Башкы прокурор Өткүрбек Жамшитов. Архив

Башкы прокурор чет өлкөдө соттолгон канча кыргызстандык кайтарылганын айтты

53
(жаңыланган 12:39 21.05.2020)
Сыртта соттолгон жарандарды кайтарып алууга бир катар өлкөлөр жана бирикмелер менен түзүлгөн эл аралык келишимдер жардам берет.

БИШКЕК, 21-май — Sputnik. Былтыр чет өлкөлөрдө соттолгон 144 кыргыз жараны мекенине алып келинди. Бул тууралуу башкы прокурор Өткүрбек Жамшитов парламентте сүйлөп жатып билдирди.

Ага депутат Жыргалбек Турускулов: "Чет өлкөлөрдө соттолгон кыргызстандыктарды экстрадициялоо боюнча Башкы прокуратура кандай иштерди алып барып жатат?" - деген суроо берди.

"Негизинен булар Россия жана Казакстанда жазасын өтөп жаткандар. Учурда мамлекеттик тиешелүү органдар дагы башка жарандарды Кыргызстанга которуп алуу боюнча иштерди алып барууда", — деди Жамшитов.

Башкы прокурордун айтымында, башка жакта кылмыш кылып соттолгон кыргызстандыктарды кайтарып келүүгө "КМШ мамлекеттеринин ортосундагы конвенция", "Кытай менен Кыргызстандын ортосундагы соттолгон адамдарды өткөрүп берүү тууралуу келишим", "Иран жана Кыргызстандын ортосундагы соттолгон адамдарды өткөрүп берүү боюнча макулдашуу", "Кыргызстан менен Бириккен Араб Эмирлигинин ортосундагы келишимдер" жардам берүүдө.

Ошондой эле Түштүк Корея, Түркия, Белоруссия сыяктуу өлкөлөр менен ар кандай келишимдер бар.

Тышкы иштер министрлигинин 2019-жылдын аягына карата берген маалыматка караганда, 1778 кыргызстандык учурда чет өлкөлөрдө жаза өтөп жатат. Алардын көбү Россия, Казакстан, Түркия жана Өзбекстандын абактарында. Түрмөдөгүлөрдүн басымдуу бөлүгү баңгизат, адам өмүрүнө, ден соолугуна же жыныстык кол тийбестигине каршы кылмыштарды жасап соттолгон.

53
Белгилер:
экстрадиция, чет өлкө, Башкы прокуратура, Өткүрбек Жамшитов
Тема боюнча
Нарында Жер ресурстары мамагенттигинин 6 кызматкеринен вирус чыкты
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты
Бишкек шаары. Архив

Бейшембиге карата аба ырайы

62
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

62
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы