Тажикстан менен чек аралаш Максат айылындагы турак-жайлардын көрүнүшү. Архив

Баткендеги чек аралаш айылдарга 314 млн. сом бөлүнгөн. Акча кайда жумшалды

235
(жаңыланган 11:40 13.05.2020)
Өкмөт башчы чек арага жакын аймактарды өнүктүрүү боюнча чоң мамлекеттик программа бар экенин белгиледи.

БИШКЕК, 13-май — Sputnik. Кыргыз өкмөтү былтыр чек аралаш аймактарды өнүктүрүүгө 349 миллион сом жумшады. Бул туурасында премьер-министр Мухаммедкалый Абылгазиев парламентте 2019-жылга карата өкмөттүн отчетун берип жатып билдирди.

Аталган сумманын 314,2 миллион сому Баткен облусуна бөлүнгөн. Өкмөт башчы чек арага жакын аймактарды өнүктүрүү боюнча чоң мамлекеттик программа бар экенин белгиледи. 

“Мамлекеттик программаларды аткаруунун алкагында 137 миллион сом пландаштырылып, 23 иш-чара 129 миллион сомго аткарылды. Анын ичинде Кулунду — Арка автоунаа жолуна эки чакырым, Көк-Сай — Ак-Таш жолуна 7 чакырым асфальт төшөлдү. 30 миллион сомго Ак-Сай — Рават жолунун 25 чакырымы жасалды. Ворухту айланып өткөн Ак-Сай — Тамдык жолунун 12 чакырымына 70 миллион сомдук долбоор жасалууда. 50 миллион сомго Ак-Сайда 200 гектар жерге суу жеткирилүүдө. Ак-Турпак айыл аймагында суу жээктерин бекемдөө иштери жүргүзүлдү”, — деди Абылгазиев.

Мындан сырткары, төрт бала бакча, бир ФАП, бир спорт зал курулуп жатканын, жакында Ак-Сайдагы бир мектеп оңдоло турганын кошумчалады. Анын менен катар чек арага жакын айылдардын мектеп бүтүрүүчүлөрүнө жогорку окуу жайлардан 161 гранттык орун берилген.

Ал эми өткөн жылы кыргыз-өзбек чек арасынын 23 чакырым жерине тикенектүү зым тартылган.

235
Белгилер:
өнүктүрүү, айыл, Баткен, чек ара, Мухаммедкалый Абылгазиев
Тема боюнча
Өкмөт чек арага жакын 18 айылга өзгөчө макам берүүнү карап жатат
Былтыр Кыргызстанда канча алтын казылып, канча акча түшкөнү белгилүү болду
Уктап жаткан кыз. Архив

Дем алуу көнүгүүсүн жасап бир мүнөттө уктап калса болот. Адистин кеңеши

5
Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

5
Белгилер:
кеңеш, көнүгүү, уйку
Тема боюнча
COVID-19дан кийин мээни кантип калыбына келтирүү керек? Неврологдун кеңеши
Рактын этибар албаган беш белгиси аталды
Бутакта конуп турган чымчык. Архив

Жаздын биринчи күнүнө карата аба ырайы

21
Дүйшөмбүгө караган түнү жаан-чачын күтүлбөйт. Өлкө аймагында жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-фев. — Sputnik. 1-мартта күндүз республика боюнча күн ачык болот. Бул тууралуу Кыргызгидромет маалымдады.

Абанын температурасы Чүй, Талас, Ош, Жалал-Абад жана Баткен облустарында +8..+13, Ысык-Көлдө +2...+7, Нарын жергесинде -3...+2 градус болот.

Бул күнү термометр Бишкекте +8...+10, Ошто +10...+12 градуска көтөрүлөт.

21
Белгилер:
Кыргызстан, аба ырайы
Тема боюнча
Күн качан жылыйт? Жаздын алгачкы жумасына карата аба ырайы