Калкты тейлөө борбору. Архивдик сүрөт

"Унаа" ишканасы менен 20 калкты тейлөө борбору ишин жандантты

71
(жаңыланган 12:22 22.05.2020)
21-майдан тарта аймактардагы калкты тейлөө борборлорунан тышкары, "Унаа" мамлекеттик ишканасынын бөлүмдөрү иштеп баштаганы айтылды.

БИШКЕК, 22-май — Sputnik. Кечээтен тарта Кыргызстан боюнча 20 калкты тейлөө борбору иштеп баштаганын Мамлекеттик каттоо кызматынын төрагасы Акын Мамбеталиев брифинг учурунда билдирди.

Анын айтымында, буга чейин өзгөчө абал киргизилген Бишкек шаарында, Жалал-Абад шаары менен Сузак районунда, Оштун Ноокат жана Кара-Суу райондорунда, ошондой эле Нарындын Ат-Башысында калкты тейлөө борборлору жабык турган. Кечээтен тарта ишмердүүлүгү жанданды.

Учурда Кыргызстан боюнча калкты тейлөөчү 20 борбор жана "Унаа" мамлекеттик ишканасынын бөлүмдөрү эл кабыл ала баштады.

"Кечээ эң көп кайрылуу Бишкек шаарында болду. Тогуз миңдей жаран кайрылды. Эртең менен кезек көп болду. Түшкө жуук мэрия кызматкерлери менен милиция алардын санын азайтканга жардам берди. Кайрылгандардын 75 пайызы чет элдиктер экендигин белгилеп кетели. Алар 10 күндүн ичинде документтерин бүтүрүшү керек болчу. Бирок алардын убактысы дагы узартылды, ошондуктан шашпаңыздар деп айтат элем", — деди Мамбеталиев.

Эске салсак, кечээ, 21-майда, Бишкектеги калкты тейлөө борборлорунда адамдардын узун кезеги пайда болуп, жүздөгөн жаран аралыкты сактабай, эшиктен тыгылып киришкен. Көп өтпөй Мамлекеттик каттоо кызматы убактысы өтүп кеткен паспорттордун жана чет элдик жарандардын, жарандыгы жок жактардын каттоо мөөнөтү убактылуу узартылганын айткан

Коронавирустун кесепети

Кыргызстанда коронавирус жалпы 1350 адамга жукту. Анын ичинен 949 бейтап айыкса, 14 киши каза болгон.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал менен кенен Sputnik агенттиги жүргүзүп жаткан тексттик баяндамадан да таанышсаңыз болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

71
Белгилер:
иш, Калкты тейлөө борбору, Кыргызстан
Тема:
Коронавируска байланыштуу Кыргызстандагы кырдаал (1510)
Тема боюнча
Депутат: өкмөт бюджетке 6 млн. сом төлөчү ишкананы 60 миң сом төлөгүдөй кылды
Баткенде санитардык талаптарды сактабаган бир нече ишкана жазаланды
Жогорку Кеңештин төрагасы Дастан Жумабеков. Архивдик сүрөт

Дастан Жумабеков көк бөрүчү Кушчубай Илис уулуна автоунаа белек кылды. Видео

32
(жаңыланган 16:39 06.06.2020)
Спикер 2019-жылдагы мыкты көк бөрүчүлөрдүн бирине Volkswagen Vento үлгүсүндөгү автоунаа тартуулаган.

БИШКЕК, 6-июн. — Sputnik. Жогорку Кеңештин төрагасы Дастан Жумабеков "Ынтымак" командасынын улакчысы Кушчубай Илис уулуна автоунаа белек кылды. Бул туурасында спикер Instagram баракчасына жарыялады.

Посмотреть эту публикацию в Instagram

Публикация от Дастанбек Джумабеков (@dastanbek_djumabekov_official)

Анда төрага 2019-жылдагы мыкты көк бөрүчүлөрдүн бири Илис уулуна Volkswagen Vento үлгүсүндөгү автоунаа тартуулаганы айтылат.

"Төрага Дастан Жумабеков эл аралык класстагы спорт чебери, жаш улакчыга ийгиликтерди жана жаңы жеңиштерди каалады", — деп жазылган.

Автокөлүктүн ачкычын Бишкекте Жогорку Кеңештин имаратынын жанында тапшырганын көрүүгө болот.

32
Белгилер:
белек, автоунаа, улакчы, Дастанбек Жумабеков
Тема боюнча
Германияга чейин барган. Төрага Жумабеков чоң атасы тууралуу айтып берген видео
Президент Аалы Туткучев баштаган сыймыктуу уул-кыздардын энелерин сыйлады. Сүрөт
Гвоздика гүлү. Архивдик сүрөт

Профессор, физика-математика илимдеринин доктору Арапбай Марипов дүйнөдөн кайтты

24
(жаңыланган 16:31 06.06.2020)
Марипов физика-математика илимдеринин доктору, Нью-Йорк илимдер академиясынын академиги, Эл аралык оптика коомунун мүчөсү болгон.

БИШКЕК, 6-июн. — Sputnik. 5-июнь күнү белгилүү илимпоз, профессор Арапбай Марипов 81 жаш курагында дүйнөдөн кайтты. Бул тууралуу анын жакындары кабарлады.

Марипов физика-математика илимдеринин доктору, Нью-Йорк илимдер академиясынын академиги, Эл аралык оптика коомунун мүчөсү болгон. 

Заслуженный деятель науки, профессор Арапбай Марипов
© Фото / из семейного архива Мариповых
Илимпоз, профессор Арапбай Марипов

Профессор Арапбай Марипов 1939-жылы Ош облусунун Ноокат районундагы Кыргыз-Ата айылында жарык дүйнөгө келген. Москва мамлекеттик университетин 1964-жылы аяктаган. 1994-жылы "Кубулуп турган голографиясынын жаңы аспектилери" ("Новые аспекты радужной голографии") темасында докторлук диссертациясын жактаган. Жетимиштен ашык илимий макалаларды жарыялаган, анын ичинен бир монографиясы бар.

Арапбай Мариповдун сөөгү эртең, 7-июнда, "Ала-Арча" көрүстөнүндө жерге берилет.

24
Белгилер:
өлүм, профессор
Тема боюнча
Улуттук сүрөт өнөрүн көтөргөн Кыргыз эл сүрөтчүсү Баатыр Жалиев дүйнө салды