Дарыгерлер. Архив

БАЭ өкмөтү кыргыз дарыгерин COVID менен күрөшүүгө кошкон салымы үчүн сыйлады

198
(жаңыланган 12:06 17.05.2020)
Кыргызстандык анестезиолог-реаниматолог Жантөшева Дубай шаарындагы Rashid Hospital ооруканасында 11 жылдан бери иштейт.

БИШКЕК, 17-май — Sputnik. Бириккен Араб Эмирлигинин өкмөтү Кыргызстандын жараны Чынара Жантөшеванын коронавирус менен күрөшүүдөгү эмгегин жогору баалады. Бул тууралуу The National басылмасы жазды.

Жантөшева Дубайдагы Rashid Hospital ооруканасында интенсивдүү терапия бөлүмүндө анестезиолог-реаниматолог болуп иштейт. Бул госпиталда анын 11 жылдан бери эмгектенери айтылды.

"Чынара Жантөшева Дубайдагы Rashid Hospital мамлекеттик ооруканасында коронавирус менен күрөшүүдө алдыңкы катарда болуп, элдин ден соолугу үчүн жан үрөп иштеген", — деп айтылат БАЭ өкмөтүнүн куттуктоосунда.

Бириккен Араб Эмирлигинин өкмөт башчысы жана вице-премьери, Дубайдын эмири шейх Мухаммед бин Рашиддин чечими менен кыргызстандык дарыгерге 10 жылдык алтын резидент-виза тапшырылган.

"Мындай визаларды ишкерлер эле алат деп ойлочумун. Андыктан мен үчүн бул күтүүсүз жаңылык болду. Рамазан айы учурунда өкмөттөн эң сонун белек алдым", — деген 55 жаштагы дарыгер.

Ал COVID-19 дарыгерлерге чоң сабак болгонун, бирок алар бейтаптардын ден соолугу үчүн жоопкерчиликтүү экенин баса белгиледи.

Мындай сыйлыкты Жантөшевадан сырткары 212 медицина кызматкери алган.

10 жылдык алтын резидент-визалар Бириккен Араб Эмирлигиндеги илим, технология жана саламаттык сактоо тармагында өзгөчөлөнө алган адистерге жана ири инвесторлорго берилет. Бул документ БАЭде жашап жаткан четөлкөлүк жаранга турак жай сатып алууга, ижарага алууга, ишкерлик менен алектенип, окуп, тоскоолдуксуз жашоого укук берет.

198
Белгилер:
коронавирус, сыйлык, дарыгерлер, Кыргызстан, Бириккен Араб Эмирлиги
Тема боюнча
Өзгөчө апамды сагындым. Бир айдан бери үйүнө бара элек куткаруучунун маеги
Жаназасына араң жетиштим! Коронавирус жугуп каза болгон медиктин уулу менен маек
Бир күндүк эс алууга зар болдук. COVID-19ду ооздуктап жүргөн медайымдын маеги
Кыз парктта кол чатыр менен бара жатат. Архив

Жумага карата аба ырайы

3
23-октябрга караган түнү кээ бир өрөөндөрдө жана тоо этектеринде жаан, тоолуу райондордо кар жаашы күтүлөт.

БИШКЕК, 22-окт. — Sputnik. Жума күнү, 23-октябрда, көпчүлүк аймактарда жаан жаап, тоо этектеринде жана тоолуу райондорго кар түшөт. Бул тууралуу Кыргызгидромет билдирди.

Маалыматка ылайык, Чүй, Талас өрөөндөрүндө, Ысык-Көл, Нарын облустарынын дыйканчылык аймактарында жаан карга айланышы мүмкүн. Ысык-Көл облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы күтүлөт.

Абанын температурасы Чүй өрөөнүндө +3…+8 градус, Таласта +2…+7 градус, Ош, Жалал-Абад, Баткен облустарында +5…+10 градус, Ысык-Көл жана Нарын аймактарында 0…+5 градус болору айтылды.

Бишкек жана Ош шаарларында мезгил-мезгили менен жамгыр жаап, борбор калаада карга айланышы ыктымал. Күндүн табы Бишкекте +6…+8 градус, Ош шаарында +13…+15 градуска чейин жетет.

Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.

3
Белгилер:
Кыргызстан, октябрь, аба ырайы
Тема боюнча
Жалал-Абад облусунун аймагында кайрадан жер титиреди
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

99
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

99
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео