Москва шаарына мигранттын документин текшерип жаткан полиция кызматкерелри. Архив

РФтеги мекендештер паспортунун мөөнөтүн кайдан узарта алат? Элчиликтин жообу

62
(жаңыланган 09:23 22.05.2020)
2004-жылкы үлгүдөгү КР жаранынын паспорту (эски үлгүдөгү ID-карта) жана чет жакта жүргөн жарандар үчүн 2006-жылкы үлгүдөгү жалпы жарандык паспорт 2020-жылдын 31-декабрына чейин жарактуу деп табылат.

БИШКЕК, 22-май — Sputnik. Кыргызстандын Россиядагы элчилиги мекендештер паспортунун мөөнөтүн кайсы мекемелерден узарта аларын айтты.

Эске салсак, 21-майда документтердин жарактуу мөөнөтүн убактылуу узартууга уруксат берген өкмөттүн токтому чыккан. Анда "2004-жылкы үлгүдөгү КР жаранынын паспорту (эски үлгүдөгү ID-карта) жана чет жакта жүргөн жарандар үчүн 2006-жылкы үлгүдөгү жалпы жарандык паспорт 2020-жылдын 31-декабрына чейин жарактуу деп табылат" деп айтылат.

Элчилик мекендештер паспортунун мөөнөтүн узарта алчу жайлардын даректерин жарыялады.

  • КРдин Россиядагы элчилиги, Москва шаары;
  • Екатеринбург шаарындагы башкы консулдук;
  • Новосибирск шаарындагы башкы консулдук;
  • Санкт-Петербург шаарындагы элчиликтин канцеляриясы;
  • Красноярск шаарындагы элчиликтин канцеляриясы;
  • Владивосток шаарындагы элчиликтин канцеляриясы.
"Документтер ушул гана мекемелерден узартылат. Кызмат көрсөтүү акысыз болот. Ички паспорту бар жарандарга дипөкүлчүлүктөрдөн документтин жасалма эмес экенин тастыктоочу маалымкат берилет", — деп айтылат маалыматта.

Элчилик паспорттордун мөөнөтүн узартууга документ кабыл алуу 1-июнда башталарын кошумчалады.

62
Белгилер:
элчилик, мөөнөт, документ, Россия, Кыргызстан
Тема боюнча
Тыгылып кирип... Бишкектеги калкты тейлөө борборунан тартылган видео
Москвадан Бишкек шаарына кыргызстандык жарандар кайтарылды

Москвадан 460 кыргызстандык кайтты. Анын 68и эки жашка чейинки балдар. Сүрөт

11
(жаңыланган 16:19 07.06.2020)
Кайтып келүүнү каалагандар көп болгондуктан рейстегилердин тизмесин элчилик, диаспора жана клиника өкүлдөрүнөн турган атайын комиссия түзгөн.

БИШКЕК, 7-июн. — Sputnik. Бүгүн, 7-июнда, Москвадан Бишкек шаарына 460 кыргызстандык жаран кайтарылды. Анын 68и эки жашка чейинки балдар экендигин Тышкы иштер министрлигинин маалымат кызматы билдирди.

  • Сегодня, 7 июня, в Кыргызстан прибыл борт авиакомпании «Аэрофлот – Российские авиалинии» по маршруту «Москва – Бишкек», которым из России возвращены 460 граждан Кыргызской Республики, том числе 68 детей до 2 лет.
    Бүгүн, 7-июнда, Москвадан Бишкек шаарына 460 кыргызстандык жаран кайтарылды
    © Фото / Пресс-служба МИД КР
  • Сегодня, 7 июня, в Кыргызстан прибыл борт авиакомпании «Аэрофлот – Российские авиалинии» по маршруту «Москва – Бишкек», которым из России возвращены 460 граждан Кыргызской Республики, том числе 68 детей до 2 лет.
    Анын 68и эки жашка чейинки балдар экендигин Тышкы иштер министрлигинин маалымат кызматы билдирди
    © Фото / Пресс-служба МИД КР
1 / 2
© Фото / Пресс-служба МИД КР
Бүгүн, 7-июнда, Москвадан Бишкек шаарына 460 кыргызстандык жаран кайтарылды

Ага ылайык, жарандар "Аэрофлот — Российские авиалинии" компаниясынын "Москва — Бишкек" каттамы боюнча алып келинди.

Мекенине кайтып келүүнү каалагандар көп болгондуктан, рейстегилердин тизмесин атайын комиссия түзгөн. Анын курамында Кыргызстандын Россиядагы элчилигинин, кыргыз диаспорасынын өкүлдөрү жана Москвагы кыргыздардын медициналык клиникаларынын дарыгерлери болгон.

"Комиссия ден соолугунда олуттуу көйгөйү барларды, турмуштук оор кырдаалга кабылгандарды, төрөйүн деп калган жана жаш баласы бар аялдарды, улгайган адамдарды тандады. Булардын арасында мурда билет алып коюп уча албай калгандар дагы бар", — деп айтылат маалыматта.

Москвадан кайткан жарандардын бардыгы тишелүү медициналык процедуралардан өтүү үчүн обсервацияга жайгаштырылат.

Чет жактагы мекендештерди өлкөгө кайтаруу иштери жүргүзүлүп жатканы белгиленди.

11
Белгилер:
мекендештер, элчилик, Москва, Бишкек
Тема боюнча
Россия мигранттарга патент мөөнөтүн автоматтык түрдө узартып берет
Медиа серепчи Өмүрбек Сатаев

Сатаев: интернетти көзөмөлдөө мыйзамы чийки бойдон сунушталууда

5
(жаңыланган 15:55 07.06.2020)
Медиа серепчи Өмүрбек Сатаев депутаттар тарабынан фейк маалыматтар менен күрөшүү боюнча сунушталып жаткан мыйзам долбоорунда эл өкүлдөрү өз кызыкчылыктарын көздөп жатканын айтты.
Сатаев: интернетти көзөмөлдөө мыйзамы чийки бойдон сунушталууда

Фейк маалыматтарды көзөмөлдөгөн мыйзам керек. Бирок азыр депутаттар сунуштап жаткан мыйзам долбоору чийки. Мындай пикирин Өмүрбек Сатаев Sputnik Кыргызстан радиосунун эфиринде маек куруп жатып билдирди.

Анын айтымында, эл өкүлдөрү шайлоонун алдында сын-пикирлерден коркуп, аталган мыйзамды киргизүүнү көздөөдө.

"Фейк маалыматтар менен күрөшүү керек. Бирок бул багытта сунушталып жаткан азыркы мыйзам долбоору чийки, механизмдери так көрсөтүлгөн эмес. Мыйзам долбоорунун максаты элди жалган маалыматтардан коргоо деп жатышат. Менимче, элди эмес, депутаттар шайлоо алдында өздөрүнүн маалыматтык коопсуздугунан чочулап эле ушундай кадамга барышууда. Эгер чынында эл үчүн иштей турган мыйзам болсо, журналисттер, блогерлер каршы чыкпайт болчу. Бул мыйзам долбоорун кезектеги шайлоо алдындагы оюн катары сыпаттайм", — деди Сатаев.

Серепчи интернеттеги фейк маалыматтар менен күрөшүү үчүн жаңы мыйзам кабыл албай эле буга чейинки бар эрежелердин алкагында иш алып барса болорун кошумчалады.

Белгилей кетсек, Жогорку Кеңештин депутаттары Айнура Осмонова жана Гүлшат Асылбаева "Маалыматты манипуляциялоо жөнүндө" деп аталган мыйзам долбоорун сунуштап жатышат. Анда интернет колдонуучулардын, сайт ээлеринин жана интернет провайдерлеринин укук, миллдеттери жазылган.

5
Белгилер:
сөз эркиндиги, маалымат, мыйзам, Өмүрбек Сатаев
Тема боюнча
Сатаев: аудиторияны сактап калуу үчүн телеканалдар жаңы форматка өтүшү керек