Карантин учурунда фитнес-клуб. Архив

Мэрия: 25-майдан тарта бассейн, фитнес-клубдар иштей баштайт

192
(жаңыланган 14:49 21.05.2020)
Спорт залдарда күрөш, бокс, футбол, баскетбол сыяктуу бири-бири менен байланышкан, топ-топ болгон машыгууларга тыюу салынат.

БИШКЕК, 21-май — Sputnik. 25-майдан тарта борбор калаада бассейн, фитнес-клуб, спорт, машыгуу залдары иштей баштайт. Бул тууралуу мэриянын маалымат кызматы кабарлады.

Билдирмеге караганда, мындай тизмени мэрия Республикалык штабдын чечимине таянып түзгөн.

"Спорт залдарда күрөш, бокс, футбол, баскетбол сыяктуу бири-бири менен тыгыз байланышкан, топ-топ болгон машыгууларга тыюу салынат. Жалгыздап машыккандарга гана кирүүгө уруксат. Ошондо дагы аралыкты сактап, санитардык талаптар так аткарылышы керек", — деп айтылат билдирүүдө.

Буга чейин өкмөт 25-майда өлкөдөгү ири базарлар, анын ичинде "Дордой", "Орто-Сай", "Ош", "Кара-Суу" базарлары иштей баштай турганын айткан. Мындан сырткары, 50 орундан ашпаган коомдук тамактануу жайлары, театр, музей, китепкана сыяктуу маданий агартуу жайларынын иши да бул күндөрү жанданат.

Шаар ичиндеги коомдук транспорт да 25-майдан тарта эл ташый баштайт.

Коронавирустун кесепети

Кыргызстанда коронавирус 1313 кишиден табылса, анын 929у айыгып, 14ү каза болду.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Ушу тапта өлкө аймагында абал кандай болуп жатканын Sputnik жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

192
Белгилер:
спорт, машыгуу, бассейн, Бишкек, Кыргызстан
Тема:
Коронавируска байланыштуу Кыргызстандагы кырдаал (2486)
Тема боюнча
Мамкаттоо: мөөнөтү өтүп кеткен паспорт, каттоо үчүн айып салынбайт
Жолду өтүп бараткан окуучу. Архивдик сүрөт

Мектептер ачылат, балдарга аяр мамиле жасагыла! Милиция айдоочуларга эскертти

93
(жаңыланган 21:28 17.01.2021)
Борбор калаанын милициясы айдоочуларга кайрылып жатып эртең, 18-январдан тарта, мектептерде 1-5-9унчу жана 11-класстар окуй баштаарын эскертти.

БИШКЕК, 17-янв. — Sputnik. Бишкек шаардык милициясы коомдук транспорттун айдоочуларын окуучуларга, бөтөнчө кичинекей класстын балдарына аяр мамиле жасоого чакырды.

ШИИББ айдоочуларга кайрылып жатып эртең, 18-январдан тарта, мектептерде 1-5-9унчу жана 11-класстар окуй баштаарын эскертти.

"Шаардык милиция коомдук транспорттун айдоочуларын окуучуларга, бөтөнчө кичинекей класстын балдарына аяр мамиле жасоого чакырат. Аларга түшүнүү жана жоопкерчилик менен мамиле жасап, зарыл болсо жардамыңыздарды аябаңыздар. Жолдордо жана аялдамаларда этият болуңуздар, балдар бар жерден абайлап өтүңүздөр жана суукта калтырбай алып кетиңиздер", — деп жазылган билдирмеде.

Ошондой эле жоголгон окуучуну кезиктирип калгандарды жакынкы аралыктагы милицияга тапшырып же күнү-түнү иштеген 102 номерине чалып коюуну өтүнүштү.

93
Белгилер:
эскертүү, мектеп, окуучу, Бишкек
Тема боюнча
Эки топко бөлүнүп, 20-25 мүнөттөн окушат. Мектептеги окуу боюнча 6 суроого жооп
Муз каптаган жол. Архивдик сүрөт

Дүйшөмбүгө карата аба ырайы

39
18-январга караган түнү Кыргызстандын аймагында жаан-чачын жаабайт. Жолдор тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

БИШКЕК, 17-янв. — Sputnik. Дүйшөмбү, 18-январда, күндүзү республика боюнча күн ачык болот. Бул тууралуу Кыргызгидромет маалымдады.

Абанын температурасы Чүйдө +8...+13, Талас аймагында +9...+14, Ош, Жалал-Абад, Баткен облустарында +10...+15, Ысык-Көл өрөөнүндө +2...+7, ал эми Нарын жергесинде -2...-7 градус болору айтылды.

Күндүн табы Бишкекте +11...+13, ал эми Ошто +13...+15 градусту көрсөтөт.

39
Белгилер:
аба ырайы, Кыргызстан, январь
Тема боюнча
Күн жылып жаз чакырат. Бир жумага карата аба ырайы