Саламаттык сактоо министринин орун басары Нурболот Үсөнбаев брифинг учурунда. Архив

Чуу салса эле обсервациядан чыгабы? "Гансидеги" жаңжал боюнча Үсөнбаевдин жообу

291
(жаңыланган 11:29 19.05.2020)
Обсервациядан чыккандардын ар биринин уюлдук телефонуна тиркеме орнотулуп, үй карантининдеги жашоосу көзөмөлгө алынат.

БИШКЕК, 19-май — Sputnik. Соль-Илецкиден келген жарандар чуу чыгарганы үчүн үй карантинине чыгарылган жок. Бул туурасында саламаттык сактоо министринин орун басары Нурболот Үсөнбаев брифинг учурунда билдирди.

Анын айтымында, обсервациядагы мигранттар атайын бекитилген алгоритмге ылайык, эки жолу кайталап анализ алынгандан кийин чыгарылган.

“Мөөнөтү бүткөнгө чейин чыдабай нааразычылык билдиргени башка маселе. Биздин чечим обсервацияга алынгандардын маанайынан же башка факторлордон көз каранды эмес. Алар чуу чыгарабы же башка аракеттерди жасайбы, биз өзүбүздүн чараларды көрүп, алгоритмди аткарабыз. Обсервацияга жаткысы келбегени, өз акылына жараша тыянак чыгарганы менен эч нерсе өзгөрбөйт. Биз барып түшүндүрүү иштерин жүргүздүк, алар “бузук телефон” болуп кеткендиктен чуу чыгарышкан. Мындан кийин келгендер дагы биз бекиткен талаптарды так аткарууга милдеттүү болот”, — деди Үсөнбаев.

Ошондой эле ал обсервациядан чыккандарды жашаган регионуна жеткирүү үчүн атайын транспорт уюштурулганын белгиледи. Ар биринин уюлдук телефонуна тиркеме орнотулду, үй карантининде көзөмөлгө алынат. Обсервациядан чыгып бара жаткан жарандар өзүнө милдеттемелерди алып, кол кое турганы белгиленди.

Белгилей кетсек, кечээ, 18-майда, мурдагы “Ганси” авиабазасынын аймагында жайгашкан “Семетей” обсервациясындагы 432 жаран "чогуу келгендердин айрымдары үй карантинине чыгып кетти" деп нааразы болуп, баарын коё берүүнү талап кылышкан. Алар жаңжал салып, медиктер да жабыркаган.

ИИМ ал жайда кимдир бирөө жалган маалымат таратканын айтып, чынында үй карантинге эмес, COVID-19 жуктурганы аныкталгандар ооруканага которулганын билдирди.

Кечке жуук Саламаттык сактоо министрлиги аларды үй карантинине чыгарууга уруксат берген.

Коронавирустун кесепети

Кыргызстанда коронавирус жуктуруп алгандардын саны 1243 болду. Анын ичинен 898и айыгып, 14 киши каза тапкан.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Ушу тапта өлкө аймагында абал кандай болуп жатканын Sputnik жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

291
Белгилер:
чыгаруу, карантин, үй, Жаңжал, Мигрант, обсервация
Тема боюнча
30 күндө талаптарды аткаргыла! Трамп ДCСУга ультиматум койду
Уктап жаткан кыз. Архив

Дем алуу көнүгүүсүн жасап бир мүнөттө уктап калса болот. Адистин кеңеши

5
Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

5
Белгилер:
кеңеш, көнүгүү, уйку
Тема боюнча
COVID-19дан кийин мээни кантип калыбына келтирүү керек? Неврологдун кеңеши
Рактын этибар албаган беш белгиси аталды
Бутакта конуп турган чымчык. Архив

Жаздын биринчи күнүнө карата аба ырайы

21
Дүйшөмбүгө караган түнү жаан-чачын күтүлбөйт. Өлкө аймагында жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-фев. — Sputnik. 1-мартта күндүз республика боюнча күн ачык болот. Бул тууралуу Кыргызгидромет маалымдады.

Абанын температурасы Чүй, Талас, Ош, Жалал-Абад жана Баткен облустарында +8..+13, Ысык-Көлдө +2...+7, Нарын жергесинде -3...+2 градус болот.

Бул күнү термометр Бишкекте +8...+10, Ошто +10...+12 градуска көтөрүлөт.

21
Белгилер:
Кыргызстан, аба ырайы
Тема боюнча
Күн качан жылыйт? Жаздын алгачкы жумасына карата аба ырайы