Кайгуул милиция кызматкери. Архив

Облус борборлорунда Милициянын кайгуул-күзөт кызматы иштей баштайт

134
(жаңыланган 14:54 21.05.2020)
Аймактык ички иштер органдарынын түзүмдөрүндө "Милициянын кайгуул кызматы" деп аталган жаңы бөлүмчөлөр баскыч-баскычы менен түзүлөрү айтылды.

БИШКЕК, 21-май — Sputnik. Ош шаарында, облус борборлорунда Милициянын кайгуул-күзөт кызматы түзүлө баштады. Бул туурасында өкмөттөн кабарлашты.

Премьер-министр Мухаммедкалый Абылгазиев тиешелүү чечимге кол койду.

"Документ ички иштер органдарында Милициянын кайгуул-күзөт кызматынын бөлүмчөлөрүн түзүү, коомдук тартипти жана жол коопсуздугун камсыз кылуу боюнча долбоорду уланта турган Кыргызстандын административдик бирдиктеринин тизмесин кеңейтүү максатында кабыл алынды", — деп айтылат билдирүүдө.

Өкмөт буга чейин Бишкекте сынамык долбоор катары иштеп жаткан Милициянын кайгуул-күзөт кызматы жакшы натыйжа бергендигин белгилеген.

Башында Бишкек шаарында Кайгуул милициясын түзүү боюнча пилоттук долбоорду 2019-2020-жылдары ишке ашыруу пландалып, андан кийин реформа бүт өлкөнү камтый турганы айтылган. Пилоттук негизде иштей турган Милициянын кайгуул кызматын каржылоого 197,2 миллион сом каралганы да айтылган.

Андан соң Жол коопсуздугун камсыздоо башкы башкармалыгы Кайгуул кызматынын башкармалыгында иштейм дегендерге сынак жарыялаган.

Түзүлүп жаткан Милициянын кайгуул кызматынын бөлүмчөлөрүндө бир катар өзгөрүүлөр, анын ичинде Кайгуул-күзөт кызматынын бөлүмчөлөрүнүн экипаж курамында кызмат өтөө тартибинде өзгөртүүлөр каралууда. Эми алардын 1-июлдан тарта коомдук тартипти, ошондой эле жол кыймылы коопсуздугун камсыздаары айтылган.

"Жол кыймылынын коопсуздугун камсыздоо башкы башкармалыгынын, ЖКККББ жана аймактык ички иштер органдарынын Кайгуул-күзөт кызматынын бөлүмчөлөрүнүн учурдагы бардык ыйгарым укуктары жана жоопкерчилиги түзүлүп жаткан Милициянын кайгуул-күзөт кызматынын бөлүмчөлөрүнө өткөрүп берилет", — деп айтылат маалыматта.

ЖКККББнын жөнүндө жобого да айдоочулардын мас экенин аныктоо максатында медициналык күбөлөндүрүү үчүн жөнөтүүгө, ошондой эле рулдагы кишинин ичип алганын атайын техникалык каражаттарды колдонуу менен күбөлөндүрүүдөн өткөрүү жаатында өзгөртүүлөр киргизилүүдө.

134
Белгилер:
чечим, токтом, жол коопсуздугу, Жол кайгуул кызматы, Кыргызстан
Тема боюнча
Бишкекте ит кууган милиционерлердин видеосу. Окуянын чоо-жайы
Нарында 8 милиция кызматкеринен коронавирус чыкты
Өспүрүм бала. Архив

Акыйкатчы институту: Чүйдөгү балдар үйүндө өспүрүм белгисиз жагдайда каза болду

34
Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган.

БИШКЕК, 13-июн. — Sputnik. Военно-Антоновкадагы балдар үйүндө 13 жашар өспүрүм көз жумуп, мындан улам өлкө акыйкатчысы аталган мекеменин жетекчисинин кызматтан четтетилишин талап кылып жатат. Бул тууралуу окуяны өз көзөмөлүнө алган Акыйкатчы институтунан билдиришти.

Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

"Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. КР Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынын четтетүү тууралуу кат жолдоду", — деп айтылат билдирүүдө.

Акыйкатчы институтунан билдиришкендей, каза болгон өспүрүм буга чейин өзүн асырап алуучулар менен төрт жолу жолуккан.

"Якуниндин трагедияга чейин ден соолугу чың болгону тууралуу медициналык маалым каттар бар. Дагы бир маанилүү нерсе, 2020-жылы февралда КР Акыйкатчы аппаратынын балдарды коргоо бөлүмү балдар мекемелерине, анын ичинде Военно-Антоновкадагы балдар үйүнө да мониторинг жүргүзгөн эле. Жыйынтыгында бир катар сунуштамалар берилген. Бирок алар өз убагында аткарылган эмес. Бул фактылар боюнча да күнөөлүү адамдарды жоопкерчиликке тартуу боюнча иштер жүргүзүлүүдө", — деп айтылат билдирүүдө.

Мекемеден кошумчалашкандай, бул фактыны иликтөө боюнча өкмөттүк комиссия түздүрүү боюнча аракеттер көрүлүп жатат.

Ал эми өлкө президентинин маалымат кызматынан билдиришкендей, аталган окуя боюнча ведомстволор аралык комиссия түзүлүп, маселени Кыргызстандын Балдар укугу боюнча ыйгарым укуктуу өкүлү Жыпариса Рысбекова өз көзөмөлүнө алды. Учурда окуянын чоо-жайы такталып жатат.

34
Белгилер:
иликтөө, Акыйкатчы институту, өлүм, өспүрүм, балдар үйү
Тема боюнча
Айзаданы ала качууга шектүүлөрдүн бири окуянын чоо-жайын айтып берди
New Shepard кемесинде Blue Origin жана Amazon ишканаларынын негиздөөчүсү Жефф Безос. Архив

11 мүнөт үчүн 28 миллион доллар. Безос менен космоско учуучу орун сатылды

32
(жаңыланган 13:31 13.06.2021)
Аукционго катышуу ниетин билдирип дүйнөнүн 159 өлкөсүнөн 7 600 киши катталды. Жеңүүчү аукцион бүткөндөн бир нече апта өткөн соң жарыяланат.

БИШКЕК, 13-июн. — Sputnik. Аты айтылбаган сатып алуучу америкалык Blue Origin компаниясынын New Shepard кемеси менен космоско учуу мүмкүнчүлүгү үчүн 28 миллион доллар төлөдү. Бул тууралуу аталган компанияга таянып "Известия" жазды.

Сатыкка катышуу үчүн 159 өлкөдөн 7 600дөй киши катталган. Аукциондун жеңүүчүсү New Shepard кемесинде Blue Origin жана Amazon ишканаларынын негиздөөчүсү Жефф Безос жана анын агасы Марк менен бирге 20-июлда космоско учат. Асманга учуу болжол менен 11 мүнөткө созулат.

New Shepard Техастагы космодромдон көтөрүлөт.

Капсула экипаждан ажырагандан кийин тигинен конууга туура келет, капсула Жердин бетинен болжол менен 105 чакырым бийиктикке көтөрүлүп, андан кийин парашют менен конот.

Жеңүүчү аукцион бүткөндөн бир нече апта өткөн соң жарыяланары белгиленет. Кийинчерээк төртүнчү жана экипаждын акыркы мүчөсүнүн ысымдары айтылат.

Blue Origin буга чейин New Shepard космос кемесинде пилотсуз режимде 15 ирет тесттик учуулар жасалган. Акыркысы апрель айынын орто ченинде болгон.

32
Белгилер:
АКШ, Жефф Безос, учуу, космос, аукцион
Тема боюнча
Кытай алгачкы жолу Марска космостук аппаратын кондурду