Коронавирус аныктоочу анализ тапшыруу. Архивдик сүрөт

Министрлик: "Семетейде" нааразы болгондордун 421инин анализи таза чыкты

173
(жаңыланган 01:09 19.05.2020)
Эксперттик комиссиянын айтканын күтпөй, Соль-Илецкиден келип, обсервацияда жаткандардын бир тобу сабырсыздыгын көрсөткөн.

БИШКЕК, 18-май — Sputnik. Россиянын Соль-Илецк шаарынан алып келинип, "Семетей" обсервациясында жатып чуу чыгарган кыргызстандыктардын ичинен 421 кишинин анализи таза чыкты. Бул туурасында Саламаттыкты сактоо министрлигинин маалымат кызматынан кабарлашты.

"7-майда аталган обсерваторияга жайгаштырылган. Алардан 18-майда кошумча анализ алынып, оору чыкпай, үй карантинге жиберилген. Акыркы жыйынтык боюнча, 541 кыргызстандыктын ичинен 421 адамдын ПЦР-анализи таза чыкты", —  деп билдирди маалымат кызматы.

Эске салсак, бүгүн "Манас" аэропортунун жанындагы Американын мурдагы "Ганси" авиабазасынын аймагында жайгашкан "Семетей" обсервациясында жаткандар жаңжал чыгарган

"Эксперттик комиссиянын айтканын күтпөй, ал жерде жайгашкандар сабырсыздыгын көрсөткөн. Алар менен бүгүн саламаттыкты сактоо министринин орун басары Нурболот Үсөнбаев жолугуп, үй карантиндин талаптарын айтып берди", —  деп билдиришти министрликтен.

Экинчи ирет алынган анализдин жыйынтыгы менен 19 жаран обсервацияда калтырылган. Себеби алар буга чейин COVID-19 аныкталган 43 киши менен байланышта болгон.

Эске сала кетсек, Соль-Илецкиден келген 541 кишинин арасынан 101и стационарга жаткырылган. 58 киши республикалык жугуштуу оорулар клиникасына, 43ү Фтизиатрия улуттук борборуна жайгаштырылган.

Алардын арасында бир үй-бүлөдөн (энеси, атасы жана баласы) коронавирус чыгып, эне-бала да республикалык клиникалык ооруканага жеткирилген.

Учурда обсервацияда абал туруктуу, медиктер кадимки тартипте иштеп жатат. Бүгүн, эртең өкмөт нааразылык билдирген жарандардын айтканын орундатып, атайын транспорт менен жашай турчу жерлерине жеткирмей болду.

Буга чейин да Саламаттыкты сактоо министрлиги мындан бир нече күн мурда койгон талаптарга баш ийбей, обсервациянын тартиптерин бузуп, жаман сөздөрдү айтып, медиктерди жөөлөп, туура эмес жагдайлар катталганын айткан.

Кыргызстанда коронавирус жуктуруп алгандардын саны 1216 болду. Анын ичинен 827си айыгып, 14 киши каза тапты.

Ушу тапта өлкө аймагында абал кандай болуп жатканын Sputnik жүргүзгөн тексттик трансляциядан билүүгө болот.

173
Белгилер:
анализ, коронавирус, обсерватория, чатак, Мигрант, Соль-Илецк, Кыргызстан
Тема:
Коронавируска байланыштуу Кыргызстандагы кырдаал (2740)
Тема боюнча
Үй карантиндин эрежесин бузган 10 кишиге иш козголду
Оренбургдан келген 55 жарандан COVID-19 чыкты. Алар жаңжал чыгарганы айтылды
Кыргызстандын президенти Садыр Жапаров. Архив

Азыр тигүүчү, бычмачы, модельер эң керектүү кесип. Жапаровдун куттуктоосу

5
(жаңыланган 10:50 13.06.2021)
Бүгүн — жеңил өнөр жай кызматкерлеринин күнү. Өлкө башчы өндүрүштүн жаңы талаптарына жооп берген квалификациялуу кадрларды даярдоо пландалганын айтты.

БИШКЕК, 13-июн. — Sputnik. Президент Садыр Жапаров бүгүн, 13-июнда, жеңил өнөр жай тармагынын кызматкерлерин кесиптик майрамы менен куттуктады. Бул тууралуу өлкө башчынын маалымат кызматы кабарлады.

Жапаров жеңил өнөр жайы өлкөнүн экономикалык өнүгүүсүнүн артыкчылыктуу жана стратегиялык маанилүү багыттарынын бири болуп саналарын белгилеген.

"Текстиль, кийим тигүү, бут кийим өндүрүү жана булгаары иштетүү ишканаларынын жетекчилеринин жана жумушчуларынын күжүрмөн эмгегинин аркасында өлкөнүн социалдык-экономикалык потенциалы жогорулап жатат. Ата мекендик жеңил өнөр жай продукцияларынын кеңири, сапаттуу жана жеткиликтүү ассортименти республиканын экспортундагы алдыңкы позицияларды кармап калууга, экспорттук негизги рыноктордогу суроо-талаптарды жана муктаждыктарды канааттандырууга мүмкүндүк берет", — деп айтылат маалыматта.

Президент аталган тармакта мурунку муундун салтын сактап келген, жаңы технологияларды ийгиликтүү өздөштүргөн адистер эмгектенерин жана бул жеңил өнөр жайдын туруктуу өнүгүүсүнө өбөлгө түзөрүн кошумчалаган.

Жеңил өнөр жай ишканалары республиканын эмгек рыногунда калкты олуттуу деңгээлде иш менен камсыз кылып, жарандардын жашоо сапатына оң таасирин тийгизүүдө деген.

"Тигүүчүлөрдүн, бычмачылардын, модельерлердин кесиби республикада эң көп талап кылынган адистиктердин катарына кирет. Ошону менен жакынкы мезгилде мамлекет тарабынан өндүрүштүн жаңы талаптарына жооп берген квалификациялуу кадрларды даярдоо боюнча иштерди жүргүзүү каралууда. Мамлекет тарабынан ушул артыкчылыктуу тармакты колдоо боюнча иштер улантылат, ири долбоорлорду ишке ашырууга көмөк көрсөтүлөт, анын сапаттуу уюштурулушу он миңдеген жумуш орундарын түзүүгө жана анын өнүгүү деңгээлинин жаңы масштабдарына өтүүгө мүмкүнчүлүк берет", — деди президент.

Өлкө башчы Садыр Жапаров жеңил өнөр жайдын ар бир кызматкерине жана ардагерине ак ниет эмгеги, жалпы республиканын экономикасынын өнүгүшүнө кошкон баа жеткис салымы үчүн зор ыраазычылык билдирген.

5
Белгилер:
экономика, куттуктоо, Жеңил өнөр жайы, Садыр Жапаров, Кыргызстан
Тема боюнча
Акылбек Жапаров: Түркия менен соода жүгүртүү 1 млрд. долларга жеткирилет
Кыргызстан Түркияга Таласта төө буурчакты кайра иштеткен завод ачууну сунуштады
Кыргызстандын футбол боюнча улуттук курама командасынын чабуулчусу Абай Боколеев. Архив

Абай Боколеевдин атасы көз жумуп, футболчу Япониядан мекенине учуп кетти

7
(жаңыланган 10:47 13.06.2021)
Футболчу улуттук команданын курамында дүйнө чемпионатына тандоо турунун алкагында Япониянын Осака шаарында мелдештерге катышып жүргөн.

БИШКЕК, 13-июн. — Sputnik. Кечээ, 12-июнь күнү, Кыргызстандын футбол боюнча улуттук курама командасынын чабуулчусу Абай Боколеевдин атасы көз жумду. Бул тууралуу Кыргызстан футбол союзунан кабарлашты.

"Мындан улам футболчу биринчи каттам менен мекенине учуп кетти", — деп айтылат билдирүүдө.

Бегилей кетсек, улуттук команда дүйнө чемпионатына тандоо турунун алкагында Япониянын Осака шаарында мелдештерге катышып жүргөн. Буга чейин эки оюн көрсөткөн команданын алдыда дагы бир оюну бар. Кыргызстандык футболчулар 15-июнь күнү Япониянын курама командасы менен беттешет.

7
Белгилер:
Абай Боколеев, өлүм, ата, футбол, Япония, Кыргызстан
Тема боюнча
Ырчы Жамиля Муратованын атасы, музыкант Эдил Муратов көз жумду