Патрулдук милициянын кызматкери Бишкектеги көзөмөл өткөрүү пунктунда. Архив

Инспектор тоссо карайлап калбаңыз! Айдоочунун башын ооруткан 9 суроого жооп

3259
(жаңыланган 18:24 20.05.2020)
Кайгуул кызматкерлери токтоткон учурда кандай укугу бар экенин бардык эле айдоочу биле бербесе керек. Инспектордун айтканын аткарып эле туруп калбайын десеңиз Sputnik Кыргызстан агенттиги даярдаган материалды окуңуз.

Сиз айдоочусуз. Жолдон кайгуул кызматкерлери тосту дейли. Дароо эле оюңузга эмне келет? Көбүндө "кайсы жерден жол эрежесин бузуп жибердим?" деген суроо туулса керек. Бирок кайгуулчулар жол эрежесин бузган учурда эле эмес, башка да ар кандай себептерден улам токтотуп калышы ыктымал. Ушул маалда жаралчу суроонун баарына жооп алууга аракет кылдык.

Маалыматтар ИИМдин алдындагы ЖКККББ кызматынын сайтынан алынып, айрымдарына ИИМдин Жол кыймылы коопсуздугун камсыздоо башкы башкармалыгынын үгүт-насаат иштери боюнча тескөөчүсү Тилек Оторов жооп берди.

Баса, Sputnik Кыргызстан айдоочуларга пайдалуу маалыматтарды, суроо жараткан жол эрежелерин аныктап, зарыл болгон кеп-кеңештерди берип туруу максатында атайын рубрика ачкан.

Айдоочуну инспекторлор кандай кырдаалда токтотот?

  • Жол кыймылынын коопсуздугун камсыз кылуу үчүн түшүндүрүү, профилактикалык иштерин жүргүзүүдө;
  • Айдоочулар жана жүргүнчүлөр жол эрежесин бузганда;
  • Кылмыш кылган же жол кырсыгына себепчи болгон айдоочуларды издөөдө;
  • Изделип жаткан автоунааны аныктоодо;
  • Кылмыш же жол кырсыгы катталган учурда айдоочуну күбө катары суроодо;
  • Кыймылга чектөө жана тыюу салынган учурда;
  • Башка айдоочу, жүргүнчүлөргө же инспекторлорго жардам керек болгон учурда да кайгуул кызматы токтотот.

Инспектор токтоткондо автоунаадан чыгыш керекпи?

Жок. Айдоочу чыкканга чейин жол кайгуул инспектору токтоткон автоунаанын жанына басып келүүсү керек. Өзүн тааныштырып, кызматын, наамын айтып, андан кийин токтоткон себебин түшүндүрүп берет.

Документтер кандай учурда текшерилет?

Инспекторлор айдоочунун документтерин ЖКККББнын стационардык постторунан жана көзөмөл-өткөрүү пункттарынан гана текшериши керек. Мындан сырткары рейд, ыкчам издөө убагында жана башка иш-чараларда гана сураганга укуктуу. Тажрыйбалуу айдоочулардын берген кеңештери боюнча, айдоочу инспектордон эмне болгон рейд экенин сурап, аталышын, чындап жүрүп жаткандыгын ЖКККББнын ишеним номерине чалып тактаса болот.

Инспектордун талабын аткарбай кетип калууга болобу?

Автоунаа айдоочусу сөзсүз токтошу керек. Жол эрежесинин 2.1.1 пунктуна ылайык, айдоочулар инспекторлордун талабы боюнча айдоочулук күбөлүгүн, каттоо документтерин көргөзүшү керек.

Инспекторлор айдоочуну кандай кырдаалда токтотууга укугу жок?

ЖКККББнын инструкциясында жазылгандай, инспекторлор көрүнбөгөн жерге (мисалы, бак-дарактын арасына) бекинип турбашы керек. Алар рулда отурган кишиге алыстан так, даана көрүнгөндөй болушу шарт. Айдоочуну бак-дарактын арасынан чыга калып токтоткону же болбосо токтоп турган кызматтык эмес унаадан кокустан чыга калып тоскону мыйзамга туура келбейт.

Мындан сырткары жол кайгуул кызматкерлери айдоочуну жолдун аркы бетине туруп алып тосууга укугу жок. Бурулуштардан, кесилиштерден, өйдөгө чыгарда, ылдыйга түшөрдө, темир жолдон өтүп баратканда жана кооптуу аймактардан тосууга да тыюу салынган.

Ичимдик ичкендигин текшерген тестти кандай учурда колдонушат?

Айдоочу ичимдик ичүүгө шектелген учурда же жол кырсыгына кабылган мезгилде андан тест алынып, наркологиядан медициналык текшерүүдөн өтөт.

Кайгуул кызматкерин телефонго видеого тартса болобу?

Кайгуул кызматкерин да, айдоочуну да видеого тартканга болот.

Эгер инспектор автоунааны токтотуп, бирок анын жанына басып келбей койсо эмне кылуу керек?

Эгер инспектор токтоткон автоунаанын жанына басып келбесе, бир аз күткөн соң кете берсе болот. "Кетип калдың" деген айып тагылса, дароо ишеним номерлерге чалуу кажет.

Инспекторлордун айтканына макул болбосо, айдоочу эмне кылышы керек?

Эгер айдоочу инспекторлордун айтканына макул болбой, "мыйзам бузулуп жатат", "туура эмес жерге туруп алышкан" деген ой жаралса, ал ЖКККББнын ишеним номерлерине (0312) 63 09 01 кайрыла алат. Номерлер ар бир кайгуул кызматында бар. "Протокол туура эмес толтурулду" деп ойлосо, ошол документтин алдында "түшүндүрмө" деген жерине эмнеге макул эместигин жазып, колун коёт. Андан соң протоколдун көчүрмөсүн алып жетекчиликке арыз менен кайрылууга укуктуу.

3259
Белгилер:
мыйзам, укук, инспектор, айдоочу, жол эрежеси
Тема боюнча
Бишкекте ит кууган милиционерлердин видеосу. Окуянын чоо-жайы
Мечиттеги мусулман. Архивдик сүрөт

Жаш балдар, улгайгандар мечитке келбей тургула! Муфтияттын кайрылуусу

95
(жаңыланган 22:19 04.06.2020)
Жаш балдар, жашы өтүп калган кары-картаңдар жана ооругандар, дене табы көтөрүлүп жаткан жарандардын мечитке келбей туруусу кажет.

БИШКЕК, 4-июн. — Sputnik. Мечитке жана намазканаларга барган жарандарга бир катар эрежелер киргизилди. Бул тууралуу Кыргызстан мусулмандарынын дин башкармалыгы билдирди.

Билдирүүдө аталган жайларга келген элдин санитардык эрежелерди сактоосу шарт экени айтылды.

  • бет кап тагынып, кире бериштен дене табын өлчөтүүсү керек;
  • мечитте адамдардын ортосунда 1,5 метрлик аралыкты сакталышы шарт. Кол алышып, кучакташып көрүшүүгө тыюу салынат, даарат алуучу жайларда аралыкты жана санитардык талаптарды сактоо абзел;
  • жаш балдар, жашы өтүп калган кары-картаңдар жана ооругандар, дене табы көтөрүлүп жаткан жарандардын мечитке келбей туруусу кажет.

Республикада бардык мечиттерде даярдык жана түшүндүрүү иштери имамдарга жүктөлдү.

Муфтият тарабынан көрсөтүлгөн сунуштарда дааратты үйдөн алуу менен сүннөт намаздарды үйдөн окуп, мечитке келген жарандар көп убакытка кармалбай, 15-20 мүнөттүн аралыгында чыгып кетиши керектиги айтылат.

Муну менен катар жамаат намаздары ачык абада мечиттин короосунда өткөрүлүп, ар бир адам мечитке келгенде жайнамазын ала келүүсү сунушталат.

Буга чейин мечиттерге чектөөлөр алынгандыгына байланыштуу 8-июнунан баштап мечиттер, намазканалар, чиркөөлөр санитардык сактык чараларын толук сактоо менен бирге ишке кирери айтылган.

95
Белгилер:
сунуш, талап, чиркөө, намаз, имам, мечит, муфтият, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Мэрия: Бишкек азыр кооптуу, коронавирус жуктуруп алуудан абайлагыла
Жээнбеков: коронавирус инфекциясы аймактардагы көйгөйлөрдү ачыкка чыгарды
Башкы прокуратура. Архивдик сүрөт

Жыштык чыры: кылмыш ишти эмнеге Аскер прокуратурасы тергеп жатканы айтылды

72
(жаңыланган 21:44 04.06.2020)
Жыштыктар боюнча кылмыш иши мамлекеттин маанилүү делген тармагына тиешелүү болгондуктан, бул боюнча маалыматты ачык айтуу өлкө менен коомчулукка пайда алып келбейт.

БИШКЕК, 4-июн. — Sputnik. Радиожыштыктар боюнча мамлекетке зыян келтирген мыйзамсыз фактылары ашкереленери менен бул ишке күч түзүмдөрүндөгү кызматкерлердин кызыкчылыгы байкалып, мындан улам Башкы прокуратура ишти Аскер прокуратурасына өткөрүп берген. Бул тууралуу аталган көзөмөл органдын маалымат кызматынан кабарлашты.

Башкы прокуратуранын өндүрүшүнө өткөрүлгөн ишти кароо үчүн УКМК, ИИМ жана Аскер прокуратурасынын кызматкерлеринен турган ведомство аралык ыкчам-тергөө тобу түзүлгөн.

"Аталган иш мамлекеттин маанилүү делген тармагына тиешелүү болгондуктан, бул боюнча маалыматты ачыктап коюу мамлекет менен коомчулукка пайдалуу болбойт. "Мамлекеттик сырлар жөнүндөгү мыйзамга" ылайык, ал жашыруун сырды камтыган материал деп бекитилди. Азыр бир катар адамдардын бул иш боюнча кылмыш жасады деп шектелгени расмий маалымдалды. Мамлекеттик кызматкерлердин жана башкалардын бул кылмышка канчалык тиешеси бар экендигин аныктоо үчүн толук, ар тараптуу жана объективдүү тергөө жүрүп жатат", — деп айтылган маалыматта.

Вице-премьер Эркин Асрандиев
© Фото / Пресс-служба правительства/ Алишер Алиев
Сүйлөшүп алган жетекчилердин тобу радиожыштыктарды колдонуучу технологияларга ээ болуп жана лицензияларды кайра каттатууда жеке компаниялардын кызыкчылыктарын улам коргоп, жылдырып отурган. Мунун эсебинен мамлекет зыян тарткан. Бул Кылмыш кодексинин 319-беренесине ("Коррупция") туура келди.

Эске сала кетсек, 20-май күнү парламенттин жыйынында депутат Жанар Акаев эки радиожыштык арзан сатылып кеткенин айтып чыгып, бул өкмөт башчы Мухаммедкалый Абылгазиевдин уруксаты менен гана жасалышы мүмкүн экенин айткан. Анын айтымында, өлкө казынасы мындан 5 миллиард сомдук зыян тарткан. Премьер-министр жооп кайтарып, кыска мөөнөттүү эмгек өргүүгө кеткен.

Буга чейин Башкы прокуратура коррупцияга шектелип Байланыш агенттигинин беш кызматкери кармалганын маалымдаган.

72
Белгилер:
тергөө, Башкы прокуратура, УКМК, кылмыш, Кыргызстан
Тема боюнча
Жыштык чырына тиешеси жок. УКМК Байымбетовдун иштен кетишин түшүндүрдү
Премьер-министр Абылгазиев жыштык чуусунан улам эмгек өргүүгө кетти

Нью-Йоркто акцияга чыккандар камалууда. Видео

0
АКШда башаламандык афроамерикалык Жорж Флойддун өлүмүнөн кийин башталып, бир катар мамлекеттерге жайылды.

Нью-Йорк полициясы АКШдагы полициянын зомбулугуна нааразы болуп, акцияга чыккандардын арасынан 60 кишини камакка алды. Полиция департаментинин жетекчисинин айтымында, кармалгандар коменданттык сааттын эрежесин бузушкан.

Ал тартип сакчылары мыйзамдын бузулушуна жол бербей турганын айтып, шаар тургундарынын коопсуздугу үчүн бардык кадамдарга барарын белгиледи.

0
Белгилер:
башаламандык, Жорж Флойд, Нью-Йорк, АКШ, полиция
Тема:
АКШда афроамерикалыктын өлүмүнөн кийинки башаламандык
Тема боюнча
Мен — Жорж Флойдмун. АКШдагы акциялар дүйнөгө жайылды. Видео
Унчукпай кутулушту. Ак үйдү митингчилерден кайтарган аскерлердин видеосу
Кайрадан орустар. АКШдагы козголоңго Москваны айыптоо кимге зарыл?