Саламаттык сактоо министринин орун басары Нурболот Үсөнбаев. Архивдик сүрөт

Обсервацияда чуу салгандар менен министрликтин өкүлдөрү жолукту. Видео

(жаңыланган 15:41 18.05.2020)
Соль-Илецкиден алып келинип, обсервацияга жаткырылган мигранттар аларды үйүнө коё берүүнү талап кылышууда.

БИШКЕК, 18-май — Sputnik. "Манас" аэропортунун жанындагы Американын мурдагы "Ганси" авиабазасынын аймагындагы "Семетей" обсервациясына жайгаштырылган жарандар менен Саламаттык сактоо министрлигинин өкүлдөрү жолукту.

Аталган видео "Короче" Telegram каналына жүктөлдү.

Буга чейин министрлик чуу чыгарган мигранттар дарыгерлерге кол салып, Тез жардамдын унаасын оодарууга аракет кылганын билдирген.

Жаңжал салгандар дарыгерлерди Соль-Илецкиден келген айрым жарандарды үйүнө чыгарып жиберген деп айыптап, аларды дагы коё берүүнү талап кылышууда.

Аталган жерге саламаттык сактоо министринин орун басары башында турган өкүлдөр барып сүйлөшүп жатат.

Кадрдан нааразы болгон адамдар талаптарын айтып жатканын көрүүгө болот.

"Биз 14 күн үйдө жатканга даярбыз. Соль-Илецкиден бери коронавирус аныкталган адамдар менен чогуу бир автобуста келгенбиз. Анда эмнеге бизге жуккан жок?" — деп суроо салды бир эркек киши.

Дагы бир аял атайын автобус менен аларды бекер жеткирүүнү талап кылса, башкалары өзүлөрү деле кете аларын айтты.

Ал эми ички иштер министринин орун басары Мирлан Каниметов кээ бир адамдар коронавирус аныкталгандарды ооруканага алып кетсе, үй карантинине чыгып жатат деген жалган маалымат таратып, мындан улам башкалары дагы коё берүүнү талап кылып чыгышканын билдирди. 

Белгилей кетсек, Россиянын Соль-Илецк районунда бир айдан ашык кармалып турган жарандар 7-май күнү автобус менен алып келинген. Учурда алардын ичиндеги 101 адамдан коронавирус аныкталды.

Коронавирустун кесепети

Кыргызстанда коронавирус жуктуруп алгандардын саны 1216 болду. Анын ичинен 827си айыгып, 14 киши каза тапкан.

Премьер-министр Мухаммедкалый Абылгазиев
© Пресс-служба правительства / Сабыр Аильчиев
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Ушу тапта өлкө аймагында абал кандай болуп жатканын Sputnik жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Белгилер:
сүйлөшүүлөр, жолугушуу, Жаңжал, Мигрант, Соль-Илецк, коронавирус
Тема:
Коронавируска байланыштуу Кыргызстандагы кырдаал (2672)
Тема боюнча
Элчилик: Соль-Илецкидеги кыргызстандыктар лагерге барбагандыктан чатыр тигип бердик
Соль-Илецкиден келген эне-бала COVID-19 менен ооруканага түштү
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты