Ребенок стоит спиной в подъезде. Иллюстративное фото

Башкы прокуратура: зомбулукка кабылган балдар көбөйүп жатат

61
(жаңыланган 13:31 21.05.2020)
Башкы прокурор Өткүрбек Жамшитов балдарга карата жасалган зомбулук көбүнчө Бишкек, Ош, Талас жана Балыкчы шаарларында өсүп жатканын белгиледи.

БИШКЕК, 21-май — Sputnik. Былтыр Кыргызстанда зордук-зомбулукка кабылган балдардын саны өскөн. Бул тууралуу башкы прокурор Өткүрбек Жамшитов парламентте сүйлөп жатып билдирди.

Эске салсак, ушул тапта парламент Башкы прокуратуранын 2019-жылкы иши боюнча отчетун угуп жатат.

Депутат Айнура Аскарова карантин учурунда жашы жете элек балдардын өз жанын кыюусу боюнча фактылар катталып жатканын айтып, бул жаатта кандай иштер болуп жатканына кызыкты.

"Чындап эле карантин убагында балдардын зомбулукка учурашы боюнча иштер катталды. Жергиликтүү органдарга түшүндүрүү иштерин жүргүзүү боюнча тапшырма берилди. Негизинен былтыр мурдагы жылдарга караганда балдар зомбулукка көп кабылды", — деди Жамшитов.

Анын айтымында, 2019-жылы балдарга карата 4533 материал катталган. Анын ичинен 2574 кылмыш иши, 1959у жоруктар боюнча болгон.

"Зомбулук көбүнчө Бишкек, Ош, Талас жана Балыкчы шаарларында өсүп жатат", — деди башкы прокурор.

Ал жашы жете электерге жана аялдарга карата зомбулукка каршы күрөшүү прокуратура органдары үчүн артыкчылыктуу багыт экенин кошумчалады.

61
Белгилер:
зомбулук, аял, бала, Өткүрбек Жамшитов, Башкы прокуратура
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты
Бишкек шаары. Архив

Бейшембиге карата аба ырайы

62
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

62
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы