Бейтап жана медициналык кызматкерлер шаардык клиникалык ооруканада. Архив

Нарын: бүлөсү менен COVID-19га кабылган медик, милиционерлер көбөйдү. Чоо-жайы

3866
(жаңыланган 15:49 16.05.2020)
Азыркы тапта Нарын шаарында COVID-19 жуктурган 57 бейтап дарыланууда. Алардын көбү медиктер, милиция кызматкерлери.

БИШКЕК, 16-май — Sputnik. Нарын шаарында жергиликтүү жашоочулар эмес, коронавируска каршы күрөшүп жаткан кызматкерлерден оору көп катталууда. Бул тууралуу шаар мэри Нурбек Молдокадыров брифинг учурунда билдирди.

Анын айтымында, азыркы тапта калаадагы ооруканада COVID-19 жуктурган 57 бейтап дарыланууда. Анын арасында медиктер, милиция кызматкерлери жана алардын үй-бүлөсү бар.

"Учурда коронавируска кабылган 15 медик ооруканада жатат. Алардын үй-бүлө мүчөлөрүнөн сегиз адамга жуккан. Ички иштер органдарынын дагы 15 кызматкери бар, алардын 10 үй-бүлө мүчөсүнөн COVID-19 табылды", — деди Молдокадыров.

Ал төрөт үйдө коронавирус чыккан чуу боюнча да айтып берди.

"Тилекке каршы, төрөт үйүндөгү медиктер жана ал жерде жаткан аялдардын арасында дагы 13 учур катталып калды. Сегизинен төрөт үйүнөн чыга электе, бешөөнөн үйүнө кеткенден кийин аныкталды. Ошондой эле долбоор менен иштеп жаткан бир курулуш кызматкер вируска кабылган. Анын үй-бүлөсүнүн анализи таза чыкты", — деди Молдокадыров.

Учурда Нарын шаарында обсервацияда 16 адам жатат. Коронавируска кабылгандар менен байланышта болгон 279 адам үй карантинге алынган.

Белгилей кетсек, Нарын облусундагы кырдаалды саламаттык сактоо министринин орун басары Мадамин Каратаев башында турган комиссия иликтеп жатат. Жергиликтүү дарыгерлерге жардам берүү үчүн Бишкектен Нарынга медиктердин тогузунчу тобу жиберилди.

Коронавирустун кесепети

Кыргызстанда 16-майга карата коронавируска кабылгандардын саны 1117ге жетип, анын ичинен 783ү айыгып чыкты. Тилекке каршы, 14 бейтап каза болуп калды.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагына карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

3866
Белгилер:
мэр, жуктуруу, медик, милиция, Нарын, коронавирус
Тема:
Кыргызстандагы коронавирус жуктуруп алгандар (896)
Тема боюнча
Нарында COVID табылган 15 адамдын көбү жаңы төрөгөн келиндер

Кыргыз-казак чек арасындагы тыгын. Айдоочулардын көйгөйүн баяндаган видеорепортаж

7
Кыргыз-казак чек арасы. Бишкек — Торугарт жолу менен калаадан чыгып баратканда жүк ташуучу автоунаалардын узун кезеги алыстан көзгө даана көрүнөт. Кезек күткөн айдоочулардын көбү Казакстандан Кыргызстанга товар алып келип, кайра кете албай калгандар.

Казакстанга кирүү май айынын аягынан тарта кыйындай баштаган. Акыркы үч күн ичинде коңшу мамлекетке саналуу эле айдоочу кирген. Бирок 3-июндан тарта кыймыл бир аз жанданып, жүк ташыгандар чекесинен өтө баштаган.

Баарынан да тез бузулуп кетчү азыктарды ташыган айдоочулар санааркап жатышат. Жашылча-жемиштери чирип кетпеш үчүн күнү-түнү автоунаанын муздаткычтарын өчүрбөй жаткандыктарын айтышты.

"Россияга 22 тонна сабиз алып бара жаткам, тыгында турганыма үч сутка болду. Күн болсо кайнап, көчөдө 35 градус ысык. Көлөкө жок, талаада 40 градус ысыктай эле сезилип атат. Кондиционер жок болсо сабиз биринчи күнү эле чирип кетмек. Жашылча соолубай турсун деп муздаткыч иштеттим. Ага эле май сатып алганга алты миң сомдой чыгым болдум. Бул чыгымды эч ким төлөп бербейт. Эгер соолуган сабиз алып барсам, анда мага акча да төлөп беришпейт", — деди айдоочулардын бири Умар Ханмончи.

Ысыктын күнү кезек күтүп Умарга окшоп тургандар жүздөп саналат. Алардын баары өз акчасына күйүүчү май алып, кайсы маалда өткөрүп жиберет деп уйку бетин көрбөй кезегин күтүп турган чактары.

Мамлекеттик чек ара кызматынын маалыматы боюнча, азыркы тапта "Ак-Тилек" жана "Чон-Капка" өткөрмө пункттары гана иштеп жатат. Жүк ташуучу автоунаалардын узун кезегине ушул да себеп болушу ыктымал.

"Автоунаалар дезинфекциядан өтүп, айдоочулардан коронавируска анализ алып жатышат. Муну да эске алыш керек. Кыргыз тарап автоунааларды тез өткөрүү үчүн болгон күчүн жумшап жатканын баса белгилеп кетели", — дешти чек ара кызматынан.

Кыргызстандын жүк ташуучулар ассоциациясынын башчысы Темирбек Шабданалиев буга пандемиянын деле тиешеси жок деп эсептейт.

"Бул көйгөйгө үч жыл болду. Коронавирус Кыргызстан, Казакстанда пайда болгонго чейин эле айдоочулар чек арадан өтө албай 4-5 күндөп турушчу. Баарынан да үч суткалап тургандарга жаман болду. Дагы жакшы аларга жакын жашаган аймактагылар бекер тамак-аш алып келип берип жатышат", — деди Шабданалиев.

Кыргызстандын Экономика министрлигинин кызматкерлери жүк ташуучу автоунаалардын айдоочулары менен жолукканын айтып, алардын көйгөйүн укканын билдиришти.

"Жүк ташуучулардын ассоциация өкүлдөрү менен вице-премьер Эркин Асрандиев жолугат. Мындан тышкары казак тарап менен дагы сүйлөшүүлөр жүрөт. Ал жактан чечим кабыл алынгандан кийин гана жыйынтыгын билдире алабыз", — дешти маалымат кызматынан.

Экономика министрлигинин маалымат катчысы эксперттер көйгөйдү чечүү жолун издеп жаткандыктарын кошумчалады.

7
Белгилер:
жүк, айдоочу, чек ара, Казакстан, Кыргызстан
Тема боюнча
Казакстанга өткөрчү "Акжол" бекетинде ремонт качан бүтөрү айтылды
Мектеп бүтүрүүчүсүнүн аттестаты. Архив

Мугалим аттестатка акча сураса чалгыла! Мэрия вице-мэрдин телефонун жарыялады

32
(жаңыланган 22:03 03.06.2020)
Эгер аттестат жоголуп кетип же башка бир себептерден улам керек болуп калса, дубликатты 41 сомго, сырты менен кошкондо 61 сомго алса болот.

БИШКЕК, 3-июн. — Sputnik. Аттестаттар акысыз берилет, эгерде мектепте мугалимдер ата-энелерден кошумча акча сураса, вице-мэрдин түз өзүнө чалгыла. Бул кабарды мэриянын маалымат кызматы таратты.

"Урматтуу, ата-энелер жана балдар! Эгер силерден же тааныштарыңардан мектеп кошумча акы талап кыла турган болсо, дароо шаардын вице-мэри Татьяна Кузнецованын 0554 312038 номерине чалып же ушул эле WhatsApp номерине видео, сүрөт фактыларын жибергиле", — деп айтылат маалыматта.

Мэрия социалдык тармакта мугалимдер ата-энелерден аттестатка акча сурап жаткандыгы тууралуу маалыматтар тарагандыгын айтып, бул вице-мэр Татьяна Кузнецованын жеке көзөмөлүндө болорун эскертти.

"Аттестаттар акысыз берилет. Эгер ал документ жоголуп кетсе же башка бир себептерден улам керек болуп калса, дубликатты 41 сомго, сырты менен кошкондо 61 сомго алса болот. Анын акысы банк аркылуу гана төлөнөт", — деп эскертти мэриядан.

Муниципалитет мектеп жетекчилиги, мугалим, бала бакча кызматкерлери окуучу, ата-энеден акча сурап, талап кылууга укугу жок экенин кошумчалады.

Аттестаттар акысыз берилерин буга чейин Билим берүү жана илим министрлиги да эскерткен.

32
Белгилер:
мектеп, окуучулар, акча, аттестат, Бишкек мэриясы, Бишкек, Кыргызстан
Тема боюнча
Министрлик бүтүрүүчүлөр аттестатты акысыз аларын эскертти