчилигинин алдына 50дөй КР жараны чогулуп, мекенге кайтарууну талап кылган. Дипөкүлчүлүктүн кызматкерлери аталган рейс менен каалоочулардын баары кете албай турганын билдирди.

Түзүлгөн кырдаал боюнча элчилик түшүндүрмө берди. Маалыматка ылайык, ушу тапта 1500дөй кыргызстандык мекенге кайтууну көздөп жатат.

Биринчи кезекте ким кетет?

Элчилик бүгүнкү күндө кошумча авиарейстерди уюштуруу боюнча иштер жүрүп жатканын, азырынча 17-майга бир каттам пландаштырылганын айтты.

"Эки өлкөнүн элчилиги жана Транспорт министрликтери Москвадан Бишкекке бир каттам ачууга макулдашышты. Россиялыктар да Кыргызстандан өз жарандарын алып кетүүнү чечти", — деди элчиликтин маалымат катчысы Гүлбарчын Байымбетова.

Анын айтымында, алгач 200 орундуу кадимки учак тууралуу сөз болгон.

"Биз "Аэрофлот" компаниясынан абалды туура түшүнүүнү, колунда билети бар көптөгөн кыргызстандык күтүп жатканын эске алууну өтүндүк. Натыйжада бизге 400 орундуу учак беришти", — деди маалымат катчы.

Азыр биринчи кезекте учуп кетчүлөрдүн тизмеси бекитилүүдө.

"Тизмени түзүү боюнча атайын комиссия түзүлдү. Анын курамына элчиликтин, ыкчам штабдын жана диаспора өкүлдөрү кирди. Алгач үйлөрүнө кош бойлуулар, оорулуулар жана кичинекей балдары барлар кетет. Орун аз болгондуктан баласы менен жок дегенде атасын же энесин кетирүү пландалган. Мындан сырткары улгайгандарга да артыкчылык берилет", — деди Байымбетова.

Күзөт кызматы кадимки тартипте

Элчиликтин кызматкерлери нааразы болгон адамдар менен байланышта болуп жатканына ишендиришти.

"Биз аларга чыгып, кырдаалды түшүндүрүп жатабыз. Ээ-жаа бербеген масса жок. Адамдар самолёттун учар маалын сурап жатышат, биз жооп берүүдөбүз. Өкүлчүлүктүн күзөт кызматы кадимки тартипте иштеп жатат", — деди маалымат катчы.

Коронавирус пандемиясынан улам Москвадан Бишкекке каттаган рейстердин баары токтотулган болчу. Бүгүнкү күндө Россиядан Кыргызстанга каттам бир айда бир гана жолу болууда. Акыркы ирет Москвадан Бишкекке учак 29-мартта, Новосибирскиден 22-апрелде учуп келген.

172
Белгилер:
комиссия, каттам, штаб, мекендештер, нааразычылык акциясы, Кыргызстан, Россия, элчилик, учак
Тема боюнча
Россиядан КР жарандарын учак, автобус менен алып келишеби? Элчиликтин жообу
Акыры келмей болушту. Новосибирскидеги кыргызстандыктарга учак табылды
Баланы карап отурган аял. Архивдик сүрөт

Министрлик: баланы карай турган киши болсо бакчага жибербей турган оң

20
(жаңыланган 12:59 05.06.2020)
Билим берүү жана илим министрлиги COVID-19дан улам ата-энелерге балдарды өтө зарыл шартта гана бала бакчага жөнөтүүнү сунуштап жатат.

БИШКЕК, 5-июн. — Sputnik. Пандемия шартында иштеп жаткан бала бакчаларда усулдук ыкмалар өзгөртүлүп, тарбиячылар окутуудан өтөт. Бул туурасында билим берүү жана илим министринин орун басары Надира Жусупбекова Республикалык штабдын жыйынында айтканын өкмөттүн маалымат кызматы билдирди.

Ал тиешелүү алгоритм иштелип чыккандыгын, санитардык-эпидемиологиялык талаптар бекитилгенин баяндаган.

"Биз усулдук ыкмаларды балдар топтошуп ойнобой тургандай кылып өзгөртүп, социалдык аралыкты сактоо эске алынган оюндарды киргизип жатабыз. Кийинки жумада тарбиячылар үчүн окутуулар өткөрүлөт. Ата-энелерге балдарды өтө зарыл шартта гана бала бакчага жөнөтүүнү сунуштайбыз. Эгерде карай турган адам болсо, анда коопсуздук үчүн баланы үйгө эле калтырган оң болот", — деген ал.

Пандемия башталганы кооптуулуктан улам жабылган бала бакчалар лагоритмге ылайык 5-июндан тарта иштей баштаары айтылган.

Бишкекте 87 муниципалдык, 13 ведомстволук жана 218 жеке менчик бала бакча бар.

20
Белгилер:
пандемия, коронавирус, бала бакча, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бала бакча кызматкерлери COVID вирусуна анализ тапшырат
Антисептик жана медициналык бет каптар. Архив

Өкмөт бет кап, антисептик чыгарууну эртелетүүгө жардамдашмай болду

12
(жаңыланган 12:32 05.06.2020)
Өкмөт мамлекеттик органдарга компаниялардын вирустан коргой турчу каражаттарды чыгаруусуна жардамдашканга тапшырма берген.

БИШКЕК, 5-июн. — Sputnik. Ата мекендик компанияларга бет кап жана антисептиктерди чыгарууну эртерээк баштоого көмөктөшүү зарыл. Бул тууралуу Республикалык ыкчам штабдын жыйынында айтылганын өкмөт кабарлады.

Ага ылайык, тиешелүү тапшырма мамлекеттик органдар менен жергиликтүү бийлик органдарына берилген.

Ошондой эле үй карантинин сактоо, коомдук жайларда дезинфекция иштерин жүргүзүү маселелери талкууланган.

"COVID-19 илдети аныкталган бир бейтап инфекцияны шаардын үч ири базарынын биринен жуктурушу божомолдонуп жатканы маалым. Буга байланыштуу муниципалитетке бардык санитардык-эпидемиологиялык чараларды күчөтүү сунушталды. Базарларда вирусту жуктуруунун жогорку тобокелдиги байкалууда, көпчүлүк жарандар бет кап тагынбай, аралыкты сактабай жатышат", — деп айтылат маалыматта.

Бишкек мэриясы калаанын бардык базарларында бирдиктүү стандарт киргизилгенин билдирген. Ага ылайык, мекеменин жетекчилиги санитардык талаптардын сакталышы үчүн жоопкерчилик алат.

12
Белгилер:
жардам, компания, антисептик, бет кап, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бала бакча кызматкерлери COVID вирусуна анализ тапшырат