Екатеринбургдан 22 кыргызстандык жаран учуп келип Бишкек шаарына конду

Кош бойлуу, операция болгон 22 кыргызстандык Екатеринбургдан алып келинди

114
(жаңыланган 18:35 22.05.2020)
Учак менен алып келингендердин арасында операция болгон, сыркоологон бейтаптар жана ай-күнү жакындап калган кош бойлуулар да бар.

БИШКЕК, 22-май — Sputnik. Екатеринбургдан 22 кыргызстандык жаран учуп келип Бишкек шаарына конду. Бул тууралуу Республикалык штабдан кабарлашты.

Чартерным рейсом из Екатеринбурга на родину прибыли 22 кыргызстанца, нуждающихся в срочном возвращении в связи с тяжелыми заболеваниями, перенесенными сложными операциями и поздним сроком беременности
© Фото / Республиканский штаб КР по борьбе с COVID-19
Екатеринбургдан 22 кыргызстандык жаран учуп келип Бишкек шаарына конду

Билдирүүгө ылайык, 22-май күнү “Урал аба жолдору” авиакомпаниясынын бир учагы “Екатеринбург — Бишкек — Екатеринбург” каттамы менен Кыргызстандан Россиянын жарандарын алып кетүү үчүн учуп келген.

”Эки тарап сүйлөшүүлөрдү жүргүзүп, ал каттам менен Екатеринбург, Тюмень, Челябинск, Сургут, Санкт-Петербург жана Ханты-Мансийскиден КРдин 22 жараны алып келинди. Алардын арасында операция болгон, сыркоологон бейтаптар жана ай-күнү жакындап калган кош бойлуулар бар”, — деп айтылат маалыматта.

Республикалык штаб учак менен келгендер тийиштүү медициналык процедуралардан өтүп, обсервацияга жайгаштырыла тургандыгын кошумчалады.

114
Белгилер:
учак, жаран, Россия, Кыргызстан
Тема боюнча
Оренбургдун Бузулук районунда турган 448 мекендеш Кыргызстанга келе жатат
Кыргызстанда коронавирустан 20 бейтап айыкты
Бала бакча. Архив

Бала бакча кызматкерлери COVID вирусуна анализ тапшырат

3
(жаңыланган 15:09 04.06.2020)
Бишкекте 87 муниципалдык, 13 ведомстволук жана 218 жеке менчик бала бакча бар. Алардын 5-июндан тарта иштей баштаары күтүлүүдө.

БИШКЕК, 4-июн. — Sputnik. Бишкектеги мамлекеттик жана менчик бала бакчалардын тарбиячылары толугу менен COVID-19 вирусуна анализ тапшырат. Бул тууралуу брифинг учурунда калаанын вице-мэри Татьяна Кузнецова билдирди.

Эске салсак, Кыргызстанда мектепке чейинки билим берүү мекемелери 5-июндан тарта иштей баштайт.

Анын айтымында, мэриянын сунушун Республикалык штаб колдоп, кызматкерлерди массалык түрдө скрининг кылууга макул болду.

Кузнецова билдиргендей, бала бакча жетекчилиги тез арада кызматкерлеринин тизмесин райондук акимчиликтерге бериши зарыл.

"Ар бир ата-эне балдарын коопсуз жакка жиберип жатканына ишениши керек. Ата-энелердин өзүнөн дагы үйдө тазалыкты сактап, балдарга маска алып беришин өтүнөбүз. Өзгөчө кырдаал учурунда гигиенаны сактап, бет кап кийип, аралыкты кармоо менен бири-бирибизге жардам берели", — деди вице-мэр.

Маалыматка караганда, эпидемияга каршы ыкчам комиссия төмөндөгү документтерди иштеп чыкты:

  • мектепке чейинки билим берүү жайларынын иштөөсү боюнча убактылуу регламент;
  • бала бакчага барган ата-энелердин анкетасы;
  • баланын ден соолугуна кам көрүү боюнча ата-энелердин милдеттендирме кагазы.

Убактылуу регламентте баланы эртең менен бакчага кабыл алуу, жеке гигиенасына кам көрүү үчүн шарттарды түзүп берүү, балдардын бир жерге топтолушуна жол бербөө, аралыкты сактатуу маселелери каралган. Ошондой эле бала бакча кызматкерлери маал-маалы менен бөлмөлөрдү тазалап, дезинфекциялап турууга милдеттүү.

Бишкекте 87 муниципалдык, 13 ведомстволук жана 218 жеке менчик бала бакча бар.

3
Белгилер:
коронавирус, эреже, гигиена, бала бакча, Бишкек
Тема:
Коронавируска байланыштуу Кыргызстандагы кырдаал
Тема боюнча
15-июндан тарта тышкы каттамдар жанданат. Кайсы компаниялар учууга макулдук берди
Жээнбеков: коронавирус инфекциясы аймактардагы көйгөйлөрдү ачыкка чыгарды
Бишкекте санитардык эреже бузгандар 1,2 миллион сомдук айыпка жыгылды
Бишкектеги аялдамада бет кап кийип отурган аял. Архивдик сүрөт

Мэрия: Бишкек азыр кооптуу, коронавирус жуктуруп алуудан абайлагыла

30
(жаңыланган 14:45 04.06.2020)
Мэрдин орун басары шаардыктарды өздөрүнүн жана жакындарынын ден соолугун сактоого, бет кап тагынууга, социалдык аралыкты жана санитардык эрежелерди аткарууга чакырды.

БИШКЕК, 4-июн. — Sputnik. Бишкекте коронавирус жуктуруп алуу коркунучу жогору бойдон калууда. Бул тууралуу брифинг учурунда калаанын вице-мэри Татьяна Кузнецова билдирди.

"4-июнга карата Бишкекте коронавирус жуктурган адамдардын саны 499га жетти. Алардын 77си четтен келген жана 422си ооругандар менен байланышта болгон жарандар экени аныкталган. Медициналык көзөмөлдө 155 адам турат", — деди Кузнецова.

Бүгүнкү күндө вирустан дарыланып чыккандардын саны 300 адамга жетти.

Мэрдин орун басары вирус жуктуруу коркунучу жогору бойдон турганын айтып, шаардыктарды өздөрүнүн жана жакындарынын ден соолугун сактоого, бет кап тагынууга, социалдык аралыкты жана санитардык эрежелерди аткарууга чакырды.

30
Белгилер:
карантин, коронавирус, мэрия, Татьяна Кузнецова, Бишкек
Тема:
Коронавируска байланыштуу Кыргызстандагы кырдаал
Тема боюнча
Бүгүн Кыргызстанда 28 кишиден коронавирус чыкты
Каныңыздын тобу кайсы? Коронавируска көп туруштук бере албачулар айтылды
Жээнбеков: коронавирус инфекциясы аймактардагы көйгөйлөрдү ачыкка чыгарды
Жогорку Кеңештеги депуттар отурган зал. Архивдик сүрөт

Шайлоо босогосун 7 пайызга түшүрүү боюнча мыйзам долбоору экинчи окуудан өттү

0
(жаңыланган 15:09 04.06.2020)
2010-жылы шайлоо босогосу 5 пайызды, 2015-жылы 7 пайызды түзгөн. Андан соң 2017-жылда 9 пайыздык чек коюу мыйзамы  кабыл алынган.

БИШКЕК, 4-июн. — Sputnik. Жогорку Кеңештин депутаттары бүгүн  шайлоо босогосун 9дан 7 пайызга түшүрүү боюнча мыйзам долбоорун экинчи окууда жактырды.

Аталган документ парламенттик бүгүнкү жыйындын күн тартибине экинчи окууга киргизилген. Депутаттар бул ирет суроо берип, талкуу жаралган жок, мыйзам долбоору добуш берүүгө токтоосуз жөнөтүлдү. 

Натыйжада 104 депутат макул деген добуш берип, каршы чыккандар болгон жок.

Биринчи окууда 101 депутат колдоп, тогузу каршы добуш берген болчу

Мыйзам долбоорун Талант Мамытов, Өмүрбек Бакиров, Азиз Турсунбаев, Кубанычбек Нурматов башында турган 21 депутат демилгелеген.

Деген менен дал ушундай эле мыйзам долбоорун буга чейин депутаттар Мирлан Жээнчороев, Исхак Масалиев, Жанар Акаев, Наталья Никитенко, Дастан Бекешев демилгелеп, босогону 5 пайызга түшүрүүнү сунушташкан. Ал мыйзам долбоору азырынча карала элек.

Буга байланыштуу биринчи окууда эки мыйзамдын авторлорунун ортосунда талаш жаралган.

Эскерте кетсек, 2010-жылы шайлоо босогосу 5 пайызды, 2015-жылы 7 пайызды түзгөн. Андан соң 2017-жылда киргизилген өзгөртүүлөргө ылайык, 9 пайыздык чек коюу үстүбүздөгү жылдын январынан тартып күчүнө кирген.

0
Белгилер:
парламент, пайыз, мыйзам, босого, шайлоо
Тема боюнча
Биринчи мыйзам каралбай калган. Шайлоо босогосу боюнча жаңы демилге сунушталды
КРди парламенттик же президенттик башкарууга өткөрүү боюнча мыйзам долбоору жарыяланды