Милиция кызматкери. Архив

Ошто айдоочуну сөгүп, кагып-силккен милиционер иштен алынды

611
(жаңыланган 14:30 17.05.2020)
Интернетке милиция кызматкеринин автомашинада отургандарга орой мамиле жасап, сөгүнүп жаткан видеосу тарагандан кийин ага кызматтык иликтөө башталган.

БИШКЕК, 17-май — Sputnik. Ош шаарында айдоочуну сөккөн милиционер кызматынан бошотулду. Бул тууралуу Ош шаардык ички иштер башкармалыгынын маалымат кызматы билдирди.

Эске салсак, социалдык тармактарга Ош шаарында кызматта турган милиция кызматкери менен айдоочунун ортосундагы чатактын видеосу тарап кеткен. Анда милиция кызматкеринин автомашинада отурган жарандарга болгон орой мамилесин, сөгүнүп жатканын угууга болот. Видеону анын жанындагы жүргүнчү тарткан. Мындан улам ИИМдин ички иликтөө кызматы текшерүү иштерин баштаган.

"Кызматкер жарандарга орой мамиле жасап, ички иштер органдарынын кызматкеринин атын булгагандыгы үчүн Ош ШИИБдин жетекчилиги тарабынан кечээ, 16-майда, ээлеген кызматынан алынды. Ал эми анын жанында болгон ИИМдин Жол кыймылы коопсуздугун камсыздоо башкы башкармалыгынын кызматкерин дагы кызматтан бошотуу боюнча жетекчилигине сунуш берилди", — деп айтылат маалыматта.

Ош шаардык милициясы кызматкерлер коронавирус илдетине каршы күрөшүүдө элдин саламаттыгы үчүн күнү-түнү, аба ырайынын ар кандай шартында кызмат өтөп жатканын белгилеп, мындай жагымсыз окуялардын болушу өкүндүрө турганын айткан.

611
Белгилер:
кызмат, айдоочу, милиция, ШИИБ, Ош
Тема боюнча
Бишкекте ит кууган милиционерлердин видеосу. Окуянын чоо-жайы

Кыргыз-казак чек арасындагы тыгын. Айдоочулардын көйгөйүн баяндаган видеорепортаж

5
Кыргыз-казак чек арасы. Бишкек — Торугарт жолу менен калаадан чыгып баратканда жүк ташуучу автоунаалардын узун кезеги алыстан көзгө даана көрүнөт. Кезек күткөн айдоочулардын көбү Казакстандан Кыргызстанга товар алып келип, кайра кете албай калгандар.

Казакстанга кирүү май айынын аягынан тарта кыйындай баштаган. Акыркы үч күн ичинде коңшу мамлекетке саналуу эле айдоочу кирген. Бирок 3-июндан тарта кыймыл бир аз жанданып, жүк ташыгандар чекесинен өтө баштаган.

Баарынан да тез бузулуп кетчү азыктарды ташыган айдоочулар санааркап жатышат. Жашылча-жемиштери чирип кетпеш үчүн күнү-түнү автоунаанын муздаткычтарын өчүрбөй жаткандыктарын айтышты.

"Россияга 22 тонна сабиз алып бара жаткам, тыгында турганыма үч сутка болду. Күн болсо кайнап, көчөдө 35 градус ысык. Көлөкө жок, талаада 40 градус ысыктай эле сезилип атат. Кондиционер жок болсо сабиз биринчи күнү эле чирип кетмек. Жашылча соолубай турсун деп муздаткыч иштеттим. Ага эле май сатып алганга алты миң сомдой чыгым болдум. Бул чыгымды эч ким төлөп бербейт. Эгер соолуган сабиз алып барсам, анда мага акча да төлөп беришпейт", — деди айдоочулардын бири Умар Ханмончи.

Ысыктын күнү кезек күтүп Умарга окшоп тургандар жүздөп саналат. Алардын баары өз акчасына күйүүчү май алып, кайсы маалда өткөрүп жиберет деп уйку бетин көрбөй кезегин күтүп турган чактары.

Мамлекеттик чек ара кызматынын маалыматы боюнча, азыркы тапта "Ак-Тилек" жана "Чон-Капка" өткөрмө пункттары гана иштеп жатат. Жүк ташуучу автоунаалардын узун кезегине ушул да себеп болушу ыктымал.

"Автоунаалар дезинфекциядан өтүп, айдоочулардан коронавируска анализ алып жатышат. Муну да эске алыш керек. Кыргыз тарап автоунааларды тез өткөрүү үчүн болгон күчүн жумшап жатканын баса белгилеп кетели", — дешти чек ара кызматынан.

Кыргызстандын жүк ташуучулар ассоциациясынын башчысы Темирбек Шабданалиев буга пандемиянын деле тиешеси жок деп эсептейт.

"Бул көйгөйгө үч жыл болду. Коронавирус Кыргызстан, Казакстанда пайда болгонго чейин эле айдоочулар чек арадан өтө албай 4-5 күндөп турушчу. Баарынан да үч суткалап тургандарга жаман болду. Дагы жакшы аларга жакын жашаган аймактагылар бекер тамак-аш алып келип берип жатышат", — деди Шабданалиев.

Кыргызстандын Экономика министрлигинин кызматкерлери жүк ташуучу автоунаалардын айдоочулары менен жолукканын айтып, алардын көйгөйүн укканын билдиришти.

"Жүк ташуучулардын ассоциация өкүлдөрү менен вице-премьер Эркин Асрандиев жолугат. Мындан тышкары казак тарап менен дагы сүйлөшүүлөр жүрөт. Ал жактан чечим кабыл алынгандан кийин гана жыйынтыгын билдире алабыз", — дешти маалымат кызматынан.

Экономика министрлигинин маалымат катчысы эксперттер көйгөйдү чечүү жолун издеп жаткандыктарын кошумчалады.

5
Белгилер:
жүк, айдоочу, чек ара, Казакстан, Кыргызстан
Тема боюнча
Казакстанга өткөрчү "Акжол" бекетинде ремонт качан бүтөрү айтылды
Мектеп бүтүрүүчүсүнүн аттестаты. Архив

Мугалим аттестатка акча сураса чалгыла! Мэрия вице-мэрдин телефонун жарыялады

32
(жаңыланган 22:03 03.06.2020)
Эгер аттестат жоголуп кетип же башка бир себептерден улам керек болуп калса, дубликатты 41 сомго, сырты менен кошкондо 61 сомго алса болот.

БИШКЕК, 3-июн. — Sputnik. Аттестаттар акысыз берилет, эгерде мектепте мугалимдер ата-энелерден кошумча акча сураса, вице-мэрдин түз өзүнө чалгыла. Бул кабарды мэриянын маалымат кызматы таратты.

"Урматтуу, ата-энелер жана балдар! Эгер силерден же тааныштарыңардан мектеп кошумча акы талап кыла турган болсо, дароо шаардын вице-мэри Татьяна Кузнецованын 0554 312038 номерине чалып же ушул эле WhatsApp номерине видео, сүрөт фактыларын жибергиле", — деп айтылат маалыматта.

Мэрия социалдык тармакта мугалимдер ата-энелерден аттестатка акча сурап жаткандыгы тууралуу маалыматтар тарагандыгын айтып, бул вице-мэр Татьяна Кузнецованын жеке көзөмөлүндө болорун эскертти.

"Аттестаттар акысыз берилет. Эгер ал документ жоголуп кетсе же башка бир себептерден улам керек болуп калса, дубликатты 41 сомго, сырты менен кошкондо 61 сомго алса болот. Анын акысы банк аркылуу гана төлөнөт", — деп эскертти мэриядан.

Муниципалитет мектеп жетекчилиги, мугалим, бала бакча кызматкерлери окуучу, ата-энеден акча сурап, талап кылууга укугу жок экенин кошумчалады.

Аттестаттар акысыз берилерин буга чейин Билим берүү жана илим министрлиги да эскерткен.

32
Белгилер:
мектеп, окуучулар, акча, аттестат, Бишкек мэриясы, Бишкек, Кыргызстан
Тема боюнча
Министрлик бүтүрүүчүлөр аттестатты акысыз аларын эскертти