Жогорку соттун залы. Архив

Кыргызстандын жети облусунда 22 судья ротацияланды. Тизме

412
(жаңыланган 22:27 16.05.2020)
Кыргызстанда 2010-жылдан бери сот системасын реформалоо жүрүп келет. Соңку жылды эле алсак, Финансы министрлигинин маалыматы боюнча бюджеттен 2 миллиард сомдон ашык акча каралган.

БИШКЕК, 16-май — Sputnik. Кыргызстанда айрым жергиликтүү соттордун судьялары ротация болду. Бул тууралуу президенттин маалымат кызматынан билдиришти.

“Президенттин бир нече Жарлыгы менен райондор аралык соттордун судьяларын кызмат орундарынан бошотуу менен алардын калган мөөнөтүн административдик сотто улап кетүү үчүн судьялар ротацияланды”, — деп айтылат билдирүүдө.

Эске салсак,  Кыргызстанда 2010-жылдан бери сот системасын реформалоо жүрүп келет. Финансы министрлигинин маалыматы боюнча, бюджеттен ага 2016-жылы — 1,2 миллиард сом, 2017-жылы — 1,3 миллиард, 2018-жылы — 1,6 миллиард сом, 2019-жылы 2 миллиард сомдон ашык акча жумшалган.

Төмөнкү фемида өкүлдөрү ротацияланган:

Чүй облусунда:

  • Асанов Эрлан Жекшенбекович;
  • Ахметова Айнура;
  • Курманов Ашырбек Такишович;
  • Осмонова Шааркүл Келдибековна;
  • Султаналиев Нурлан Туруспекович;

Бишкек шаарында:

  • Алымкулов Айдарбек Бекишович;
  • Абдыкадыров Куралбек Амантаевич;
  • Досмамбетова Чолпон Моңолдоровна;
  • Эгембердиева Анар Раимжановна;
  • Эшалиев Азис Маратович.

Ош облусунда:

  • Абдыкадырова Зарина Омаровна;
  • Досалиев Акылбек Кубатбекович;
  • Сарыбаев Бакыт Абдылдаевич.

Жалал-Абад облусунда:

  • Каипова Нурила Кочкоровна;
  • Мажитов Бакытбек Өмүрзакович.

Ысык-Көл облусунда:

  • Даркимбаев Таалайбек Кадралиевич;
  • Тагаев Мелис Муктарович.

Баткен облусунда:

  • Жаманкулов Мелис Раимбердиевич;
  • Туленбаев Таирбек Абдумаликович;

Талас облусунда:

  • Ибраимов Темирбек Маданбекович;
  • Нартаев Нурман Канатбекович;

Нарын облусунда:

  • Чагалдакова Махабат Бекболотовна.

Маалыматка караганда,  2018-2040-жылдары сот адилеттигине тоскоолдуксуз жетүү жана сот системасындагы ашыкча тепкичтерди жок кылуу үчүн райондор аралык сотторду административдик сотторго алмаштыруу жөнүндө сунуштары макулдашылган. Кийин бул сунуш тиешелүү мыйзам долбоорунун курамында Жогорку Кеңеш тарабынан кабыл алынган.

Аталган мыйзамда жергиликтүү соттордун түзүмүндөгү “Райондор аралык” деген түшүнүктү “Административдик” деп алмаштыруу каралган. Мында кайра уюшулган деп түшүнүүгө болот жана “Судьялардын статусу жөнүндөгү” конституциялык мыйзамдын 23-беренесине ылайык, мурдагы райондор аралык соттордо иштеп жаткан судьялар КР Судьялар кеңешинин сунушу боюнча алардын ыйгарым укуктарынын калган мөөнөтүнө карата административдик сотторго ротацияланат.

412
Белгилер:
жарлык, ротация, сот, Сооронбай Жээнбеков, Кыргызстан
Тема боюнча
Президент Аалы Туткучев баштаган сыймыктуу уул-кыздардын энелерин сыйлады. Сүрөт
Жоопкерчилик каралат! Боронов Нарындагы абалды турукташтырууга үч күн берди
Кыргызстандын желеги жана акча. Архивдик сүрөт

Тышкы карыз көйгөйү кантип чечилет? Жээнбековдун сунуштарына түшүндүрмө

29
(жаңыланган 18:08 29.05.2020)
Эске салсак, 28-майда "Коронавирус мезгилинде жана андан кийин өнүгүүнү каржылоо боюнча жогорку деңгээлдеги иш-чара" аттуу эл аралык онлайн форматындагы форумга Кыргызстан да катышкан.

БИШКЕК, 29-май — Sputnik. Президент аппаратынын тышкы саясат бөлүмүнүн башчысы Данияр Сыдыков 28-майда өткөн эл аралык форум боюнча өз оюн билдирип, президенттин сунуштарына түшүндүрмө берди. Бул тууралуу президенттин маалымат кызматы кабарлады.

Каржы министри Бактыгүл Жээнбаеванын архивдик сүрөтү
© Пресс-служба президента КР / Султан Досалиев
Эске салсак, 28-майда "Коронавирус мезгилинде жана андан кийин өнүгүүнү каржылоо боюнча жогорку деңгээлдеги иш-чара" аттуу эл аралык онлайн форматындагы форумга Кыргызстан да катышкан. Анда Сооронбай Жээнбеков тышкы карызды чечүүнүн үч этабын сунуштаган. Биринчи этабында "тышкы карызды терең реструктуризациялоо зарыл" деп жазылып турат.

Сыдыков карызды реструктуризациялоо маселесине токтолгон.

"Карызды реструктуризациялоо — өкмөт белгилүү бир долбоорду жүзөгө ашырып, аны каржылап, өзүнүн бюджеттик каражаттарын бөлүп берет дегенди түшүндүрөт. Ал эми тышкы карызды берген өнөктөш өлкө карыздарын кечет. Мунун баары тиешелүү келишим менен даярдалат", — деди Сыдыков.

Президенттин аппаратынын тышкы саясат бөлүмүнүн башчысы өкмөт жакын арада бул маселе боюнча конкреттүү сунуштарды даярдап, өзүнүн көз караштарын билдирет деп кошумчалады. Ошондой эле тышкы карызды терең реструктуризациялоо жаатында өнөктөш мамлекеттер менен сүйлөшүүлөр жүрөт деген ишенимин билдирди.

"Дүйнөдө мындай тажрыйбалар колдонулуп келет жана бул кадыресе көрүнүш", — деди Сыдыков.

Февраль айына карата берилген маалымат боюнча, Кыргызстандын мамлекеттик карызы 4,6 миллиард доллар. Анын ичинен 3,9 миллиарды — тышкы карыз.

29
Белгилер:
сунуш, форум, Тышкы карыз, Сооронбай Жээнбеков, Кыргызстан
Тема боюнча
Быйыл Кыргызстан тышкы карызын кайсы валюталар менен төлөйт
Гүлдөгөн талаа. Архив

Министр: 1-июндан тарта кыргызстандыктар тоо, капчыгай, көлгө бара баштаса болот

52
Министр тоого же көлгө эс алууга барчуларга жанында документ сөзсүз болушу керектигин эскертти.

БИШКЕК, 29-май — Sputnik. Кыргызстандыктар 1-июндан баштап тоо, капчыгай, көлгө тоскоолдуксуз бара алышат. Бул тууралуу маданият, маалымат жана туризм министри Азамат Жаманкулов билдирди.

Анын айтымында, бул датадан тарта аталган жерлерде бардык шлагбаумдар алынышы керек. Министр тоого же көлгө эс алууга барчуларга жанында документ сөзсүз болушу керектигин эскертти. Анткени жолдо санитардык-карантиндик посттордон документ текшерип, дене тапты өлчөп калышы ыктымал.

Кыргызстанда коронавирус жуктуруп алгандардын жалпы саны 1662ге жетти. Анын ичинен 1088 бейтап айыгып чыгып, 16 киши каза тапкан.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

52
Белгилер:
коронавирус, эс алуу, капчыгай, көл, тоо
Тема:
Коронавируска байланыштуу Кыргызстандагы кырдаал
Тема боюнча
Бир айылдан эле 30дан ашык киши COVID жуктурган. Чаткалда азыр абал кандай?
10 объектини кыдырсаң, ардактуу турист болосуң! Өлкөдөгү өзгөчө сынак
Министр: туристтер Ысык-Көлгө эч тоскоолдуксуз кире алат
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

0
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

0
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады