Аял конференцияга катышып отурат. Архив

УКМК: Шадиевдин жубайы кылмыштуу кирешени мыйзамдаштырууга шектелүүдө

505
(жаңыланган 20:57 22.05.2020)
Улуттук коопсуздук кызматынан алардын мүлкү, каражаты декларациясында көрсөтүлгөн көлөмдөн ашып кеткенин айтышты.

БИШКЕК, 22-май — Sputnik. Мурдагы биринчи вице-премьер-министр Аскарбек Шадиевдин аялы күйөөсүнүн кылмыштуу кирешелерин мыйзамдаштырган деп шектелүүдө. Бул туурасында УКМКдан кабарлашты.

Учурда УКМК Шадиевдин өзүнчө бир топ менен сүйлөшүп алып, кылмыштуу кирешелерин мыйзамдаштырган деп шек жараткан ишти иликтеп жатат. 

"2010-жылдан 2017-жылга чейин А. Шадиев мүлктүн келип чыгышынын кылмыштуу булагын жашыруу максатында аялы Асел Шадиеванын атына каттатып, ал кирешелерге мыйзамдуу форма бергени аныкталды", — деп айтылган маалыматта.

Мындан улам алардын мүлк-каражаты декларациясындагы маалыматтан ашып кеткени айтылган.

"Муну менен катар эле аларга тиешелүү болгон активдер менен кирешелер бирдиктүү салык декларациясындагы ошол мезгилдеги көрсөтүлгөн суммадан алда канча көп болуп чыкты", — деп билдирди УКМК.

Улуттук коопсуздук кызматы чогултулган маалыматтардан улам Шадиевдин жубайынын кылгандарына юридикалык баа берилгенин кабарлады.

"Топтолгон материалдар Асел Шадиеванын кылмышты кошо жасоого, тагыраагы, кылмыштуу кирешени адалдоого катыштыгы бар экенин көрсөтүп турат. Мындан улам тергөө тарабынан анын кылган иштерине юридикалык баа берилди", — деп айтылган маалыматта.

Кылмыш процессуалдык кодекстин 18-беренесине ылайык, сот өндүрүшү тараптардын талашы (далил тартышы) жана укуктардын тең каралышынын негизинде жүрүшү керектиги айтылган.

"Буга байланыштуу эгерде Асел Шадиева актай турган далилдерди каралган тартипте көрсөтүп жана тиешелүү түшүндүрмөсүн берсе дурус болмок. Себеби муну кылмыш процессуалдык мыйзамдары талап кылат", — деп УКМК билдирди.

2018-жылдын апрель айынын соңунда Башкы прокуратура Жогорку Кеңештин депутаты, мурунку биринчи вице-премьер Аскарбек Шадиевге карата Кылмыш-жаза кодексинин "Кызматынан кыянаттык менен пайдалануу" беренеси боюнча кылмыш ишин козгогон.

Бишкек шаардык Биринчи май райондук соту анын баш коргоо чарасын карап, камакка алуу өкүмүн чыгарган.

Шадиев өзүнө кылмыш иши козголгондон кийин, 2018-жылдын 28-апрелинде Хожент — Москва каттамы менен учуп кеткенин Улуттук коопсуздук мамлекеттик комитети билдирген. Андан ары КР дипломаттык паспортун колдонуп, Нью-Йорк шаарына кеткен.

Шадиевдин үй-бүлөсүнүн мүлкү камакка алынган, ал эми өзүн сырттан камоо чечими чыккан.

505
Белгилер:
баа, тергөө, киреше, УКМК, Аскарбек Шадиев, Кыргызстан
Тема боюнча
Жыштык сатуу чыры: УКМК кызматкерлери баш болуп 5 киши кармалды
Атамбаевдин уулу атасынын абалы кескин начарлаганын айтты. УКМК эмне дейт
Мамлекеттик ипотекалык компаниянын төрайымы Элмира Абжапарова

Абжапарова: 6% менен каалагандарга ипотека берчү компания түзүлдү

4
Мамлекеттик ипотекалык компаниянын төрайымы Элмира Абжапарова аталган мекеменин алдында дагы бир ипотекалык ишкана түзүлгөндүгүн айтты.
Абжапарова: 6% менен каалагандарга ипотека берчү компания түзүлдү

"Ак-Босого" турак жай сактык, кредиттик компаниясы аркылуу каалаган жарандардын бардыгы эч кандай чектөөлөрсүз ипотека ала алат. Бул тууралуу Элмира Абжапарова Sputnik Кыргызстан радиосуна маек куруп жатып билдирди.

Анын айтымында, аталган компаниянын максаты кыргызстандыктарды турак жай менен камсыз кылууда жеткиликтүү шарттар менен камсыздоо.

"Ак-Босого" турак жай сактык, кредиттик ишканасынын Мамлекеттик ипотекалык компаниядан айырмачылыгы арбын. МИК жалаң гана бюджеттик кызматта иштеген адамдарга ыңгайлашкан болсо, жаңы түзүлүп жаткан ишканадан каалоочулардын бардыгы кредит ала алат. Ошондой эле ипотека алып жаткан адамдын үйүнүн бар-жогу да каралбайт. Мисалы, кардар 1 миллион сомдук үй алгысы келсе, алгач үч жыл бою "Ак-Босого" компаниясынын сактык куржунунун топтомо бөлүгүнө өз каражатын чогултушу керек. Албетте, ар кимдин финансылык мүмкүнчүлүгүнө карап, бирдиктүү суммага бөлүнөт. Кардар үч жыл бою ай сайын белгиленген акчаны компанияга которуп турат. Мөөнөтү бүткөн соң башында келишимде айтылгандай, 1 миллион сомдук тамды сатып алат. Жетпеген каражатты "Ак-Босого" турак жай сактык, кредиттик компаниясы алты пайыз менен сегиз жылга берет. Кардар өзү чогулткан акчасы менен келип кредит ала албайт. Милдеттүү түрдө 3-4 жылга аталган компанияда акчасын чогултушу керек", — деди Абжапарова.

Ал жаңы түзүлүп жаткан ипотекалык компаниянын кызматынан чет мамлекеттерде иштеп жүргөн кыргызстандыктар да пайдалана ала тургандыгын кошумчалады.

4
Белгилер:
кредит, компания, турак-жай, ипотекалык насыя
Тема боюнча
Мамлекеттик ипотека 2025-жылга чейин кандай болот? Долбоордун кыскача түшүндүрмөсү
Республикалык ден соолукту чыңдоо жана массалык коммуникация борборунун жугуштуу ооруларды алдын алуу бөлүмүнүн башчысы Сагынбек Уезбаев

Уезбаев: вирустан коргонуу үчүн кол кап кийген туура эмес

3
Республикалык ден соолукту чыңдоо жана массалык коммуникация борборунун жугуштуу ооруларды алдын алуу бөлүмүнүн башчысы Сагынбек Уезбаев вирустан коргонуу үчүн ысыкта кол кап кийгенде кол тердеп, жумшарып, теринин сырткы катмары микробдон коргобой каларын айтты.
Уезбаев: вирустан коргонуу үчүн кол кап кийген туура эмес

Бейтаптардын 80 пайызы COVID-19 менен симптому жок ооруп жатат. Ошондуктан эл арасында инфекцияны алып жүргөнүн билбеген адамдар болушу ыктымал. Өзү оорубаганы менен ал адам башкаларга жуктурушу толук мүмкүн. Андыктан мындай учурда ар бир адам коомдук жайларда, эл чогулган жерлерде, ишканада бет кап тагынуусу зарыл болуп эсептелет. Бул тууралуу Сагынбек Уезбаев Sputnik Кыргызстан радиосунун эфиринде маек куруп жатып билдирди.

Анын айтымында, карантин маалында көчөгө жеңи, багалеги узунураак кийим кийип, эл көп жерде маска тагынып, адамдардан бир жарым метр алыс туруп, аралыкты сактоо керек.

"Негизи медициналык бет каптарды медкызматкерлер, бейтапты карап жаткан киши жана ооруп жаткан адам башкаларга жуктурбоо максатында тагынат. Ал эми коргонуу үчүн мүмкүнчүлүк болсо респиратордук маскаларды тагынган оң. Азыр коомдук транспорттор, соода борборлору жана башка тармактар ишке кирди. Мыйзам боюнча ар бир жаран өзүнүн ден соолугуна кам көрүүгө жана башкалардан санитардык-эпидемиологиялык эрежелерди сактоону талап кылууга укугу бар. Ошондуктан биз коомдук жайларда адамдардан маска тагынууну талап кыла алабыз. Ал эми вирустан коргонуу үчүн ысыкта кол кап тагынуунун зарылчылыгы жок. Себеби кол тердеп, нымдалышып, жумшарып, тескерисинче, теринин сырткы катмары микроб, вирустан коргой албай калат. Андан көрө көчөдө жүргөндө колду антисептикалык каражаттар менен тазалап туруу натыйжалуураак. Эскерте кетчү нерсе, бул суюктукта спирттин концентрациясы 70 пайыздан кем болбошу керек. Ошондой эле карантин маалында көчөгө жеңи, багалеги узунураак кийим кийип чыккан туура", — деди Уезбаев.

Ал сырттан келгенде кийимдерди күнгө жайып, дененин ачык жерлерин самындан жууп коюу керектигин кошумчалады.

3
Белгилер:
коргонуу, антисептик, гигиена
Тема боюнча
Уезбаев: тазалыкты камсыздоо вирустун жайылышына бөгөт коёт