Түзөтүү колониясында туруктуу телефон. Архив

Жыштык сатуу чыры: УКМК кызматкерлери баш болуп 5 киши кармалды

516
(жаңыланган 16:20 22.05.2020)
Учурда жыштык сатуудагы коррупция боюнча Аскер прокуратурасы менен УКМКнын ведомстволор аралык тобу иликтөө иштерин жүргүзүүдө.

БИШКЕК, 22-май — Sputnik. Жыштык сатуудагы коррупциялык иштерге тиешеси бар делип Улуттук коопсуздук мамлекеттик кызматынын (УКМК) эки, Мамлекеттик байланыш агенттигинин бир жана "Ала-ТВ" компаниясынын бир кызматкери кармалды. Бул тууралуу Башкы прокуратуранын маалымат катчысы Наргиза Куватова билдирди.

"Мамлекеттик байланыш агенттигиндеги коррупциялык иштер боюнча материал 7-апрелде каттоого алынган. 12-май күнү ведомствонун мурдагы директору кармалган. Кийин дагы УКМКнын эки, агенттиктин бир жана "Ала-ТВ"компаниясынын бир кызматкери колго түшүрүлдү", — дешти маалымат кызматтан.

Учурда Аскер прокуратурасы менен УКМКнын ведомстволор аралык тобу иликтөө иштерин жүргүзүүдө.

Эске салсак, Байланыш боюнча мамлекеттик агенттиктин мурдагы директору Наталья Черногубова уюлдук оператордун бири жана Маалыматтык технологиялар комитетинин кызматкерлери менен тымызын сүйлөшүү жүргүзгөн деген шек менен 12-майда кармалган. Башкы прокуратура ал мамлекетке зыян келтиргенин билдирген.

Кийин Жогорку Кеңештин жыйынында депутат Жанар Акаев эки жыштык 1 000 жана 700 сомго сатылып кеткенин айтып, мындай чечим өкмөт башчынын тиешеси жок кабыл алынбайт эле деген пикирин билдирген.

Ал эми кечээ, 21-май күнкү, парламент жыйынында премьер-министр Мухаммедкалый Абылгазиев жыштык сатуудагы коррупция боюнча ишке анын тиешеси жок экенин белгилеп, депутат окуяны саясатташтырып жатат деген оюн айтты.

516
Белгилер:
коррупция, Башкы прокуратура, УКМК, жыштык, Мухаммедкалый Абылгазиев
Тема:
Мухаммедкалый Абылгазиевдин отставкасы (18)
Тема боюнча
Атамбаевдин уулу атасынын абалы кескин начарлаганын айтты. УКМК эмне дейт
ЖК төрагасы Абылгазиевге вирустун экинчи толкунуна даяр турууну эскертти
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

20
(жаңыланган 19:05 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда,Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

20
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды
ИИМ кызматкери. Архив

Милиция БШК мүчөлөрүн эмнеге суракка чакырды? ИИМдин жообу

60
(жаңыланган 18:12 21.10.2020)
Учурда ИИМдин тергөө кызматы 5-6-октябрь күндөрү Бишкектеги массалык башаламандык фактысы боюнча сотко чейинки өндүрүштү иликтеп жатат.

БИШКЕК, 21-окт. — Sputnik. Ички иштер министрлигинин маалымат кызматы Борбордук шайлоо комиссиясындагы абал тууралуу билдирүү таратып, сотко чейинки өндүрүштүн алкагында милиция күбөлөрдү суракка алып келүүгө милдеттүү экенин маалымдады.

Ага ылайык, учурда ИИМдин тергөө кызматы 5-6-октябрь күндөрү Бишкектеги массалык башаламандык фактысы боюнча сотко чейинки өндүрүштү иликтеп жатат. Бул иш Жазык кодексинин 264-беренесинин 1-бөлүмү ("Массалык башаламандык") боюнча Кылмыш жана жоруктардын бирдиктүү реестрине катталган.

"Массалык башаламандыкка түрткү болгон себептерди аныктоо максатында ИИМдин криминалдык милиция кызматы Борбордук шайлоо комиссиясынын бардык мүчөлөрүн күбө катары суракка алуу үчүн кабарлама берүүнү тапшырган", — деп айтылат маалыматта.

Бийлик кантип алмашты? Соңку окуялардагы урунттуу учурлар

Буга чейин ИИМдин кызматкерлери Борбордук шайлоо комиссиясынын мүчөлөрүн суракка алып кетүүгө аракет кылып жатканы кабарланган.

60
Белгилер:
күбө, митинг, сурак, БШК, ИИМ
Тема боюнча
БШК бул жолку шайлоого канча каражат кетерин кабарлады
БШК: милиция биздин мүчөлөрдү суракка алып кеткени жатат
Аширходжаев Эркебек Жумабекович

Аширходжаев Эркебек Жумабекович өмүр баяны

0
Милициянын подполковниги Аширходжаев Эркебек Жумабекович 1969-жылы Чүй облусунун Сокулук районунун Сокулук айылында туулган.

Билими:

  • Кыргыз улуттук университетин Юридика багыты боюнча адистигин аяктаган.

Эмгек жолу:

  • 2001-2010 — ИИМдин Транспорттогу ички иштер башкармалыгынын ар кандай кызматтарында иштеген;
  • 2010-2011 — Бишкек шаардык ички иштер башкы башкармалыгынын тергөө башкармалыгынын өзгөчө оор жана коррупциялык кылмыштарды иликтөө боюнча бөлүмдүн тергөөчүсү;
  • 2012-2017 — Бишкек шаарынын Октябрь РИИБинин Тергөө кызматынын начальниги;
  • 2017-2018 — Кыргыз Республикасынын ИИМ Академиясынын административдик укук жана административдик ишмердүүлүк кафедрасынын окутуучусу;
  • 28.08.2018 - 12.09.2018 — ИИМдин Тергөө кызматынын (башкы башкармалыктын укугунда) анча оор эмес кылмыштарды иликтөө боюнча башкармалыгынын тергөөчүсү;
  • 12.09.2018 - 31.12.2018 — ИИМдин Тергөө кызматынын (башкы башкармалык укугунда) өзгөчө маанилүү иштер боюнча башкармалыгынын баңгизаттарды мыйзамсыз жүгүртүүгө байланышкан кылмыштарды иликтөө боюнча бөлүмдүн тергөөчүсү;
  • 31.12.2018 - 03.05.2019 — ИИМдин Тергөө кызматынын (башкы башкармалык укугунда) өзгөчө маанилүү иштер боюнча башкармалыгынын баңгизаттарды мыйзамсыз жүгүртүүгө байланышкан кылмыштарды иликтөө боюнча бөлүмдүн өзгөчө маанилүү иштер боюнча тергөөчүсү;
  • 03.05.2019 - 23.08.2019 — ИИМдин Тергөө кызматынын өзгөчө маанилүү иштерди иликтөө боюнча башкармалыгынын начальниги;
  • 2019 - 2020 — ИИМдин Тергөө кызматынын башчысынын орун басары кызмат ордунда иштеп келген;
  • 2020-жыл, октябрь — ИИМдин жетекчисинин орун басары.
0
Белгилер:
Эркебек Аширходжаев, өмүр баян, ИИМ