Кайгуул милициянын кызматкерлери жумуш учурунда

Аймактардан келчүлөрдүн эсине! Бишкекке кирип-чыгуу эрежелери

1273
(жаңыланган 17:13 22.05.2020)
Бишкекке аймактардан келе жаткан жарандардын жанында кандай документтер болушу шарт, калаага кирүүдө кандай эрежени сакташ керектигин Sputnik агенттиги даярдаган материалдан окуй аласыздар.

Кыргызстанда 11-майдан тарта айрым аймактардагы өзгөчө абал режими алынып, өлкө боюнча киргизилген өзгөчө кырдаалдын мөөнөтү узартылды. Коронавирус көп чыгып жаткан жерлерде, анын ичинде Бишкекте дагы карантин режими күчүндө. Шаарга кире бериште блокпосттор иштеп, кирип-чыккандарды көзөмөлгө алууда.

Аймактан шаарга келе жаткандар эмнелерди билиши керек, жанында кандай документ болушу шарт? Блокпосттон жөн эле өтүшөбү? Ушул жана башка калаага кирип-чыгуу эрежелери боюнча айыл-аймактардагы тургундардын суроолоруна Бишкек мэриясынын кызматкерлери жооп беришти.

Бишкекке кирип келе жатканда кандай документтер талап кылынат?

Кайдан келе жатканы, кайда бара турганы жазылган маршруттук баракча, өздүгүн тастыктаган документ (паспорт), жашаган жеринен маалым кат болушу керек. Эгер иштеген адам болсо, иштеген жеринен маалым кат талап кылынат. Ал документте сөзсүз Салык кызматынын мөөрү болушу шарт. Эгер иштегендиги тууралуу маалым катты алганга чейин аймакка чыгып кетсе, анда анын сүрөтүн телефондон көрсөтүп өтсө болот.

Кимдер блокпосттордон тоскоолдуксуз өтө алат?

Мамлекеттик жана муниципалдык кызматтын өкүлдөрү, медицина кызматкерлери күбөлүгү менен өтүшөт. Алардан башка документ суралбайт.

Бишкекке дарыланганы келе жаткан оорулуу бейтаптан дагы документ суралабы?

Бейтаптын жанында жергиликтүү медициналык мекемеден берилген ооругандыгы тууралуу маалым кат болушу керек. Андан сырткары маршруттук баракча, паспорт, жашаган жеринен маалым катты да даярдап алганы оң.

Өзү Бишкекте катталуу болуп, бирок аймактан келе жатса шаарга кантип кирет?

Эгер жарандын каттоосу Бишкекте болсо, паспортто бул тууралуу маалымат камтылган. Кирип келе жатканда посттон маалым каттын ордуна паспорттогу каттоону көрсөтүп өтө алышат.

Жанында балдар болсо, алардын да документтерин көрсөтүү зарылбы?

Ооба, алардын жанында туулгандыгы тууралуу күбөлүгү болушу шарт.

Бир автоунаада канча киши болуу тийиш?

Айдоочудан тышкары эки жүргүнчү, бир балага уруксат.

Блокпосттордон ПЦР-тест алынабы?

Жок. Температура текшерилет. Эгерде обсервация же карантинден чыккан жарандар болсо, ПЦР тест текшергендиги тууралуу маалым катын көрсөтүшү зарыл.

Шаарга кирип келе жатканда канча блокпост бар, алар кайсыл жактарда?

Бишкек шаарына кирип келе жатканда 16 блокпост бар:

  • Маловодное айылынан кире берген жер;
  • Айланма жол — Фрунзе совхозу;
  • Айланма жол — Достук айылы;
  • Айланма жол — Пригородный айылы;
  • Айланма жол — "Теңдик" жаңы конушу;
  • Айланма жол — "Киргизская" көчөсү;
  • Айланма жол — "Келечек" жаңы конушу;
  • Айланма жол — "Дордой" базары;
  • Айланма жол — Ибраимов көчөсү;
  • Айланма жол — Курманжан датка көчөсү;
  • Айланма жол — ГЭС-5 (айлампа)
  • Жибек-Жолу проспектиси — Киргшелк айылы;
  • Кара-Жыгач жана Сары-Жон айылдарынын ортосунда;
  • Горная Маевка айылынын жолунда;
  • Кара-Сакал жана Кызыл-Туу айылдарынын ортосунда.

Мэрия эгер жарандардын жогоруда көрсөтүлгөн документтери жок болсо, калаага киргизилбей турганын эскертти.

1273
Белгилер:
документ, блокпост, карантин, Бишкек
Тема:
Коронавируска байланыштуу Кыргызстандагы кырдаал (1497)
Тема боюнча
ЖК төрагасы Абылгазиевге вирустун экинчи толкунуна даяр турууну эскертти
Чет жакта жүргөн 154 кыргызстандыктан COVID аныкталган. Өлкөлөрдүн тизмеси
Мечиттеги мусулман. Архивдик сүрөт

Жаш балдар, улгайгандар мечитке келбей тургула! Муфтияттын кайрылуусу

95
(жаңыланган 22:19 04.06.2020)
Жаш балдар, жашы өтүп калган кары-картаңдар жана ооругандар, дене табы көтөрүлүп жаткан жарандардын мечитке келбей туруусу кажет.

БИШКЕК, 4-июн. — Sputnik. Мечитке жана намазканаларга барган жарандарга бир катар эрежелер киргизилди. Бул тууралуу Кыргызстан мусулмандарынын дин башкармалыгы билдирди.

Билдирүүдө аталган жайларга келген элдин санитардык эрежелерди сактоосу шарт экени айтылды.

  • бет кап тагынып, кире бериштен дене табын өлчөтүүсү керек;
  • мечитте адамдардын ортосунда 1,5 метрлик аралыкты сакталышы шарт. Кол алышып, кучакташып көрүшүүгө тыюу салынат, даарат алуучу жайларда аралыкты жана санитардык талаптарды сактоо абзел;
  • жаш балдар, жашы өтүп калган кары-картаңдар жана ооругандар, дене табы көтөрүлүп жаткан жарандардын мечитке келбей туруусу кажет.

Республикада бардык мечиттерде даярдык жана түшүндүрүү иштери имамдарга жүктөлдү.

Муфтият тарабынан көрсөтүлгөн сунуштарда дааратты үйдөн алуу менен сүннөт намаздарды үйдөн окуп, мечитке келген жарандар көп убакытка кармалбай, 15-20 мүнөттүн аралыгында чыгып кетиши керектиги айтылат.

Муну менен катар жамаат намаздары ачык абада мечиттин короосунда өткөрүлүп, ар бир адам мечитке келгенде жайнамазын ала келүүсү сунушталат.

Буга чейин мечиттерге чектөөлөр алынгандыгына байланыштуу 8-июнунан баштап мечиттер, намазканалар, чиркөөлөр санитардык сактык чараларын толук сактоо менен бирге ишке кирери айтылган.

95
Белгилер:
сунуш, талап, чиркөө, намаз, имам, мечит, муфтият, Кыргызстан
Тема:
Коронавируска байланыштуу Кыргызстандагы кырдаал (1497)
Тема боюнча
Мэрия: Бишкек азыр кооптуу, коронавирус жуктуруп алуудан абайлагыла
Жээнбеков: коронавирус инфекциясы аймактардагы көйгөйлөрдү ачыкка чыгарды
Башкы прокуратура. Архивдик сүрөт

Жыштык чыры: кылмыш ишти эмнеге Аскер прокуратурасы тергеп жатканы айтылды

69
(жаңыланган 21:44 04.06.2020)
Жыштыктар боюнча кылмыш иши мамлекеттин маанилүү делген тармагына тиешелүү болгондуктан, бул боюнча маалыматты ачык айтуу өлкө менен коомчулукка пайда алып келбейт.

БИШКЕК, 4-июн. — Sputnik. Радиожыштыктар боюнча мамлекетке зыян келтирген мыйзамсыз фактылары ашкереленери менен бул ишке күч түзүмдөрүндөгү кызматкерлердин кызыкчылыгы байкалып, мындан улам Башкы прокуратура ишти Аскер прокуратурасына өткөрүп берген. Бул тууралуу аталган көзөмөл органдын маалымат кызматынан кабарлашты.

Башкы прокуратуранын өндүрүшүнө өткөрүлгөн ишти кароо үчүн УКМК, ИИМ жана Аскер прокуратурасынын кызматкерлеринен турган ведомство аралык ыкчам-тергөө тобу түзүлгөн.

"Аталган иш мамлекеттин маанилүү делген тармагына тиешелүү болгондуктан, бул боюнча маалыматты ачыктап коюу мамлекет менен коомчулукка пайдалуу болбойт. "Мамлекеттик сырлар жөнүндөгү мыйзамга" ылайык, ал жашыруун сырды камтыган материал деп бекитилди. Азыр бир катар адамдардын бул иш боюнча кылмыш жасады деп шектелгени расмий маалымдалды. Мамлекеттик кызматкерлердин жана башкалардын бул кылмышка канчалык тиешеси бар экендигин аныктоо үчүн толук, ар тараптуу жана объективдүү тергөө жүрүп жатат", — деп айтылган маалыматта.

Вице-премьер Эркин Асрандиев
© Фото / Пресс-служба правительства/ Алишер Алиев
Сүйлөшүп алган жетекчилердин тобу радиожыштыктарды колдонуучу технологияларга ээ болуп жана лицензияларды кайра каттатууда жеке компаниялардын кызыкчылыктарын улам коргоп, жылдырып отурган. Мунун эсебинен мамлекет зыян тарткан. Бул Кылмыш кодексинин 319-беренесине ("Коррупция") туура келди.

Эске сала кетсек, 20-май күнү парламенттин жыйынында депутат Жанар Акаев эки радиожыштык арзан сатылып кеткенин айтып чыгып, бул өкмөт башчы Мухаммедкалый Абылгазиевдин уруксаты менен гана жасалышы мүмкүн экенин айткан. Анын айтымында, өлкө казынасы мындан 5 миллиард сомдук зыян тарткан. Премьер-министр жооп кайтарып, кыска мөөнөттүү эмгек өргүүгө кеткен.

Буга чейин Башкы прокуратура коррупцияга шектелип Байланыш агенттигинин беш кызматкери кармалганын маалымдаган.

69
Белгилер:
тергөө, Башкы прокуратура, УКМК, кылмыш, Кыргызстан
Тема боюнча
Жыштык чырына тиешеси жок. УКМК Байымбетовдун иштен кетишин түшүндүрдү
Премьер-министр Абылгазиев жыштык чуусунан улам эмгек өргүүгө кетти

Нью-Йоркто акцияга чыккандар камалууда. Видео

0
АКШда башаламандык афроамерикалык Жорж Флойддун өлүмүнөн кийин башталып, бир катар мамлекеттерге жайылды.

Нью-Йорк полициясы АКШдагы полициянын зомбулугуна нааразы болуп, акцияга чыккандардын арасынан 60 кишини камакка алды. Полиция департаментинин жетекчисинин айтымында, кармалгандар коменданттык сааттын эрежесин бузушкан.

Ал тартип сакчылары мыйзамдын бузулушуна жол бербей турганын айтып, шаар тургундарынын коопсуздугу үчүн бардык кадамдарга барарын белгиледи.

0
Белгилер:
башаламандык, Жорж Флойд, Нью-Йорк, АКШ, полиция
Тема:
АКШда афроамерикалыктын өлүмүнөн кийинки башаламандык
Тема боюнча
Мен — Жорж Флойдмун. АКШдагы акциялар дүйнөгө жайылды. Видео
Унчукпай кутулушту. Ак үйдү митингчилерден кайтарган аскерлердин видеосу
Кайрадан орустар. АКШдагы козголоңго Москваны айыптоо кимге зарыл?