Өкмөттүн Талас облусундагы өкүлү Марат Мураталиев. Архивдик сүрөт

Эч нерсеге карабайм! Талас башчысы элди күч менен обсервацияга алдырган видео

6505
(жаңыланган 14:06 20.05.2020)
Кечээ Соль-Илецк шаарынан келгендердин ичинен 51 адам Талас облусуна кирери менен обсервацияга алынган. Алар жергиликтүү бийликтин тилин албай бир топ түйшүк жаратканы айтылган.

БИШКЕК, 20-май — Sputnik. Социалдык тармактарда Россиянын Соль-Илецк шаарынан алып келинип, "Семетей" обсервациясында чыр-чатактан кийин чыгарылгандар Таласка барганда күч менен карантинге алынган видео тарады.

Twitter баракчасына жүктөлгөн видеодон милиция кызматкерлери бир нече кишини колтуктап имараттын экинчи кабатына алып чыгып баратканын көрүүгө болот. Ал ар кандай нааразычылык менен коштолгон. Ичине киргенден кийин кишилер обсервацияда шарт жок экендигин айтышкан.

​Кечээ, 18-майда, Россиянын Соль-Илецк шаарынан келген 51 адам Талас облусуна кирери менен обсервацияга алынган. Алардан кошумча дагы ПЦР-анализ алынып, карантиндик жайда беш күн жаткырылмай болгон.

Өкмөттүн Талас облусундагы өкүлүнүн басма сөз кызматы сырттан келген адамдар баш ийбей бир топ түйшүк жаратып, түшүндүрүү иштеринен кийин жергиликтүү бийликтин талаптарына макул болгонун айткан.

Ал арада социалдык тармакта өкмөттүн Талас облусундагы өкүлү Марат Мураталиев жарандарга күйүп-бышып кайрылган видеосу да тарады.

"Биз элибизге жамандык каалаган жокпуз, биз элди сактап калалы деп жатабыз. Силер бизге жардам беришиңер керек, бир эле жардам сурап жатабыз, үйдө отуруп бергиле, балдарыңарды карагыла деп. Мына ушул жакта отурган мэр, аким, ар жерде ар ким менен байланышып жүрүшөт, байкуштар. Ушулардын эмне бала-чакасы, бир туугандары жок бекен? Үйгө баргандан коркуп жатышат. Кечээ "Манас" лицейине барганда даваатчыларды жата тургула десем, "эмнеге мен сүлгүсү жок жатышым керек" дейт, биз ага карабайбыз, алып келип жаткырабыз. Ким жатпаса милиция, ИВС (убактылуу кармоочу жай) менен обсервация ачып коебуз, ошол жакта жатышат", — деген Мураталиев.

Ошондой эле WhatsApp аркылуу ар кандай ушак маалыматтарды таратпоону өтүнүп, анын жазасы катуу болорун эскерткен.

"Провокациялык маалыматтарды таратканды токтотуңуздар, чоң айыпка жыгыласыңар, камаласыңар. Бири-бириңер менен байланышта болбогула деп суранып жатабыз. Аксакалдар, апалар, агайын-туугандар, балдарга айткылачы. Кээ бирөө вирус жок дейт. Оорудан дүйнө коркуп жатат. Америка, Кытай, Россия күрөшүп жатат. Элибизди аман-эсен сактап калалы. Жакшынакай болуп чыдап бергилечи", — деген Мураталиев.

Белгилей кетсек, Саламаттык сактоо министрлигинин маалыматы боюнча, Талас облусунда коронавируска чалдыккандар жок.

6505
Белгилер:
видео, кайрылуу, обсервация, Марат Мураталиев, Талас
Тема:
Коронавируска байланыштуу Кыргызстандагы кырдаал (1471)
Тема боюнча
ӨКМ обсервацияда жаткандарга кандай тамак берилип жатканын көрсөттү. Сүрөт
Жети-Өгүздө төрөт үйүн обсервацияга айландыруу чечими жокко чыгарылды
Кыргыз-казак чек арасындагы Акжол көзөмөл-өткөрүү пункту. Архивдик сүрөт

Казакстанга өткөрчү "Акжол" бекетинде ремонт качан бүтөрү айтылды

1
Долбоорду ишке ашырууга 127 жумушчу жана 15 даана техника тартылган. Өткөрүү пунктундагы реконструкция болуп жаткан жердин аянты 3,5 гектарды түзөт.

БИШКЕК, 1-июн. — Sputnik. Кыргыз-казак чек арасындагы "Акжол" көзөмөл-өткөрүү пунктундагы ремонт иштери жыл аягына чейин бүтөт. Бул тууралуу Sputnik Казакстан агенттиги Казакстандын индустрия жана инфраструктура министрлигине таянып кабарлады.

"Кийинки жылы Кордайдын (кыргыз тарабы "Акжол" деп айтылат — ред.) өткөрүү мүмкүнчүлүгү кеңейип, бир суткада 23 миң киши менен 2500 автоунаа өткөрө баштайт. Жөө адамдар өткөн жер реконструкцияланып, 137 метрге чейин кеңейтилди. Мындан сырткары өткөрмө терминал, көзөмөлдөн өткөргөн пункт, чек ара кызматынын имараты дагы ремонттолуп жатат", — деп айтылат маалыматта.

Министрликтин маалыматына ылайык, адистерге бул жылы инспекциялык-кароо комплексинин курулуш иштерин аткарып бүтүү тапшырмасы да коюлган.

Долбоорду ишке ашырууга 127 жумушчу жана 15 даана техника тартылган. Өткөрүү пунктундагы реконструкция болуп жаткан жердин аянты 3,5 гектарды түзөт.

"Акжол" жана "Кордай" көзөмөл өткөрүү пункттары ремонтко ушул жылдын февраль айында жабылган. Азыркы тапта ал жактан жөө адамдар гана таңкы саат 6:00дөн 24:00гө чейин өтө алышат. Транспорт жакынкы өткөрмө бекеттерден өтүүдө.

1
Белгилер:
реконструкция, пункт, өткөрмө, Казакстан, Кыргызстан
Тема боюнча
Кыргыз-өзбек чек арасынан жүк эки пункттан гана өткөрүлмөй болду
Турак жайдын кире беришин дезинфекциялоо. Архив

Короо кыдырып... Бишкекте коронавирусту аныктоо үчүн сурамжылоо башталды

20
(жаңыланган 18:59 01.06.2020)
Медицина кызматкерлери үчүн короо-жайларга жана үйлөргө кирүүгө катуу тыюу салынган. Сурамжылоону эл каттоо менен алмаштырып албоо да эскертилди.

БИШКЕК, 1-июн. — Sputnik. Бишкек мэриясына караштуу Шаардык саламаттык сактоо башкармалыгынын директору Бактыгүл Исмаилова коронавирусту аныктоо максатында калаадагы короолорду кыдыруу иштери башталганын айтты. Бул тууралуу Республикалык штабдан кабарлашты.

Исмаилованын айтымында, бул ишке квартал, көчөлөрдө жашаган улуулар, турак жай активисттеринен турган бригадалар тартылып жатат. Сурамжылоого медиктер да катышат.

"Адамдар ооруп, дене табы көтөрүлүп, дем алуусу кыйындап, жөтөлүп жатса да медициналык жардамга кайрылбай жатышат. Ооруган адамдар жумушуна барып, коомдук жайларда болуп, качан гана оорунун белгилери курчуй баштаганда 118 номерине чалышууда. Мобилдик бригадалар барган учурда айрым бейтаптардын ПЦР-тесттери оң болуп чыгып жатат", — деди Исмаилова.

Ал медицина кызматкерлери үчүн короо-жайларга жана үйлөргө кирүүгө катуу тыюу салынганын кошумчалады. Ошондой эле сурамжылоону эл каттоо менен алмаштырып албоого чакырды.

"Эл каттоо менен медициналык каттоону чаташтырбоо керек", — деди Исмаилова.

Кыргызстанда коронавируска кабылгандардын саны 1817 болду. Анын ичинен 1181и айыгып, 16сы көз жумган.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

20
Белгилер:
сурамжылоо, коронавирус, Бишкек, Кыргызстан
Тема:
Коронавируска байланыштуу Кыргызстандагы кырдаал (1471)
Тема боюнча
Бишкекте 1-июндан баштап иштей баштаган тармактардын тизмеси