Мороженое в рожке. Архивное фото

Торт, балмуздак, туз. Жүрөккө "бычак" азыктар аталды

631
Жүрөккө зыяндуу азыктардын бири — туз. Туздуу тамактарды жакшы көргөндөр андан дароо баш тарта калбай, бара-бара тузу азыраак тамакка өткөнү дурус. Бир күндүк норма алты граммдан ашпашы керек.

БИШКЕК, 21-май — Sputnik. Россиялык дарыгер-кардиолог, медицина илимдеринин кандидаты Анна Кореневич өзүнүн YouTube-каналы аркылуу жүрөк-кан тамыр системасынын иштөөсүн жакшыртыш үчүн кайсы тамактардан баш тартуу керек экенин айтты. Дарыгердин кеңештери РИА Новостиге жарыяланды.

Кардиологдун айтымында, таттуулардагы, булочка, печеньенин курамындагы шекер жүрөк-кан тамырдын иштөөсүн начарлатат.

"Ак нан, ак күрүч, булочка, пирожное сыяктуу таттуу нандардын организмге таптакыр кереги жок. Ансыз жашасак болот. Торт, балмуздак, чипсы, картошка фри, биринчи сорттогу ундан тез жасалган нан, мунун баарын акырындык менен тизмеден чийүү керек. Ак нандын ордуна кара нан жеп, акшак, ар кандай дандан жасалган ботко жеген пайдалуу", — деген дарыгер.

Жүрөккө "бычак" делген азыктардын дагы бири — туз. Туздуу тамактарды жакшы көргөндөр андан дароо баш тарта калбай, бара-бара тузу азыраак тамакка өткөнү дурус. Бир күндүк норма алты граммдан ашпашы керек. Тузду көп колдонуу кан басымды жогорулатып, бөйрөк, остеопороз, муун ооруларына да алып келет.

Кара тизмеге ичимдик да кирген. Адистин айтымында, кызыл шарап гана ичсе болот. Бирок аны да жумасына үч-төрт жолудан ашык ичүүгө болбойт. Ичимдиктердин арасынан сыра абдан зыян. Көбүгүндөгү кобальттын көптүгү жүрөккө терс таасир этет.

Кардиолог жүрөк-кан тамырдын иштөөсүн начарлаткан азыктардын арасына тез татым, сосиска жана пальма майын да кошкон.

631
Белгилер:
азык, кеңеш, кардиолог, кан тамыр, жүрөк
Тема боюнча
Кардиолог жүрөктүн иштөөсүн жакшырткан азыктарды атады
Мужчина достает папку Дело № из полки

Күзөтчүнүн будкасын талкалай сүзүп... Айдоочу камакка алынып, иш козголду

6
(жаңыланган 15:32 07.06.2020)
Жолтандабастын айдоочусу убактылуу кармоочу жайга киргизилип, тергөө амалдары жүрүп жатканы айтылды. Анын ишин Биринчи Май райондук ИИБ карамай болду.

БИШКЕК, 7-июн. — Sputnik. Бишкекте күзөтчү отурган жайды жолтандабасы менен талкалай сүзгөн 30 жаштагы айдоочуга карата кылмыш иши козголду. Бул тууралуу Биринчи Май райондук Ички иштер башкармалыгынын маалымат кызматы билдирди.

Эске салсак, кечээ, 6-июнда, Бишкекте жаалданган айдоочу күзөтчү отурган жайды жолтандабасы менен сүзүп талкалап, андан кийин ага кол көтөргөн. Көп өтпөй соцтармакта ошол эле айдоочу ЖКККББ кызматкерлеринен качып бараткан кинодогудай видео тараган.

Күзөтчүнүн будкасын талкалап, инспекторлордон качкан айдоочу 30 жаштагы киши экени белгилүү болгон. Анын мас экени аныкталып, автоунаасын текшерүү учурунда эки огу менен газ тапанча жана бычак табылганы айтылды. Автоунаа айып короого токтотулуп, Кемин райондук жана Бишкектин Биринчи май районундагы Ички иштер башкармалыгында сотко чейинки өндүрүш иштери башталган болчу.

Маалыматка ылайык, аталган факт Биринчи Май райондук ИИБдин Кылмыш жана жоруктардын бирдиктүү реестрине 266-берене ("Бейбаштык") менен каттоого алынып, кылмыш иши козголду. Чүй ОИИББ керектүү материалдын бардыгы Бишкекке өткөрүп бериле турганын билдирди.

Жолтандабастын айдоочусу Бишкек ШИИББдин убактылуу кармоочу жайына киргизилип, учурда тергөө амалдары жүрүп жатат.

6
Белгилер:
камак, кылмыш иши, жолтандабас, айдоочу, ИИББ, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкектин чок ортосунда автоунаа сүзүп мүрт кеткен аял. Кырсыктын видеосу
Медициналык кызматкерлер тез жардам унаасында. Архив

Жолдон төрөтүп, аман алып калган абысыныма ыраазымын. Ак жарык

40
(жаңыланган 15:19 07.06.2020)
Адамдын көңүлү — гүл. Жылт эткен жарык, жакшы көз караш, жагымдуу сөз маанай көтөрүп, ал тургай бир нече күн жүрөктү жылуулук аралап жүрөт.

Sputnik агенттиги окурманга жылуулук чачкан, жакшылык кылууга чакырган макалаларды жарыялап келет. Бул ирет редакцияга келген катка көңүлүңүздөрдү буруп, абысындын жасаган жакшылыгынан улам жарык дүйнөгө аман-эсен, ден соолугу чың наристе келгендиги тууралуу айтылат.

...Саламатсыздарбы, мен да сиздердин "Ак жарык" рубрикаңыздар аркылуу абысынымдын кылган жакшылыгы үчүн ыраазычылык билдирүүнү эп көрүп турам.

Биз шаар сыртындагы жаңы конуштарда жашайбыз. Там салып алганбыз. Үч балабыз бар. Экинчи кайним үйлөнгөндө короого кичирээк там салып өздөрү үйлүү болгуча деп бөлүп койгонбуз. Кайнатамдар айылда жашайт.

Ошентип менден жети жаш кичүү, тарсылдаган тың, ачык-айрым абысындуу болдум. Менин мүнөзүм жоош, кенебей, шашылбай жүрө бермейим бар. Тигүүчү болуп иштегендиктен жумуштан дайыма кеч кайтам. Абысыныма дагы бир ичим жылыганы — мен жумуштан келгиче балдарыма көз салып, тамагын берип курсагын тойгузуп коюп жүрдү. Күн бою жумушта жүргөн энелерге бул аябай эле чоң жардам. Жолдошум да ишине байланыштуу кеч бошогондуктан, балдарды бакчадан алып коюу кайнимдин мойнунда болчу.

Абысыным келгенде үчүнчү балам боюмда болчу. УЗИге барсам "бала туура эмес жатып алыптыр, бирок төрөгүчө түздөнөт" деп айткандан элден угуп көптү төрөгөн эжеге ырым-жырым жасаткам.

Белгиленген күнүмө жетпей эле бир күнү ичим акырындан ооруп баштады. Мен ай толгоо го деп камырабай, акырын басып үй иштерим менен жүрө бердим. Байкасам улам эле кармап, акырындан катуулай берди. Эмнеси болсо дагы деп ооруканага алып барчу оокаттарымды дагы бир сыйра даярдап иреттегенче чай койдум. Абысынымды чакырып, ичим ооруп жатканын айтсам эле чала-була чай ичип "анда даярданыңыз, кебетеңиз башкача болуп турат" деп шаштырып кирди.

Кийинип даярданып баштаганда эле суу кетти, айламды таппай калдым. Абысыным ырас чуркап барып кошунаны айдатып келе коюптур. Өзүмдү колго алып эптеп машинеге отуруп, аны-муну салып жөнөп калдык. Анан эле жолдон такыр болбой калдым. Айдоочунун да шаштысын кетирдик. Келиним да "жеңе, такыр шашпайсыз" деп чыйпылыктап урушуп жатат. Төрөтканага жетпей каларыма көзүм жеткенде абысыныма: "Өлүп калам го, кантип төрөйм? Бала келип калды", - деп кыйналганыма коркконум кошулуп көзүм алайды. Ошондо келинимдин чечкиндүүлүгүнө таң бердим. Өзү жаңы турмушка чыккан жаш келин. Машинаны жолдун чекесине токтоттуруп, айдоочуну чыгарып жиберди да, мени төрөтүүгө киришти. Он беш мүнөткө жетпей алышып жатып бат эле төрөп койдум.

Жаным жай алганы менен ичимен "эми дарыгерлер не дейт, бала жакшы эле төрөлдү бекен?" деп сарсанаа болуп жатып карасам, келиним байкуш менин аркы-беркилеримди жыйнап, бала менен алектенип, бир сүйүнүп, бир чыйпылыктап жатканын көрдүм. Ичим ысып, ыраазы болдум. 

Ошентип айдоочу төрөтканага алып келип токтотуп, абысыным кирип эле медиктерди чакырып чыкты. Ичимен коркуп, тынчсызданып жаттым. Ак халатчандар бизди палатага киргизип, мени жайгаштырып, баланы да карап, журналына жазып абысыныман төрөт тууралуу сурай баштады. Көрсө, бала буту менен келиптир. Медиктер буту менен келген баланы келиним туура төрөтүп алгандыгын, бул оңой эмес экендигин айтканда бир аз жеңилдей түштүм. Алар деле таң калып күлүштү. Байкуш келиним бала каягы менен келерин деле билбептир. Ал өзү таң калып жүрөт. Экөөбүз тең жашып, кучакташып, кыйынчылыктан бирге чыкканыбызга сүйүндүк. Рахматымды айттым.

Мен өзүмдү бир өлүмдөн калгандай сездим. Эне-баланын өмүрүн сактап, киндик энеси болгон абысыныма ыраазымын.

Баса, эки уулдан кийин төрөлгөн кызымдын ысымын атасы экөөбүз кеңешип абысыныма койдурдук.

Азыр абдан ынакпыз. Өзү төрөп көрбөсө да ошондогу чечкиндүүлүгүнө, айдай кызым экөөбүздүн өмүрүбүздү сактаган батылдыгына рахмат!

40
Белгилер:
медик, келин, кыз, бала, төрөткана
Тема:
Ак жарык
Тема боюнча
Бетиме жайылган кан, такси менен жеткирген шаардык аба. Абитуриенттин ак жарыгы
Жолдо эскертүүчү жол белгиси. Архив

Талкаланып, түтүн чыгып... Бишкекте Porsche менен BMW кагышкан видео

0
(жаңыланган 15:38 07.06.2020)
Бир унаада айдоочу өзү эле болсо, экинчисинде төрт киши отуруп бараткан. Милиция кырсыкты тастыктап, ал териштирилип жатканын билдирди.

БИШКЕК, 7-июн. — Sputnik. Бишкекте BMW жана Porsche үлгүсүндөгү унаалар кагышып, кишилер жабыркаганы тууралуу маалымат "Короче" деп аталган Telegram-каналда жарыяланды.

Окуяга күбө болгондордун айтымында, кырсык 7-июнга караган түнү саат 3:00дөр чамасында Профсоюз жана Месарош көчөлөрүнүн кесилишинде болгон.

"Porsche унаасында айдоочу гана болгон. Ал эми BMW автокөлүгүндө төрт адам отуруп бараткан. Мен ичиндегилердин жабыркаганын көрдүм", — деп билдирди күбө.

ИИМдин Кайгуул милиция кызматы кырсык болгонун тастыктады. Окуянын чоо-жайы такталып жатат.

0
Белгилер:
видео, кырсык, унаа, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Күзөтчүнүн будкасын талкалай сүзгөн айдоочу кантип кармалганы айтылды