23ү каттоого жетишпей калган. Аскат Алиев мекенге келген мигранттар боюнча үн катты

© Фото / представительство МВД Кыргызстана в странах СНГКыргызстанга 378 мекендеш конгон. Архив
Кыргызстанга 378 мекендеш конгон. Архив - Sputnik Кыргызстан
Жазылуу
Буга чейин Кыргызстандын Россиядагы элчилиги Бишкекке Москвадан 402 мекендеш учуп кеткенин кабарлаган. Андан кийин Республикалык штаб Кыргызстанга 378 мекендеш конгонун маалымдап, басымдуу бөлүгү бейтаптар экенин айткан.

БИШКЕК, 18-май — Sputnik. Ички иштер министрлигинин Россиядагы өкүлү Аскат Алиев 17-майда Москвадан Бишкекке учуп келген эмгек мигранттары боюнча үн катты. Ал өзүнүн Facebook баракчасына кыргызстандыктар кантип жөнөтүлгөнүн жазган.

Буга чейин Кыргызстандын Россиядагы элчилиги Бишкекке Москвадан 402 мекендеш учуп кеткенин кабарлаган. Андан кийин Республикалык штаб Кыргызстанга 378 мекендеш конгонун маалымдап, басымдуу бөлүгү бейтаптар экенин айткан.

Андан кийин соцтармакта "Москвадан келгендердин көбү жаштар экен, алар тартип бузуптур" деген маалыматтар чыгып, видеолору да тарап кеткен.

Аскат Алиевдин айтымында, комиссияга келип түшкөн 1000ден ашык жарандын ичинен кош бойлуу, бейтап, карылар, хостелде жашап жаткандар жана 28-мартта уча албай калган 402 жарандын тизмеси "Аэрофлот" компаниясына жөнөтүлгөн.

"Тизмеге жараша аэропорттун кассалары билети жокторго 12 994 рублдан 15 500 рублга чейин билет сатышты. Учар күнү аэропортто түзүлгөн тартипсиздик, бири-бирин сыйлабастык, жөөлөшмөй-түртүшмөйлөрдүн айынан саат 7:40тагы каттам 9:11ге жылдырылган. Ошондо дагы 23 адам каттоого жетишпей калды. Алардын арасында майып, кош бойлуу, бейтаптар дагы бар. "Тизмеге жалаң жаштар кирип, калыстык болбой калыптыр" дегендер боюнча айта кетсек. Бир тараптуу видеолордо көрсөтүлгөн жаштардын 77си кичине балдары бар ата-энелер, 27си ооругандарды коштогондор, 35и мурда учпай калгандар. Эң башкысы — жашпы, карыбы, бардыгы биздин карапайым эмгек мигранттарыбыз", — деген Алиев.

Ал Россияда элчилик, кыргыз диаспораларындагы кыз-жигиттерден түзүлгөн комиссияда күнү-түнү иштегендерге, активисттерге ыраазычылык билдирип, сөзүн "иш болгон жерде сын-пикир, кемчиликтер болбой койбойт экен" деп бүтүргөн.

Коронавирустун кесепети

Кыргызстанда коронавирус жуктуруп алгандардын саны 1216 болду. Анын ичинен 827си айыгып, 14 киши каза тапкан.

Учения Центр-2019 в Оренбургской области - Sputnik Кыргызстан
20-майда Оренбургдан мекендештердин дагы бир тобу алып келинет
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Ушу тапта өлкө аймагында абал кандай болуп жатканын Sputnik жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0