Караколдогу чиркөө. Архивдик сүрөт

Каракол 2022-жылы КМШнын маданий борбору болушу ыктымал

(жаңыланган 10:10 13.05.2020)
Кечээ, 12-майда, ТИМ башчысы Чыңгыз Айдарбеков КМШ өлкөлөрүнүн Тышкы иштер министрлер кеңешинин онлайн форматындагы жыйынына катышкан.

БИШКЕК, 13-май — Sputnik. Көз карандысыз мамлекеттер шериктештиги өлкөлөрүнүн тышкы иштер министрлери 2022-жылы Кыргызстандын Каракол шаарын КМШнын маданий борбору кылып жарыялоо сунушун колдошту. Бул тууралуу ТИМ кабарлады.

Кечээ, 12-майда, ТИМ башчысы Чыңгыз Айдарбеков КМШ өлкөлөрүнүн Тышкы иштер министрлер кеңешинин онлайн форматындагы жыйынына катышкан.

Анда министрлер алдыда боло турчу КМШнын өлкө жана өкмөт башчылар кеңешинин жыйыны жана анын күн тартибине басым жасашты. Онлайн-чогулушта КМШ өлкөлөрүнүн тышкы саясий ведомстволорунун башчылары 2021-2030-жылдарга стратегиялык долбоорлорун, алардын ичинде жаштар боюнча кызматташтык, туризм, дене тарбия жана спортту өнүктүрүү долбоорлорун жактырышты.

"Делегация жетекчилери Кыргызстандын 2022-жылы Каракол шаарын КМШнын маданий борбору деп жарыялоо сунушун колдошту", — деп айтылат билдирүүдө.

Кеңештин мүчөлөрү коопсуздукту камсыз кылуудагы кызматташууну бекемдөөгө багытталган бир катар документтерди да карашкан. Анын ичинен аскердик кызматташуу жана КМШ өлкөлөрүнүн чек араларындагы кризистик кырдаалды жөнгө салуу үчүн атайын бөлүктөрдү түзүү боюнча документтердин долбоорлору жактырылган.

"Айдарбеков коронавирус пандемиясы менен күрөшүүдө биргелешкен аракеттерди көрүү сунушун айтты. Ал кесиптештерине оор кырдаалга туш болгон кыргызстандык мигранттардын абалына көңүл буруп, аларга жардам, колдоо көрсөтүү суранычы менен кайрылды", — деп жазылган маалыматта.

Тышкы иштер министрлеринин кийинки жыйынын ушул жылдын 15-октябрында Өзбекстандын Ташкент шаарында өткөрүү пландалууда.

Белгилер:
КМШ, Чыңгыз Айдарбеков, жыйын, онлайн, Тышкы иштер министрлиги, Кыргызстан
Тема боюнча
Айдарбеков: май айында дагы миң кыргызстандык мекенине алып келинет
Бишкек шаарындагы эмен багы. Архив

Шаршембиге карата аба ырайы

Абанын температурасы жогорулаганына жана күтүлүп жаткан жаан-чачынга байланыштуу республиканын тоолуу райондорунда кар көчкү түшүү коркунучу бар.

БИШКЕК, 13-апр. — Sputnik. Шаршембиде күндүз өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +19…+24, Талас жергесинде +18…+23, Ош, Жалал-Абад, Баткен аймактарында +20…+25, Ысык-Көл, Нарын өрөөндөрүндө +14…+19 градус жылуу болот.

Бишкек жана Ош шаарларында жаан-чачын болбойт. Күндүн табы борбордо +19…+24, Ош шаарында +23…+25 градус болору болжолдонду.

Белгилер:
Кыргызстан, аба ырайы
Тема боюнча
Кайра суук болбойбу? Бир жумага карата аба ырайы
Абхазиянын номери тагылган унаа. Архив

Министрлик: Абхазиянын номери тагылган унааларды мамлекет алып коюшу мүмкүн

(жаңыланган 20:04 13.04.2021)
Кыргызстандын аймагына Абхазиянын номери тагылган унааларды алып кирүү жана эксплуатацияга берүү ЕАЭБдин бажы нормалары боюнча мыйзамдарын бузууга жатат.

БИШКЕК, 13-апр. — Sputnik. Абхазиянын номери тагылган унаалар бажы көзөмөл аймагындагы убактылуу сактоочу кампага киргизилет. Бул тууралуу Экономика жана финансы министрлигинен кабарлашты.

Ведомстводон билдиришкендей, Кыргызстандын аймагына Абхазиянын номери тагылган унааларды алып кирүү жана эксплуатацияга берүү мыйзам бузууга жатат.

"Чет элдик жарандар ЕАЭБдин аймагына үчүнчү өлкөлөрдүн жеке колдонуусу үчүн унаасын ала келсе болот. Бирок андай машинаны КРдин аймагында колдонууга бир жыл гана убакыт берилет", — дешти министрликтен.

Киргизилген унааларды ЕАЭБдин аймагында үчүнчү тараптарга сатууга жол берилбейт. Декларант анын атына жазылган унааны өзү гана айдашы керек.

Эске салсак, буга чейин Кыргызстандын аймагынан бажычылар Жол кыймылы коопсуздугун камсыздоо башкы башкармалыгынын инспекторлору менен биргеликте Абхазиянын номерлерин тагып жүргөн 10 автоунааны кармаган.

Белгилер:
Евразиялык экономикалык биримдик, мыйзам бузуулар, унаа, Абхазия, Кыргызстан
Тема боюнча
Бишкекте Абхазиянын номери тагылган автоунаалар кармалууда
ЕАЭБ аймагында өзү өччү чылым пайдалануу сунушталып жатат