Кара-Кулжа: бир айыл толук карантинге алынып, 60 киши обсервацияга жатты
(жаңыланган 15:31 20.05.2020)
Вирус Россияда каза болгон тууганынын сөөгүн алып келген эки кишиден чыккан. Эми тажияга катышкандар үчүн санаторийде обсервация уюштурулду.БИШКЕК, 20-май. — Sputnik. Ош облусундагы Кара-Кулжа районунун Кара-Кочкор айылына карантин режими киргизилип, 60 киши обсервацияга алынды. Бул тууралуу өкмөттүн Ош облусундагы өкүлчүлүгүнүн маалымат катчысы Нуркыз Кадырбек кызы билдирди.
Анын айтымында, учурда айылдын кире беришине блокпосттор коюлуп, кирип-чыгууга чектөө киргизилди.
"18-май күнү Кара-Кочкор айыл өкмөтүнүн эки тургунунан коронавирус аныкталган. Алар Россияда жүрөк оорусунан каза болгон мигрант тууганынын сөөгүн алып барган. Чек арадагы посттордун биринен анализ тапшырып, бирок жыйынтыгы чыга электе эле өткөрүп жиберишкен. Анализдери кийинки күнү чыгып, коронавирус аныкталган", — деди Кадырбек кызы.
Россияда каза болгон маркумду акыркы сапарга узатууга 60 чакты адам катышкан. Алардын баары Кара-Кочкор санаторийинде уюштурулган обсервацияга жаткырылганы айтылды. Маркумдун сөөгүн алып келген жакындары Россиядан келе жатканда коронавирус жуктуруп алышы мүмкүндүгү да белгиленди.
Белгилер:
Мугалим аттестатка акча сураса чалгыла! Мэрия вице-мэрдин телефонун жарыялады
(жаңыланган 22:03 03.06.2020)
Эгер аттестат жоголуп кетип же башка бир себептерден улам керек болуп калса, дубликатты 41 сомго, сырты менен кошкондо 61 сомго алса болот.БИШКЕК, 3-июн. — Sputnik. Аттестаттар акысыз берилет, эгерде мектепте мугалимдер ата-энелерден кошумча акча сураса, вице-мэрдин түз өзүнө чалгыла. Бул кабарды мэриянын маалымат кызматы таратты.
"Урматтуу, ата-энелер жана балдар! Эгер силерден же тааныштарыңардан мектеп кошумча акы талап кыла турган болсо, дароо шаардын вице-мэри Татьяна Кузнецованын 0554 312038 номерине чалып же ушул эле WhatsApp номерине видео, сүрөт фактыларын жибергиле", — деп айтылат маалыматта.
Мэрия социалдык тармакта мугалимдер ата-энелерден аттестатка акча сурап жаткандыгы тууралуу маалыматтар тарагандыгын айтып, бул вице-мэр Татьяна Кузнецованын жеке көзөмөлүндө болорун эскертти.
©
Sputnik / Табылды Кадырбеков
Муниципалитет мектеп жетекчилиги, мугалим, бала бакча кызматкерлери окуучу, ата-энеден акча сурап, талап кылууга укугу жок экенин кошумчалады.
Аттестаттар акысыз берилерин буга чейин Билим берүү жана илим министрлиги да эскерткен.
Белгилер:
Ысыкта зарыгып, күнгө какталган айдоочулар. Кыргыз-казак чек арасынан сүрөт баян
(жаңыланган 21:43 03.06.2020)
Учурда алыска жүк ташып иштеген айдоочулар кандай кырдаалга кабылганын Sputnik Кыргызстандын сүрөт репортажынан көрсөңүз болот.
Алардын бири Казакстанда кыйынчылык майдын аягында келип чыкканын айтып берди. Акыркы үч күн ичинде чек арадан жүк ташыган бир нече гана автоунаа өтө алган. Анткен менен, бүгүн, 3-июнда, автоунааларды ыкчамыраак өткөрө башташты.
© Sputnik / Акылбек БатырбековБир нече күн мурда кыргыз-казак чек арасында жүк ташуучу автоунаалардын узун кезеги пайда болгон
© Sputnik / Табылды КадырбековАйдоочулардын көбү Бишкекке Казакстандан келишкен. Эми минтип үйлөрүнө жете албай отурушат
© Sputnik / Табылды КадырбековДархан Молдоханов ары эмес же бери эмес, жолдун ортосунда калган айдоочулардын бири. Бир нече күн мурда Кыргызстанга ал күрүч алып келген
© Sputnik / Табылды КадырбековБаарынан да Кыргызстандан тез жарабай калчу азыктарды ташыгандарга жаман болду
© Sputnik / Акылбек БатырбековТовар чирип кетпесин деп айдоочулар муздаткычтарын өчүрбөй жатканын айтышты
© Sputnik / Табылды КадырбековМуздаткычтар күйүүчү май менен иштейт. Алар тынымсыз, өчпөй иштеп туруш үчүн күнүнө 60 литрге чукул май керек
© Sputnik / Табылды КадырбековКөбү чек арада үч күндөн бери турганын айтышты. Бул убакытта муздаткычка 180 литр күйүүчү май керек. Ага эле алты миң сом кетет
© Sputnik / Табылды КадырбековКүйүүчү май жана башка чыгымдын баары айдоочулардын мойнунда
© Sputnik / Табылды КадырбековӨткөрмө пунктка жакын жайгашкан аймактагылар айдоочуларга колунан келген жардамын берип жатышыптыр
© Sputnik / Акылбек БатырбековКыргызстандагы тиешелүү тараптар чек арадагы абалдан кабардар экенин, аны чечүү жолдору каралып жатканын кабарлашты
Белгилер:
Лукашенко бүгүн өкмөттү отставкага кетирди
БИШКЕК, 3-июн. – Sputnik. Белоруссия президенти Александр Лукашенко азыркы өкмөттү отставкага кетирүү чечимин бүгүн кечинде кабыл алгандыгын Sputnik Белоруссия жазды.
Президент өткөн аптада кадрдык өзгөрүүлөр болорун айткан эле. Дүйшөмбүдө эки палатанын, президенттик администрациянын жана коопсуздук кеңештин жетекчилери менен сунушталган талапкерди талкуулаган.
©
Пресс-служба президента КР / Султан Досалиев
Азыр эскилердин кимдер кызматта калып, кимдердин кетери же башка кызматка которулары азырынча белгисиз. Жаңысы дайындалганга чейин эски курамы өзүнүн милдетин аткарып турат.
Азыркы өкмөттүн жетекчиси Сергей Румас башкаларга караганда азыраак иштеген. Бул кызматка мындан эки жыл мурда, август айында киришкен.
Белоруссиянын мыйзамы боюнча премьер-министрди президент дайындайт. Бирок андан мурда Эл өкүлдөр палатасынын программасын тааныштырып, колдоосун алгандан кийин толук бекийт.
Эгерде Румас кызматта калса, анда вице-премьерлер жана министрлер алмашып, депутаттардын колдоосуна муктаждык болбойт.
Палатанын жакынкы сессиясы эртеңкиге, аны менен катар эле депутаттардын жолугушуусу келерки аптага жана айдын аягына пландалганы маалымдалган.
Белгилер: