Россиянын президенти Владимир Путин Дагестан коомчулуктун өкүлдөрү менен видео конференция өткөрдү. 18-май, 2020-жыл.

Путин Россиядагы мусулмандарды Орозо айтты үйдөн белгилөөгө чакырды

139
(жаңыланган 18:54 18.05.2020)
Учурда Дагестанда COVID-19 жуктуруп алгандардын саны 3 460 адамга жетип, алар Россия боюнча ооруну жуктурган аймактардын тизмесинде 5-сапка чыкты.

БИШКЕК, 18-май — Sputnik. Россия президенти Владимир Путин мусулмандарды муфтийлердин айтканын угуп, Орозо айтты көп киши болуп чогулбай, үйдөн тосууга чакырды. Бул туурасында РИА Новости жазды.

Дүйшөмбү күнү президент видеобайланышка чыгып, Дагестандын жетекчилиги жана коомчулугунун өкүлдөрү менен сүйлөшкөн. Путин учурда орозо 23-апрелде башталып 23-майда аяктарын, андан соң айт болоруна токтолгон.

"Республикада бул майрамга ызаат менен карап, салт катуу сакталарын жакшы билем. Дин аалымдары учурда абалдан улам ислам динин кармангандарга топ-топ болуп чогулуудан баш тартып, айтты үйдө тосууну айтып эскертип жатканын да билем. Бул беделдүү адамдардын айткандары аткарылат, аны угасыздар деп ишенем", — деген Путин.

Учурда Дагестанда COVID-19 жуктуруп алгандардын саны 3 460 адамга жетип, алар Россия боюнча ооруну жуктурган аймактардын тизмесинде 5-орунга чыкты.

Путин республиканын коронавируска чалдыккан муфтийи Ахмад Абдуллаевге бүгүн айыгып кетүүнү каалаган билдирүүсүн жолдоду.

139
Белгилер:
орозо айт, коронавирус, Владимир Путин, Дагестан, Россия
Тема:
Орозо — 2020 (21)
Тема боюнча
Роспотребнадзор Россияда коронавирустун жайылышы токтогонун жар салды
Зомбулук көрсөткөн адам. Архивдик сүрөт

Жакындарына зомбулук көрсөткөн адамдын жазасы катуулайт. Өзгөргөн мыйзам

16
(жаңыланган 11:55 05.06.2020)
Аталган мыйзам үй-бүлөлүк зомбулук фактыларын болтурбоо максатында Жогорку Кеңеш тарабынан ушул жылдын 30-апрелинде кабыл алынган.

БИШКЕК, 5-июн. — Sputnik. Өлкө башчы Сооронбай Жээнбеков "КР Жазык-процесстик кодексине өзгөртүүлөрдү киргизүү жөнүндө" мыйзамга кол койду. Бул тууралуу президенттин маалымат кызматы кабарлады.

Ага ылайык, аталган мыйзам үй-бүлөлүк зомбулук фактыларын болтурбоо максатында Жогорку Кеңеш тарабынан ушул жылдын 30-апрелинде кабыл алынган.

Мыйзамга киргизилген өзгөртүүлөргө ылайык, Жазык-процесстик кодексинин 504-беренеси толукталып, 1-3-бөлүгү боюнча үй-бүлөлүк зомбулук жасады деп шектелген адам төмөнкүдөй негиздер болгондо кармалышы мүмкүн:

  • Эгерде шектүү адам жабырлануучу жана башка үй-бүлө мүчөлөрүнүн өмүрүнө жана ден соолугуна коркунуч жаратса;
  • Эгерде шектүү мас абалында болуп, жабырлануучу жана башка үй-бүлө мүчөлөрүнө коркунуч келтирип жатса;
  • Эгерде шектүү адам жабырлануучуну жана башка үй-бүлө мүчөлөрүн кордоону, аларга коркунуч келтирүүнү, уруп-сабоону, шылдыӊдоону, басмырлоону улантат деп болжогонго мүмкүндүк берүүчү негиздер бар болсо.
"Аталган өзгөртүүлөр менен жабырлануучу жана башка үй-бүлө мүчөлөрүнүн коопсуздугун камсыздоо максатында зомбулук жасоого шектүү адамды 48 саатка чейин кармоо чарасы каралган", — деп айтылат маалыматта.

Мыйзам расмий жарыяланган күндөн тартып күчүнө кирери кошумчаланды.

16
Белгилер:
зомбулук, үй-бүлө, өзгөртүүлөр, мыйзам, президент, Кыргызстан
Тема боюнча
КРге донорлор үй-бүлөлүк зомбулук менен күрөшүү үчүн 200 миң доллар бөлдү
Мурдагы жигитиңди эстебейм деген. Күйөөсүнүн кордугунан чарчаган келиндин каты
Саламаттык сактоо министринин орун басары Нурболот Үсөнбаев

COVID-19ду кимдер массалык түрдө жайылтып жибериши мүмкүн. Үсөнбаевдин жообу

131
(жаңыланган 11:29 05.06.2020)
Саламаттык сактоо министрлигинин өкүлү коронавируска чалдыгып, бирок анын белгилери билинбей же жеңил формада өтүп жаткандарды обочолонтуунун зарылчыгын айтып берди.

БИШКЕК, 5-июн. — Sputnik. Коронавирустун симптому жоктор жана аны жеңил көтөргөндөр башкалар сыяктуу ооруканага жатып, бир нече ирет анализ тапшырып чыгышат. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

"Коронавируска чалдыккандардын көбүндө анын белгилери жок болот. Арасында жеңил формада ооругандар бар. Айрымдар эмнеге аларды ооруканага кармап, обочолонтуу керек деп айтышы мүмкүн. Бейтаптардын бул тобу элге коркунуч жаратат. Алар оорунун булагы болуп саналып, вирусту массалык түрдө жайылтып жибериши ыктымал. Биз симптому жокторду да стационарга жаткырып, бир нече ирет анализ алып, анан чыгарабыз. Андан кийин эки жума үй карантининде болушат", — деди Үсөнбаев.

Кыргызстанда коронавирус жуктургандардын саны 1936га жетти. Анын ичинен 1340 адам айыгып, 22си каза болду.

131
Белгилер:
анализ, коронавирус, Нурболот Үсөнбаев, КР Саламаттык сактоо министрлиги
Тема:
Коронавируска байланыштуу Кыргызстандагы кырдаал
Тема боюнча
Өлкөнүн үч аймагындагы алты медиктен коронавирус табылды
Кызынан жуккан. Министрлик COVID-19дан көз жумган аялдар боюнча маалымат берди