Турак жайдагы өрт. Архив

Табигый кырсыктан үйү жабыркаган канча киши акча алды. Камсыздандыруунун төрт жылы

682
(жаңыланган 18:21 13.05.2020)
Кыргызстанда төрт жылдан бери турак жайлар камсыздандырылып келет. Бул турак жай өрттөн жана табигый кырсыктын кесепетинен жабыркаганда "Мамлекеттик камсыздандыруу уюму" ордун толтуруу үчүн каражат бөлөт деген сөз.

Турак жайды милдеттүү камсыздандыруу тууралуу түшүнүк киргенден тарта, тагыраагы, 2016-жылдан бери, өлкөдө канча үй камсыздандырылып, канчасына акча бөлүнгөндүгү тууралуу Sputnik агенттиги билип көрдү. Суроолорго өкмөт негиздеген "Мамлекеттик камсыздандыруу уюму" ачык акционердик коому жооп берди.

Турак жайды милдеттүү камсыздандырган мамлекеттик бир гана уюм бар

Мыйзам боюнча Кыргызстандын аймагында турак жайларды милдеттүү камсыздандыруунуну лицензиясы бар мамлекеттик уюм ишке ашырат. Учурда бул ишти жападан жалгыз "Мамлекеттик камсыздандыруу уюму" жасап келет. Тагыраагы, азырынча үй-жайды камсыздандырган башка мамлекеттик же менчик компания жок.

Мамлекеттик камсыздандыруу уюмунун облустарда жети филиалы жана район менен шаарларда 56 инспектордук бөлүмү менен ар бир айыл өкмөттө 400гө жакын агенттери иш алып барат.

Учурда канча үй камсыздандырылган?

Мамлекеттик каттоо кызматынын маалыматына ылайык, өлкө боюнча бир миллиондон ашык турак жай бар. Анын ичинен 854 миңден ашыгы жеке турак жай, 320 миңден ашыгы батир.

Келишим бир жылга түзүлөт. Азыркы тапта уюмдун 86 910 объектиге жоопкерчилиги бар. Анын 5097си жеңилдетүү менен камсыздандырылгандар. 2020-жылдын биринчи кварталында (алгачкы үч айында) 18 183 турак жай камсыздандырылган. Уюм турак жайды камсыздандыргандардын саны жылдан-жылга өсүп жатканын белгиледи.

Учурда канча кишиге каражат төлөнгөн?

Мамлекеттик камсыздандыруу уюму 2016-жылдын февраль айында ишин баштагандан бери турак жайлары өрттөн жана табигый кырсыктардан жабыр тарткан 404 жаранга 32 миллион 606 миң сомдон ашык каражат төлөп берген. Ал эми ушул жылы 57 кишиге 3 миллион 138 миң сомдон ашык акча берилген.

Ошондой эле учурда Баткен жана Нарын облусундагы жаратылыш кырсыктарынан жабыркаган үйлөр боюнча документтер чогултулуп, тийиштүү иш жүрүп жатканы айтылды. 

Мамлекеттик камсыздандыруу уюмунун мүмкүнчүлүктөрү

Учурда уюмдун фондунда (уставдык капитал) 340 миллион сомдон ашык акча каражаты бар. Анын 270 миллиону өкмөт тарабынан берилсе, ал эми 70 миллионун уюм ишмердүүлүгүнүн негизинде топтогон. Мекеме бул жарандар турак жайын өз убагында камсыздандырса жардам бергенге толук мүмкүнчүлүк бар дегенди билдире турганын белгиледи.

Турак жайды камсыздандырбагандар жоопкерчиликке тартылабы? 

Турак жайды камсыздандыруу жарандардын милдети болуп саналат. Ошол эле учурда бул милдетти аткарбагандарга карата мыйзамда эч кандай жоопкерчилик каралган эмес. Бирок эгерде үй ээси өз мүлкүн камсыздандырбаган болсо жана ал үй табигый кырсыктан улам талкаланып калса, анда мамлекет тарабынан жабырлануучуга жардам берилбейт.

Кандай турак жайлар камсыздандырылбайт?

  • авариялык абалдагы;
  • ыйгарым укуктуу орган бузуу жөнүндө чечим кабыл алган турак жайлар;
  • милдеттенмелер боюнча өндүрүп алуу чегерилген;
  • жер тилкесинин алынып коюлушуна байланыштуу менчиктен ажыратылуучу үйлөрдө (курулуштарда) жайгашкан;
  • техникалык талаптарды бузуу менен курулган;
  • конфискацияланууга жаткан.

Ошондой эле турак жай аскердик, террордук, ар кандай көтөрүлүштөрдүн же дагы башка уруштардын натыйжасында талкаланса төлөм жүргүзүлбөйт. Камсыздандырылчу тизмеге кирбеген кырсыктардан улам жабыркаса же жарандар атайын бузса акча берилбейт.

Камсыздандырууга төлөй турчу акча

Турак жайды камсыздандыруу үчүн шаар жергесинде жылына 1200 сомдон, айыл жергесинде 600 сомдон төлөөгө милдеттендирилген. Калктын социалдык аяр катмары, согуш ардагерлери, Чернобылдагы кырсыктын катышуучулары, майыптар жана жалгыз бой жашагандарга жеңилдик каралган.

Камсыздандыруу суммасы

Камсыздандыруу окуясы катталган учурда шаардыктар бир миллион сомго чейин алат, ал эми айыл жериндегилерге 500 миң сомго чейин берилет.

Камсыздандыруу окуясы катталгандан кийин кайсы документтер талап кылынат?

Жабырлануучу беш календардык күндөн кеч эмес убакытта камсыздандыруучуга окуя тууралуу билдирип, төмөнкү документтерди даярдоосу шарт:

  • камсыздандыруу полисинин көчүрмөсү;
  • камсыздандыруу окуясы жөнүндө акт;
  • компетенттүү мамлекеттик органдардын камсыздандыруу окуясынын болушун ырастаган документтери;
  • камсыздандырылуучунун паспортунун көчүрмөсү (жеке жак үчүн), уюштуруу документтери, каттоо жөнүндө күбөлүк жана өкүлгө берилген ишеним каттын түп нускасы (юридикалык жак үчүн).

Бирок мамлекеттик камсыздандыруу уюму республика боюнча турак жайлардын азынын гана техникалык паспорту бар экенин белгилейт. Андан тышкары, бул мыйзам социалдык долбоор болгондугуна байланыштуу турак жайды камсыздандырууда техникалык паспорту жокторду кадастрдык план, инвентардык иш кагазы жана айыл өкмөттүн справкалары менен камсыздандырса болорун белгиледи.

Документтер канча күндө каралат?

Бардык документтер алынган учурдан тартып отуз календардык күндүн ичинде каралат. Бул мөөнөттүн ичинде камсыздандыруучу жабырлануучуга каражат төлөй баштайт же баш тарткан билдирмени жөнөтөт.

682
Белгилер:
уюм, өрт, табигый кырсык, каражат, камсыздандыруу, Кыргызстан
БУУнун Адам укуктары боюнча жогорку комиссары Мишель Бачелет. Архив

БУУнун жогорку комиссары өкмөттүн чек арадагы жаңжалды жөнгө салуусун кубаттады

77
(жаңыланган 00:02 06.05.2021)
Эл аралык уюмдун Адам укуктары боюнча жогорку комиссарынын башкармалыгы чек арадагы кырдаалды башынан бери кылдаттык менен байкап келе жаткандыгын билдирген.

БИШКЕК, 5-май — Sputnik. Кыргызстандын БУУдагы жана башка эл аралык уюмдардагы туруктуу өкүлү, Женевада иш алып барган Данияр Мукашев БУУнун Адам укуктары боюнча жогорку комиссары Мишель Бачелет менен жолугушту. Бул тууралуу ТИМ кабарлады.

Ага ылайык, Мукашев кыргыз-тажик чек арасында болгон куралдуу жаңжал жана учурдагы кырдаал жөнүндө кеңири маалымат берди.

Туруктуу өкүл кагылышуунун натыйжасында өлкөдөн 36 жаран каза болгондугун, басымдуу бөлүгү карапайым эл экенин, анын ичинде эки бала (5 жана 12 жашта) бардыгын белгилеген. Ошондой эле 160 адам жаракат алып, 30 миңге жакын киши жашаган жерин таштап кетүүгө аргасыз болуп, объектилер кыйраганын айткан.

Мукашев кыргыз тарап чек ара маселелерин аскер күчү менен чечүүнү жактабай келгендигин жана талаш маселелерди тынчтык жолу менен жөнгө салууну биринчи орунга коёрун билдирген.

Мишель Бачелет БУУнун Адам укуктары боюнча жогорку комиссарынын башкармалыгы (АУЖКБ) кыргыз-тажик чек арасындагы кырдаалды башынан бери кылдаттык менен байкап келе жаткандыгын айткан. Ал ошондой эле кыргыз өкмөтүнүн чыр-чатакты тынчтык жолу менен жөнгө салуу жана анын курчуп кетишине жол бербөө боюнча аракеттерин кубаттаган.

Мындан сырткары, АУЖКБ эки мамлекеттин чек арасындагы кырдаалга байкоо жүргүзүп турарына ишендирген.

77
Белгилер:
Жаңжал, чек ара, ТИМ, БУУ, Кыргызстан
Тема:
Баткендеги кыргыз-тажик жаңжалы
Тема боюнча
Чек арадан көзүн албаган "Шер" атайын отрядынын спецназы. Фотофакт
Баткенге башчы болгон Абдикарим Алимбаев алгач "Головнойго" барды. Сүрөт
ИИМдин Ички аскерлеринин Шер атайын дайындоодогу отрядынын аскери

Чек арадан көзүн албаган "Шер" атайын отрядынын спецназы. Фотофакт

431
(жаңыланган 22:33 05.05.2021)
Сүрөттө ИИМдин Ички аскерлеринин "Шер" атайын дайындоодогу отрядынын аскери Баткендеги мамлекеттик чек араны кайтарып турат.

Сүрөттү Sputnik Кыргызстан агенттигинин фотокабарчысы Табылды Кадырбеков тартып алган.

Солдат отряда специального назначения ШЕР на кыргызско-таджикской границе в Баткенской области
© Sputnik / Табылды Кадырбеков
Сүрөттү Sputnik Кыргызстан агенттигинин фотокабарчысы Табылды Кадырбеков тартып алган

Белгилей кетсек, кыргыз-тажик чек арасындагы жаңжалда "Шердин" спецназдары "Головной" суу бөлүштүрүүчү жерин кошумча күч келгенче алты саат бою позициясын бербей коргоп турганы белгилүү болду.

Солдат отряда специального назначения ШЕР на кыргызско-таджикской границе в Баткенской области
© Sputnik / Табылды Кадырбеков
Белгилей кетсек, кыргыз-тажик чек арасындагы жаңжалда "Шердин" спецназдары "Головной" суу бөлүштүрүүчү жерин кошумча күч келгенче алты саат бою позициясын бербей коргоп турганы белгилүү болду
431
Белгилер:
сүрөт, кайтаруу, чек ара, спецназ, Аскер, ИИМ, Баткен
Тема:
Баткендеги кыргыз-тажик жаңжалы
Тема боюнча
12 адам жашынган жеринде жан берген. Кандуу окуянын очогу “Головнойдон” кадрлар
Садагам кызым, периштем... Мадинаны жоктоп кан жуткан ата-эненин күйүтү
Катуудан казаны, жумшактан күлү... Кан төгүлгөн чек ара жаңжалынан 18 ирмем
Прездинет Садыр Жапаров Казакстандын президенти Касым-Жомарт Токаев менен. Архив

Токаев Жапаровду жаңы Конституциянын кабыл алынышы менен куттуктады

0
(жаңыланган 00:49 06.05.2021)
Токаев Казакстан Кыргызстандын стратегиялык өнөктөшү жана союздашы катары ар тараптуу колдоо көрсөтүүгө даяр экенин билдирди.

БИШКЕК, 6-май — Sputnik. Казакстандын президенти Касым-Жомарт Токаев кесиптеши Садыр Жапаровду жаңы Конституциянын кабыл алынышы менен куттуктады. Бул тууралуу Акорданын сайтында жазылган.

Казакстандын лидери жиберген куттуктоо телеграммасында Нур-Султан Бишкекке ар тараптуу колдоо көрсөтүүгө даяр экендиги айтылат.

"Эл тарабынан колдоого алынган Баш мыйзам Кыргызстанды өнүктүрүүнүн, суверендүүлүгүн коргоонун жана коомду андан ары консолидациялоонун узак мөөнөттүү стратегиясынын негизин түзөт. Сиздин демилге жана реформаларыңызды ийгиликтүү ишке ашыруу кыргыз мамлекеттүүлүгүн бекемдөөгө, өлкөнүн эл аралык аренада кадыр-баркын жогорулатууга өбөлгө түзөт. Казакстан Кыргызстандын стратегиялык өнөктөшү жана союздашы катары мындан ары дагы ар тараптуу колдоо көрсөтүүгө даяр", — деп айтылат билдирүүдө.

Жыйынтыгында Токаев Жапаровго кыргыз элинин бакубаттуулугу жана келечеги үчүн жооптуу миссиясында чоң ийгиликтерди каалады.

Садыр Жапаров 5-майда жаңы Конституцияга кол койду. Анын алкагында кыргыз өкмөтү министрлер кабинети болуп өзгөрдү

0
Белгилер:
Садыр Жапаров, Касым-Жомарт Токаев, Казакстан, Кыргызстан
Тема:
Жаңы Конституциянын долбоору жана референдум
Тема боюнча
Көбү ордунда калды. Министрлер кабинетинин мүчөлөрүнүн тизмеси
Кыргыз өкмөтү министрлер кабинети болуп өзгөрдү. Жапаров жарлыкка кол койду