Жылкылар. Архив

Жылкылардан оору чыктыбы? Мессенджерде тараган маалыматтын чын-бышыгы айтылды

1944
(жаңыланган 22:28 21.05.2020)
Мессенджерде тараган видео кайдан тартылганы аныкталып, өлгөн жылкыдан ветеринарлар барып анализ алган.

БИШКЕК, 21-май — Sputnik. Кыргызстанда жылкылардан эч кандай оору чыккан жок. Бул тууралуу Ветеринардык жана фитосанитардык коопсуздук боюнча мамлекеттик инспекция билдирди.

Буга чейин соцтармак, мессенджерлерде жылкылардын ылаңы тууралуу маалымат тарап кеткен.

"Жылкылар турган жеринде бышылдап эле жыгылып жатат. Этин жебей тургула, кымызды да этияттагыла. Айрыкча "теңгене" эт деп келсе албагыла, тааныштарга таратып койгула!" — деген билдирүүлөр тараган.

Мындан сырткары соцтармакка жылкылардын жөтөлүп, ары-бери чуркап өлүп калып жаткан видеолору да тараган. Аларды тарткан авторлор малга да коронавирус жукканын айтышкан.

Ветеринардык жана фитосанитардык коопсуздук боюнча мамлекеттик инспекциянын маалымат катчысы Рахат Садырбекова "жылкылардан коронавирус чыгып жатат" деген фейк экенин айтып, видеодогу өлгөн жылкыны инспекция кызматкерлери текшерип келгенин кошумчалады.

"Бул видео Ысык-Көл облусунда тартылыптыр. Анда бир нече эмес, бир эле жылкы ушундай кыйналып өлгөн. Ал кайдан тартылганын аныктаган соң кызматкерлерибиз барып анализ алды. Республикалык лабораториядан анализи таза чыкты. Эч кандай вирус жок экен. Өлкөдө жылкылардан, малдан вирус табылган жок. Андай коркунуч жаралса, биз алдын ала маалымат бермекпиз. Айрымдары жылкынын өлгөн эски видеолорун деле соцтармакка жүктөп жатышат", — деди Садырбекова.

Ал ошондой эле кыргызстандыктарды кымызга коркпой эле барып, бээнин сүтүн кооптонбой иче беришин айта кетти.

1944
Белгилер:
оору, ветеринария, жылкы, Ысык-Көл облусу
Тема боюнча
Адис жумуртка кантип резинадай болуп каларын көрсөтүп берди. Видео
Бишкек шаарындагы 11-кичи районундагы таштанды карьери

Бишкектин 11-кичи районундагы быкшыган түтүн токтой элек. Видео

24
(жаңыланган 00:52 07.08.2020)
Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан.

БИШКЕК, 7-авг. — Sputnik. Бишкек шаарынын 11-кичи районундагы таштанды карьеринин быкшыган түтүнү токтой элек. Анын видеосун шаар тургуну Михаил Дудин Facebook баракчасына жүктөдү.

Буга чейин 5-августта мэриядан таштандылар казылып, түтүн чыгып жаткан жерге муниципалдык кызматтар дароо барып өчүргөнүн айтып, ага "Тазалык" муниципалдык ишканасынын суу ташыган автоунаасы тартылгандыгын кабарлаган.

Мэрия: Бишкектеги 11-кичи райондун карьеринде күйгөн таштандылар өчүрүлдү

Дудин өзүнүн видеосунун алдына акын Корней Чуковскийдин ийгиликсиз өрт өчүрүү жөнүндө жазылган "Путаница" ырын жазып, комментарийде от өчүрүлбөгөндүгүн айткан.

Ал эми Бишкек мэринин кеңешчиси Гуля Алмамбетова эгер таштанды кайра түтөп баштаса, аны өчүрүү иштери улантыла тургандыгын билдирди.

"Шаар тургундары ал жерге таштанды ыргытпашы үчүн тегерегин казып салдык", — деди ал.

Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан. Түтүн шаардыктарды уулантып жатат деп даттангандар болгон. Ал эми мэрия күнөөлүүлөрдү табууну убадалаган.

Шаардыктардын айтымында, карьерге 2018-жылы топурак төгүлчү, ал эми өткөн жылдын жайынан бери таштанды ыргытыла баштаган. 2020-жылдын жазынан тарта таштандыларды тобу менен алып келип төгө башташкан.

24
Белгилер:
түтүн, таштанды, Бишкек мэриясы
Тема боюнча
Түндө Ошто беш үй өрттөндү. Жалынды өчүрүп жаткандагы видео
Медициналык кызматкерлер. Архив

Медиктерге компенсациялык төлөмдөр үчүн кошумча 430 миллион сом бөлүндү

21
(жаңыланган 22:22 06.08.2020)
Бул каражат июль айы үчүн компенсациялык төлөмдөргө жумшалат. Анын 400 миллиону Милдеттүү медициналык камсыздандыруу фондуна, калган 30 миллион сому Саламаттык сактоо министрлигине берилет.

БИШКЕК, 6-авг. — Sputnik. Республикалык бюджеттен медицина кызматкерлерине компенсациялык төлөмдөр үчүн кошумча 430 миллион сом бөлүндү. Бул тууралуу өкмөттөн билдиришти.

Бул каражат июль айы үчүн компенсациялык төлөмдөргө жумшалат. Анын 400 миллиону Милдеттүү медициналык камсыздандыруу фондуна, калган 30 миллион сому Саламаттык сактоо министрлигине берилет.

Бишкекте жок. Акыркы суткада башка аймактардан 37 медиктен COVID аныкталды

"Аталган чечим эпидемия очокторунда оору жугузуп алуу тобокелчилиги жогору болуп иштеген медицина кызматкерлерине дем берүү максатында кабыл алынды", — деп айтылат билдирүүдө.

Эске салсак, жалпысынан республика боюнча COVID-19 диагнозу менен медициналык кызматкерлер арасында 2911 учур катталды, алардын ичинен 1973 ак халатчан  айыкты.

21
Белгилер:
каражат, төлөм, дарыгер, Кыргызстан
Тема боюнча
Медиктерге июль айында 396 млн сом компенсация бөлүнгөн. Облус боюнча тизме