Отун жарып жаткан адам. Архив

Жарыксыз калтырып, кайра отун жарып берген электриктин окуясы. Аялдын алкышы

1525
(жаңыланган 13:13 20.05.2020)
Адамдын көңүлү — гүл. Жылт эткен жарык, жакшы көз караш, жагымдуу сөз маанай көтөрүп, ал тургай бир нече күн жүрөктү жылуулук аралап жүрөт.

Sputnik агенттиги окурманга жылуулук чачкан, жакшылык кылууга чакырган макалаларды жарыялап келет. Бул ирет редакцияга келген катка көңүлүңүздөрдү буруп, электриктин кылган жакшылыгын баяндаган эненин окуясын сунуштайбыз.

Сиздердин "Ак жарык" рубрикаңыздарды дайым окуп, жашоодо жакшы адамдар барына шүгүр кылып калам. Мен дагы баштан өткөн бир кызык окуяны айткым келип турат.

Мындан беш-алты жыл мурда Бишкектин чет жагындагы чакан батирде турчу элек. Төрт балам бар.

Күйөөм ошол жылы Россияга кеткен. Кыш мезгили, суук кез болчу. Бир күнү эле түштөн кийин саат эки-үчтөр чамасында свет өчүп калды. Атабыздын да иши жакшы болбогондуктан акча сала албай, көмүр алгыча от жакпай бир бөлмөдө үй жылыткыч менен отурганбыз. Мен болсо тигүү цехтеринен буюртма алып келип, үйдөн кийим тигип, тамак-ашыбызга акча кылып иштечүмүн.

Ошентип, эмне болду дегиче болбой эле эшик тыкылдап калды. Сыртка чыксам, короодо шаймандарын көтөргөн электрик туруптур. Ал учурашкан соң "светиңерди кыркып кетип баратам, карызыңарды төлөгүлө" деди. Мен дароо эле балдарымды ойлоп шалдырай түштүм, жиним да келип кетти.

Абалымды түшүндүрүп, бир жагынан жаман көрүп урушуп да жибердим. Карызыбыз эки миң сомдон ашып, ошол себептен кыркканын айтты.

Карасам артыман төрт балам чууруп чыгып, жарданып карап турушат. Светчи мени бир, балдарды бир карап калды.

Анан эки жакка көз жүгүрттү да он жаштагы улуу балама "балта барбы, алып келчи" деп койду. Өзү үстүндөгү күрмөсүн чечип, бастырма жакка барып илди.

Балам үйгө кирип шкафтын артындагы балтаны алып чыгып берип, өзү да жанында туруп калды. Тиги светчи бала дароо бастырмадагы дөңгөчтөй жыгачтарды чекесинен жарып, отун даярдай баштаганын көрдүм да, балдар менен үйгө кирип кеттим.

Чынында таң калдым. Бир сааттан ашык отун жарды. Бир убакта эшик дагы тыкылдады. Чыктым, электрик туруптур. Ыраазычылык айтыштан бир чети уялып, бир чети унчукпай коюу да ыңгайсыздык жаратты.

"Эртеңден калбай карызыңарды төгүп, светиңерди коштуруп алгыла. Күйөөңүз акча салганда бересиз" деп миң сом берип кетип калды. "Рахмат" деп эле нес болуп кала бердим.

Ал кеткенден кийин бастырмага барып карасам, эки-үч күнгө кенен жеткидей бир далай отунду жарып бурчка жыйып коюптур.

Мындай учурда ыйлаарыңды же сүйүнөрүңдү билбейт экенсиң. Бир чети абдан ызаландым. Жолдошума деле таарынган жокмун. Болгону сырткаркы кишиге боор ооруй турган абалда, үйдүн-сырттын түйшүгү мойнумда калганына жаман болдум окшойт. Бир чети ушундай адамдар бар экенине сүйүнүп, таң калдым.

Бул окуядан кийин уулум да “чоңойгондо электрик болом” деп калды.

1525
Белгилер:
Россия, бала, отун, свет
Тема:
Ак жарык (26)
Тема боюнча
Бар-жогун да билбейм... Ажалдан алып калган бейтааныш адамдын ак жарыгы
Жездем алып берген туфли багымды ачты. Туңгуюкта калган балдыздын ыраазычылыгы
Өкмөт башчынын милдетин аткаруучу, биринчи вице-премьер Артем Новиков Нарын облусундагы Торугарт көзөмөл-өткөрүү пунктунда

Кытай жүк ташуунун көлөмүн көбөйтүүгө даяр. "Торугарт" менен "Эркечтамдагы" абал

5
(жаңыланган 18:24 05.12.2020)
Өкмөт башчынын милдетин аткаруучу Артем Новиков Нарын облусундагы "Торугарт" көзөмөл-өткөрүү пунктуна барып, жүк өткөрүү боюнча иштер тууралуу маалымат берди.

БИШКЕК, 5-дек. — Sputnik. Чек арадан товарлардын автоматташтырылган эсеп системасы аркылуу өтүүсү коррупциялык тобокелдиктерин азайтат. Бул тууралуу өкмөт башчынын милдетин аткаруучу, биринчи вице-премьер Артем Новиков Нарын облусундагы "Торугарт" көзөмөл-өткөрүү пунктуна барганда билдирди.

Анын айтымында, соңку айларда кытай тарап менен чек ара аркылуу транспорттук каражаттарды өткөрүүнүн көлөмүн жогорулатуу боюнча бир канча сүйлөшүүлөр жүргөн.

"Жакын арада "Эркечтам" көзөмөл-өткөрүү пункту күн сайын 12 сааттан, анын ичинде дем алыш күндөрү да иш алып барары макулдашылды. Мындан тышкары, кампа инфраструктурасын, товарларды жүктөө үчүн атайын крандарды орнотуу маселеси чечилди. "Торугарт" көзөмөл-өткөрүү пункту боюнча абал бир аз башкача, процесстер түшүнүү менен кабыл алынууда", — деген аткаминер.

Новиков эки көзөмөл-өткөрүү пунктунда санитардык талаптарды тыкыр аткаруу менен кадимки режимде иш алып баруунун маанилүүлүгүн белгилеп өткөн. Ошондой эле товарларды ташуу боюнча бирдиктүү алгоритм түзүүнү тапшырган.

5
Белгилер:
премьер-министр, "Эркечтам" көзөмөл өткөрүү пунку, "Торугарт" көзөмөл өткөрүү пунку, Артем Новиков, Нарын
Тема боюнча
"Ак-Жол" өткөрмө бекетинин курулуш иши 68 пайызга аяктады. Сүрөттөр
Фарид Ниязов, Алмазбек Атамбаев жана Канат Сагымбаев. Архивдик сүрөт

Сот Канат Сагымбаевди үй камагына чыгарып, Фарид Ниязовду абакта калтырды

6
(жаңыланган 18:24 05.12.2020)
Жактоочунун айтымында, сот прокурордун Сагымбаевдин тергөө абагындагы мөөнөтүн узартуу өтүнүчүн четке каккан. Ал эми Ниязов эки айга камакта калды.

БИШКЕК, 5-дек. — Sputnik. Канат Сагымбаев үй камагына чыгарылганын адвокат Замир Жоошев Facebook баракчасы аркылуу билдирди.

Анын айтымында, сот прокурордун Сагымбаевдин тергөө абагындагы мөөнөтүн узартуу өтүнүчүн четке каккан. Бирок Фарид Ниязовду 2021-жылдын 10-февралына чейин камакта калтыруу өтүнүчүн канааттандырганы белгилүү болду.

Эске салсак, президенттик аппараттын мурдагы башчысы Ниязов менен УКМКнын 9-кызматынын мурдагы кызматкери Сагымбаев Кой-Таш окуясы боюнча козголгон иштин алкагында кармалган. 

6
Белгилер:
камак, сот, Канат Сагымбаев, Фарид Ниязов
Тема:
Алмазбек Атамбаевдин кармалышы
Тема боюнча
Атамбаев ооруп калып бүгүнкү сот отуруму болбой калды